كان لازم أختفى ثم أعود مره أخرى

أخوانى وأخواتى أعضاء منتدى الدكتور يا سر عبدالله
السلام عليكم ورحمة الله وبركاته
ياترى حد فيكم لسه فاكرنى
أكيد طبعا كلكم فاكرينى ههههههههههههههههههههههههههههه
والله ليكم وحشه والمنتدى كله ليه عندى وحشه
بس كان لازم أختفى الفتره اللى فاتت دى
لأنى حسيت فى الفتره الاخيره أنى غير مرغوب فيا فى المنتدى
معلش الاحساس دا حسيته من الكل .... وليس من شخص واحد بس
الكل ماكانش راغب فى تواجدى بالمنتدى .... وكانت هذه الرغبه بتختلف من شخص لآخر
أكثركم الاستاذ خالد
كان أكتر شخص مش عاوزنى فى المنتدى (( دا احساسى ممكن يكون خطأ ))
طول فترة غيابى يا استاذ خالد ما حولتش تتصل بى مره واحده أو تسأل عنى
إتصلت بيك أخر مره وحضرتك ما حبيتش ترد علىَّ
أنا مش راجع علشان أعاتب حضرتك
ولا أنا مش زعلان من الكلام دا
بس أنا رجعت تانى للمنتدى الذى ما زلت أكررها حتى الان رجعت للمنتدى صاحب الفضل على
وطالب من حضراتكم إنكم تسامحونى جميعا
وأى شخص أنا غلطت أو أخطأت فى حقه بقصد أو بدون قصد ياريت يسامحنى
أنا معاكم من جديد
فهل تقبلونى معكم ؟؟؟ (( ردكم مهم جدا بالنسبه لى ))

تحياتى للجميع ،،،،،،،،،

وعليكم السلام ورحمة الله وبركاته
أولاً حمد الله على السلامة
ثانياً إن بعض الظن إثم
ثالثاً الوقت الذي إتصلت عليا فيه في شهر أبريل كنت في غرفة العمليات
رابعاً أعتقد لن يرد عليك غيري لإن الجميع أخد مصلحته وشرخ
وفي النهاية أهلا وسهلاً بك ياأستاذ محمود في منتداك

خالد السيد كتب:: وعليكم السلام ورحمة الله وبركاته
أولاً حمد الله على السلامة
ثانياً إن بعض الظن إثم
ثالثاً الوقت الذي إتصلت عليا فيه في شهر أبريل كنت في غرفة العمليات
رابعاً أعتقد لن يرد عليك غيري لإن الجميع أخد مصلحته وشرخ
وفي النهاية أهلا وسهلاً بك ياأستاذ محمود في منتداك

الف مليون سلامه عليك يا استاذ خالد
والله موضوع العمليات دا أول مره أعرف بيه منك
وبعدين فى حد رد على وماقالش انك فى العمليات
وانا سيبتلك رساله بانى سألت عليك بس
والاتصال على ما أعتقد ماكانش فى شهر ابريل
تقريبا كان بعد كده ممكن فى شهر يوليو بس مش متذكر امتى والله
عموما أنت عارفنى ..... والله لو عرفت موضوع العمليات دا كنت جيتك على طول
الف سلامه ياصاحبى

لا هو الإتصال كان بعد العملية مباشرة ولما بلغوني قولت أكيد عرف إني عملت عملية وبيسأل عني لإن الموضوع كان منشور على الفيس بوك وكان وقتها إتصالات كتير ومعظمها لم أكن أرد ولكن كنت بسجل عندي فلان إتصل وعندما عدت لصفحتى في الفيس بعد الشفاء وجهت للجميع الشكر بالإسم وأنت منهم كتبت إسمك - على العموم حصل خير

مشرف عدد المساهمات : 80 تاريخ التسجيل : 19/04/2015

مع انى مش فاهمه حاجة

بس الحمد لله ع سلامتك ا/محمود cheers

والف سلاااااااامه عليك ا/خالد cheers

منى محمد كتب:: مع انى مش فاهمه حاجة

cheers:

لما أفهم ياأخت منى أبقى أقولك لإني أصلً مش فاهم حاجة

خالد السيد كتب:: لا هو الإتصال كان بعد العملية مباشرة ولما بلغوني قولت أكيد عرف إني عملت عملية وبيسأل عني لإن الموضوع كان منشور على الفيس بوك وكان وقتها إتصالات كتير ومعظمها لم أكن أرد ولكن كنت بسجل عندي فلان إتصل وعندما عدت لصفحتى في الفيس بعد الشفاء وجهت للجميع الشكر بالإسم وأنت منهم كتبت إسمك - على العموم حصل خير

لا والله يا استاذ خالد انا ماعرفتش حاجه عن العمليه غير دلوقتى

وانا طلبت من حضرتك قبل كده حسابك على الفيس وانت رفضت لأن توجهى السياسى مخالف لتوجه حضرتك

وانا ساعتها احترمت رغبتك

وعموما الف سلامه مره تانيه

منى محمد كتب:: مع انى مش فاهمه حاجة

بس الحمد لله ع سلامتك ا/محمود

والف سلاااااااامه عليك ا/خالد

شكرا لحضرتك استاذه منى

وربنا يبارك فيكى يارب

خالد السيد كتب:

منى محمد كتب:: مع انى مش فاهمه حاجة

cheers:

لما أفهم ياأخت منى أبقى أقولك لإني أصلً مش فاهم حاجة

معلش يا استاذ خالد عدم فهمك لحاجه ناتج من عدم تمكنى من ايصال المعلومه

أرجوا منك تقبل اعتذارى لهذا العيب

حمدالله على السلامة أ/محمود

وكلنا محتاجين نرجع للمنتدى مش لأى مصلحة يا أستاذ خالد

ولكن ربنا وحده يعلم بالحال وكل واحد وله ظروفه

نور عبدالله كتب:: حمدالله على السلامة أ/محمود

وكلنا محتاجين نرجع للمنتدى مش لأى مصلحة يا أستاذ خالد

ولكن ربنا وحده يعلم بالحال وكل واحد وله ظروفه

الله يسلمك استاذه نور

وأحسنتى قولا

فعلا ربنا يعلم بظروف كل واحد

يانور أي واحد مازال إسمه مكتوب بالأخضر أعتقد لم أقصده من أخد مصلحته ومشي

وإلا لماذا تركتكم في الإشراف حتى الآن

الأستاذ محمود لم أقصد عدم توصيلك للمعلومة لي ولكن أقصد إتهامك لي تحديداً أنني لاأريدك في المنتدى

كان مفاجأة لي وأنت تعلم أنني لو لم أكن أريدك كان من السهل إلغاء عضويتك وهذا لم يخطر في بالي أصلا

لإن لايوجد بيننا غير كل إحترام أما الإختلاف في الفكر أو في السياسة هذا موجود في البيت الواحد

وأنا في البداية كنت رافض ذلك في المنتدى ولم أتدخل في المناقشة بينكم

بالنسبة لصفحتي على الفيس بوك هي نفس إسمي في المنتدى خالد السيد

وفي النهاية تقبلوا جميعاً تقديري وتحياتي

مشرف عدد المساهمات : 512 تاريخ التسجيل : 09/08/2013

حمدا لله على سلامتك أ / محمود
بصراحة وللأسف كلنا اختفينا مش بس حضرتك
وكلنا محتاجين نرجع للمنتدى بجد مش مجرد أسماء مكتوبة فى الإشراف وبس

خالد السيد كتب:: وفي النهاية تقبلوا جميعاً تقديري وتحياتي

لك كل الاحترام والتقدير أ/ خالد

وأعتذر لك شخص تسببت له فى اساءه من قريب أو بعيد

وأرجوه مسامحتى

حسانية عبدالراضى كتب:: حمدا لله على سلامتك أ / محمود
بصراحة وللأسف كلنا اختفينا مش بس حضرتك
وكلنا محتاجين نرجع للمنتدى بجد مش مجرد أسماء مكتوبة فى الإشراف وبس

الله يسلمك أ/ حسانيه

والله أتمنى رجوع كل الاعضاء للمنتدى

وعودة نشاطهم كالاول

» سأرحل ولن أعود أبداً
» لازم تفوق
» تطوير الذات ... افكار .. خطوات ... لازم نعرفها