تجربتى مع البسبوسه

السلام عليكم ورحمة الله وبركاته

النهارده يا عيال انا جبت لكم بسبوسه ....اصلى انا اختصاصى بسبوسه ::

المقادير :::

‏1/ كيس بسبوسه نشتريه من السبور ماركت ب 3جنيه وكل واحد وحسب اسعار بلده

‏2/علبة زبادي ويمكن استخدام اللبن بدلا منها (انا بستخدم لبن )

‏3/كوب ماء وذلك فى حالة استخيدام الزبادي اما اذا استخدمتى اللبن فلا داعى للماء (لأن اللبن عمرو مايبقى ميه ههههههه)
‏4/ معلقة بكنج بودر
‏5/ 3ملاعق سمن

‏_____________________________________

تجربتى مع البسبوسه :الطريقة كما فعلتها بالضبط :::

يتم إضافة محتويات كيس البسبوسة إلى الزبادي والماء(أو اللبن كما فعلت ) والبكنج بودر والسمن ويقلب جيدا حتى يتم خلط الجميع تماما

وبعد ذلك توضع فى صنيه مستديرة او حسب الرغبة على ان تكون الصنيه مدهونه بالمسلى (عشان البسبوسة متلزقش )
ويمكن رشها بجوز هند كما فعلت ... (أو جوز سعاد يعنى أى حد فيهم ينفع )

وبعد ذلك توضع فى فرن ويلاحظ ان تكون الفرن ساخنة قبل وضعها .......
وبعد خروجها مباشرة تسقى بالشراب البارد ......
‏____________

طريقة عمل الشراب .....

‏2/ كوب سكر + كوب ماء (السماء انا يعنى)

وبعد ان يغلى الاثنين معا يوضع نصف ليمونه (مش بقشرها لالا عصيرها بس )

‏_______________

ابداعى الخاص ::::

لقد وضعت فى الشراب بدلا من الليمون عصير الفراوله الجميييييل فأصبح لون الشراب راااااااااااااااااائع

قمت فى الخفااااااء من وراااااء امى طبعا بوضع ثلاث ملاعق من الشراب فى عجينة البسبوسة

وبعد ان انتهيت من اعدادى العجينة اكتشفت أن نسيت اشعال الفرن مسبقا .....لا تقلقوا هذا امر بسيط لقد قمت بإشعالها وانتظرت بعض الوقت لتسخن ....ثم وضعتها بأمان ......

وبعد ان اخرجتها من الفرن فآجأتها بالشراب وانا أقول (البسبوسه هتتجنن وتتفاجئ بالشراب .....يااااااااله من موقف !!!!!!!

ولكنى انا من تفاجئت من ان الشرااااب قليل ولم يكفى البسبوسه

وبعد ان انتهيت من وضع الشراااااب عليها

وضعتها فى الثلاجه بسرعة ثم هربت قائله :

أنا مليش دعوه بالبسبوسه دى

بصراحة كنت جايفة تكون فشلت المهمه

كان هذا فى رمضان

وبعد الآذان وتناول الافطار :::

البسبوسة تجنن يا جماعة بجد والله

بعد استطلاع الرأى اجماع من كل أخواتى انها حلوة

امى ساكته وطبعا انتم عارفين السكوت علامة الرضا

الوالد غايب بس هايروح منها فين مسيرو يجى ويدوق بنفسه

انتصارنا

تحيا مصر

للأسف يا اريج جيتى متأخر البسبوسة خلصت هههههههههههههه بس ولا يهمك اعملك بدالها يا غاليه

الله يسلمك يا حبيبتى وحشتينى خاااااالص

المنتدى منور بيكى وبكل من فيه

ربنا ما يحرمنى منكم ابدا ......

ويجمعنى بيكم فى الجنة بإذن الله


والغياب غاب من غيابى خدته غياب وحضور مغابش بس غبت لما غابت اللى غايبه عن غيابى وجيت ولسه ما جيتش وغبت رغم حضورى غايبه عن غيابى

ادعوووووولى

الله يسر لك كل الأمور

ويبعد عنك كل الشرور

وتسعدى بالرضا والنور

ويارب اشوفك احلى عروسه

واعملك تانى بسبوسه

حضرتك تقصد ايه بقى يا استاذ خالد بإنك الحمد لله صايم ؟ لتكون قصدك حاجه بخصوص البسبوسه !!!
طب والله دى طلعت حلوة بجد بقى وملهاش مثيل

كلام الإستاذ خالد ( اللهم إني صائم ) يحمل 2معنى .. احدهما أنه كان يريد أن يخطأ في حق البسبوسه ولكنه منعه صومه .. والثاني العكس كان يريد أكلها .. على العموم هى خلصت وطبعا دا دليل إنها حلوه

كل ثانيه وانت طيبة يا حسانيه ..وربنا يسعدك دنيا وآخره ... بس عارفه ضحكتك ورقتك دي احلى من أي بسبوسه

الله يسلمك يا شيمو يا عسل ... شوفتى بقى أن شاطره ازاي ؟
طالعه لأمي .. ومش هاتأخر هانزل بسرعه ..هههههههههه

خلاص حضرتك أخدت براءة ... بالنسبه لطعمها أنا دوقته بالنيابه عن حضرتك وطعمها روعه روعه روعه بالهنا والشفا ليا طبعا

انت تأمري يا دودو .. دا انا اعملك بسبوسه مخصوص واجيبها لحد عندك كمان ..

من عيوووووونى يا فاطم بس كدا ....بس انت اوحيتى لى بفكررررره بما انك بتحبى البسبوسه وكماااان الشكولااااااته انا بفكر اعمل بسبوسه بالشكولاته وكمان معاها آيس كريم ايه رأيك ؟؟
وبما انك مش تتعبينى وهاتيجى تنورينا فى البلد انا هافسحك واخدك ونمشى على الكورنيش وكمان نروح الملاهى نركب مراجيح سوا وطبعا دا كله على حسابك انت ههههههههههههههه ها ايه رأيك ؟؟؟

انت احلى من البسبوسه يا فطومه يا عسل

آمين يا فطوم ولك بمثل