علي بركة الله

السلام عليكم ورحمة الله وبركاته

الحمد لله إنتهى إنتهى إمتحان طرق التدريس ولأنها = 3 مواد يبقى كده

وصلنا إلى ثُلثي الطريق والحمد لله وإن شاء الله الكل ناجح في المادة

وهي مُش هتفرق إلا في التقدير فقط -- أما مادة غداً أصول التربية

من 150 درجة يعني أكبر مادة بعد طرق التدريس إختصروا في

الإجابة علشان الجو حر والعدد كبير والدكاتره معكوكين في ورق الإجابة

السؤال الذي لاتعرفه أكتبه في نهاية الورقة كمعلومات عامة من الحياة ولاتتركه

كل ده عليه درجات والتنسيق والتسطير والتنظيم في الورقة كله عليه درجات

** جاهزين طيب توكلوا على الله إلى مادة أصول التربية -- موفقين وناجحين

جزاكم الله خيرا وبشركم بالجنة

الف شكر اخى وحبيبى الاستاذ خالد على هذه البشرى
بارك الله فيك وجزاكم الله الجنه

السلام عليكم ورحمة الله وبركاته

ألف شكر لأخي الفاضل الأستاذ محمود وللاخت الفاضلة جهاد عبدالنبي

السلام عليكم ورحمة الله وبركاته

على فكرة ياجماعة أخيكم المحترم / عبدالفتاح جمعة قد إتصل بي مساء

يوم الجمعة وحملني أمانة وهي أن أبلغكم تحياته واشواقه لجميع الأعضاء

بسم توكلت على الله ولاحول ولاقوة إلا بالله

اللهم لاسهل إلا ماجعلته سهلاً وأنت تجعل الصعب إن شئت سهلاً

يارب إجعل إمتحان أصول التربية اليوم لجميع أعضاء المنتدى سهلاً

بقدرتك وعظمتك ورحمتك ياربنا وأنت أرحم الراحمين والقادر على

كل شيء يامن تقول للشيء كُن فيكون -- آمين يارب العالمين

بسم الله الرحمن الرحيم
السلام عليكم ورحمة الله وبركاته
شكراًلك أخى الفاضل على هذه البشرى
الحمد لله قد تقبل الله عزوجل دعائك والامتحان كان سهل وبسيط وأكيد كل الطلاب والطالبات حلوا كويس وأهم حاجة ننجح بتقدير لانناتعبنا بجد
وخصوصاًفى السفر والمواصلات
مع تمنياتى للجميع بالنجاح الباهر

بارك الله فيك ياستاذ خالد
وانشاء ربنا يعدي لنا السنة دى على خير
وربنا يوفق الجميع

اولا اسف على التأخير في الرد ولكن كان من الضروري اني ادخل لاني اتفائل بشخصك المحترم، ثانيا اشكرك على ماتقدمه من عمليات الرفع للروح المعنويه للاخوه المقاتلين بجنوب الوادي

السلام عليكم ورحمة الله وبركاته
الله يخليك يا استاذ خالد ربنا الحمد لله استجاب دعوتك ياريت بقا تدعيلنا فى باقى المواد
وربنا يوفق الجميع باذن الله

السلام عليكم ورحمة الله وبركاته

شكراً للأخت خادمة القرآن والأخت رشا عبدالفتاح وأخي وحبيبي أحمد عبدالحميد

وأختي الغالية سارة الملقب وعلى الرغم أنني كان معايا مشاكل في اللجنة مع

أحد المعيدين وكانت هتبقى مشكلة كبيرة لولا تدخل الدكتور ياسر وده طبعاً كان

قبل إستلام ورقة الأسئلة يعني كانت هتوصل للتشابك بالأيدي بسبب أسلوبه

داخل اللجنة مع الناس --- المهم رغم ده كله أنا كنت سعيد إن ربنا تقبل دعائي

ورجائي وكان الإمتحان كما رأيتم أما بالنسبة لي كان عكس ذلك بسبب ماحدث

لي من توتر في اللجنة بعد هذه المشكلة والحمد لله رب العالمين

السلام عليكم ورحمة الله وبركاته

*إنتهى إمتحان أصول التربية بالأمس وكان الجميع متخوف من المادة

علشان كبيرة ولكن العبد في التفكير والرب في التدبير، وعسى ان تكرهوا

شيئاً وهو خيراً لكم ، والحمد لله المادة كانت أسهل مادة على الإطلاق ولقد

بشرتكم من بداية الإمتحانات إن الناس مراعية ظروفكم كويس وإطمئنوا

{ ومن يتقي الله يجعل له مخرجاً } صدق الله العظيم

* هيا بنا غداً ياأحباب نتوكل على الله ومن يتوكل على الله فهو حسبه

ونذهب لأداء إمتحان علم نفس النمو إن شاء الله ساهل جداً لأن الموضوعات

ليست غريبة علينا فهي كل حياتنا من المهد إلى الطفولة إلى البلوغ إلى

المراهقة والشباب ثم الرجولة أو الأنوثة ثم إلى مستشفى الأمراض العقلية

آسف ياجماعة قصدي الزواج والخِلفة وسنينها أحسن توكلوا على الله

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههه فعلا يااستاذ حالد عندك حق والله

السلام عليكم ورحمة الله وبركاته
كيفك استاذ خالد وازيك يا رشا ايه عاملين
هى فعلا يا استاذنا الماده سهله بس انا حاسه انى مش حكمل مراحل النمو دى ووصل لمستشفى الامراض العقليه على خير لانى الامتحنات دى شكلها حتوقف نموى
ودعواتك معانا

ازيك يا ساره انت ورشا وهبه انا بمتحن فى اداب ممكن اشوفك بكرة بد الامتحان علشان نفسى اتعرف عليكم ها استنى قدام اداب بكر ة بعد الامتحان اوكى
بالتوفيق ان شاااااااء الله
يا رب ننجح كلنااااااااااااااااااااااااااااااااااااااااااااااااااااااااااااااااااااااااااااااااااا

السلام عليكم ورحمة الله وبركاته

إزيك يارشا وإنتي ياسارة عامله إيه وألف بعد الشر عليكي من الجنان

يارب الإمتحانات هي إلي تتجنن -- ويارب تنجحوا وبتفوق كمان

السلام عليك يا اخ خالد اولا بشكرك علي مجهودك وربنا يوفقك باذن الله وبليز انا طالبه من حضرتك المقرر في الصحه النفسيه والارشاد لو تعرف

السلام عليكم وحمة الله وبركاته
الله يخليك يا استاذ خالد وعملت ايه فى العقبه بتاعة النهارده مش قادره اقول غير قدر الله وما شاء فعل علشان مش عايزه اتحسبن بس
ايمان معلش مشفتش رسالتك غير دلوقتى طيب انا اعرفك ازاى حاولى تبعتيلى تليفونك
واللهم انى لا اسئلك رد القضاء ولكنى اسئلك اللطف فيه

السلام عليكم ورحمه الله وبركاته
أزيك ياسارة واخبارك ايه وعملتى ايه فى علم نفس نمو اللى ان عاوز يوقف نموك واحنا علشان كدا أنهرده مرضيناش نحل علشان ما نزعلك انتى
ازيك يارشا والاستاذ خالد وباقى الاعضاء الكرام
ربنا يوفقنا جميعا

السلام عليكم ورحمة الله وبركاته
ازيك يا شيماء فينك مختقيه والله يا شيماء الماده الوحيده اللى جابتلى كل الامراض دا انا يدوب حليت السؤال الاول وبعدين نقطه فى السؤالين التانيين وربنا يستر
ومش عارفه ان كان نموى حيستمر بعدها ولا لا
يلا قدر الله وما شاء فعل
المهم خلينا فى الصحه النفسيه وكل واحد يخلى باله من صحته كفايه النمو وقف

السلام عليكم ورحمة الله وبركاته

معلش ياسارة الحال من بعضه الامتحان بصراحة جابلى نقطة أول ماشفته ، حسيت انى اتسمرت فمكانى .
- التعريفات اللى كل سنه بتيجى فسؤال من بابه ، فسنتنا الجميله جت جزء من نقطة فسؤال .
- الفصل الأول اللى كل سنه بياخد اغلب الدرجات ، فسنتنا الجميله قالوله كفايه عليك 40 مش كل مرة بقى .
- المشكلة اللى كانت بتيجى سؤال من بابه ، وليها 20 درجة ، فسنتنا الجميله قالولها كتير عليكى 15 بس كفايه ، ومتجيش لوحدك لا تيجى نقطه فسؤال .
- والنقطه فيها كذا جزئية .

ربنايرحمنااااااا برحمته ، ويسترها علينا دنيا وآخره ، ويعدى أيامنا الجميله دى على خير .

وسلامى الحار للأستاذ خالد ، ولباقى الأخوة والأخوات الكرام .

ازيك يا ساره لو عندك ايميل على الياهو ابعتيه وانا ابعتلك الرقم عليه علشان مش هاينفع اكتب التليفون هنا اوكىىىىىىىىىىىىىىىىى
وانت بتمتحنى فين انا فى اداب انا هاستناكى بكرة عند الكولدير اللى عند اداب
يلا باااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااى

السلام عليكم ورحمة الله وبركاته

إزيكم ياجماعة أدعو الله أن تكونوا في أحسن الأحوال وسلامي لسارة

والأخت shemai hassan والأخ أحمد سلامة ولكل اعضاء المنتدى

وآسف لعدم تواصلي مع المنتدى يومي الإثنين والثلاثاء لعيوب في النت

* بالنسبة لمادة علم نفس النمو أنا كنت زعلان من واضع المادة ولكن

زوجتي عندما رأت ورقة الأسئلة وعرفت أن واضع الإمتحان هو

الدكتور بدوي وأنا طبعاً لاأعرفه قالت لاتخاف إنه من أطيب وأحسن

الدكاتره في الكلية وهو وضع الإمتحان بهذه الطريقة لكي يعطي الطالب

فرصة أمامه لنقاط كثيرة لتجميع الدرجات كما فعل الدكتور ياسر

والله الموفق إلى مايحب ويرضى

السلام عليكم ورحمة الله وبركاته

كما تعودت من بداية الإمتحانات أن أتوكل على الله للمادة الجديدة

أقول لكم فات الكتير وخلاص ماباقي إلا القليل خلصنا 8 مواد

والباقي 3 مواد يعني أقل من ربع المواد المقررة علينا والله عارف

إنكم تعبتم خالص وخاصة الناس إلي بتسافر كل يوم ولكن خلاص

ياجماعة قطعنا 75 % من الطريق وإقتربنا من نقطة النهاية والله

أنا تعبت ومن أول الإمتحانات بعيد عن أسرتي وبعدتهم عني للتركيز

ولكن الحمد لله وإن شاء الله لن يضيع ربنا العظيم الرحيم تعبنا والله

ثقتي فيك ياربى لاحدود لها ياأرحم بنا من آبائنا نجح عبادك لأنك أعلم

بحالهم وهمومهم وظروفهم يارب وأنت القادر على كل شيء يارب يامن

إن شئت جعلت الصعب سهلاً بقدرتك وعظمتك ومشيئتك إجعل كل الإمتحانات

القادمة علينا سهلاً بحق حبيبك المصطفى محمد صلى الله عليه وسلم

* على بركة الله إنطلقوا غداً إلى إمتحان الصحة النفسية والإرشاد*

السلام عليكم ورحمه الله وبركاته
ازيكو ياجماعه الحمد لله الامتحان كان كويس بس طويل فى الحل بتاعو على الرغم انو كان نقتتين من كل سؤال لكن اجبتهم طويله بس الحمد لله كويس
وربنا يستر فى باقى المواد ودعواتك لينا يااستاذ خالد وللجميع وربنا يسترها

استاذنا الحبيب /خالد

رغم انك زينا فى (البلاء)يعنى الامتحانات الا انك بتحس بينا فان شاء الله قلبك الكبير ده يجزيه ربنا فرح كبير لك ولجميع أهلك وجميع الاخوة

جزاك الله خير

السلام عليكم ولرحمة الله وبركاته
اخواتى فى الله اعزكم الله واكرمكم وحفظكم واخرجكم من هذه المحنه سالمين غانمين ان شاء الله
كيفك يا استاذنا الفاضل واستاذ احمد واستاذ محمد وايمان وكل الاخوه والاخوات الحمد لله امتحان الصحه النهارده كان خفيف شويه على صحتنا وامتحان القياس والتقويم الجاى انا متفائله بيه ان شاء الله يعنى الامور هانت خالص
قولوا معايا يييييييييييارب
وايمان انا حبعتلك رقمى فى رساله خاصه

السلام عليكم ورحمة الله وبركاته

شكراً للأخت المهاجرة وللاخت سارة والاخ محمد إسماعيل

شوف ياحمادة والله أنا عاوزكم تنجحوا اكتر مني وهذا شعوري

وأنا حُرفيه - وعارف يامحمد في اللجنة بجواري أخت مهذبة ومن

الواضح إنها من أسرة بسيطة والبنت ماشاء الله مذاكرة وأنا أوقات

كتيرة أترك ورقتي وأجلس أشاهدها وهي منكبة على الورقة ونازلة

كتابة والله يامحمد بأكون سعيد وأنا أراها تكتب واقول يارب ماضعيش

تعب البنت دي لأنني عارف المعيشة صعبة والناس ربنا يلطف بيهم وبنا

انا بتفاءل من كلمات (على بركة الله)
اللهم دائما وابدا فى كنفك وبركتك ورحمتك
بدا العد التازلى للامتحانات ربنا يهون علينا جميعا وينجحنا باذنه ومنه وكرمه

طبعاً ياهيام هو فيه بركة بعد بركة الله

السلام عليكم ورحمة الله وبركاته

خلاص النهاردة الجمعة وبكرة السبت إمتحان القياس والتقويم

ويحطه شبيب ولاالدرديري إلي مذاكر ولو نص مذاكرة مايهمهوش

دإحنا إلي معانا ربنا آه والله إحنا إلي معانا ربنا علشان قلوبنا بيضاء

مافيهاش ذرة حقد أو كره لأي إنسان قلوبنا كلها حب لوجه الله

* إقتربنا من نهاية الطريق خلاص وصلنا المحطة قبل الأخيرة هانت

توكلوا على الله إلى إمتحان القياس والتقويم وموفقين وناجحين بعون الله

[IMG][ندعوك للتسجيل في المنتدى أو التعريف بنفسك لمعاينة هذا الرابط]

خالد السيد كتب:: السلام عليكم ورحمة الله وبركاته

خلاص النهاردة الجمعة وبكرة السبت إمتحان القياس والتقويم

ويحطه شبيب ولاالدرديري إلي مذاكر ولو نص مذاكرة مايهمهوش

دإحنا إلي معانا ربنا آه والله إحنا إلي معانا ربنا علشان قلوبنا بيضاء

مافيهاش ذرة حقد أو كره لأي إنسان قلوبنا كلها حب لوجه الله

* إقتربنا من نهاية الطريق خلاص وصلنا المحطة قبل الأخيرة هانت

توكلوا على الله إلى إمتحان القياس والتقويم وموفقين وناجحين بعون الله

[IMG][ندعوك للتسجيل في المنتدى أو التعريف بنفسك لمعاينة هذا الرابط]

بارك الله فيك ياكبير
وفعلا والله احنا قلوبنا بيضا ولا نكن ضغينه لاحد وربنا يعلم
وانا عن نفسى لامس الكلام دا من خلال اعضاء المنتدى
كلهم ما يتخيروش عن بعض فى حبهم وخوفهم على بعض
اللهم اجعلنا من المتحابين فى جلالك يا الله
وبعدين يا استاذ خالد هى الامتحانات اثرت عليك ولا ايه
لا ياراجل شد حيلك مش كده
حتة صوره صغيره مش عارف تحطها
وانت استاذ الصور الجميله
عموما اسمحلى اعرضها انا فى مشاركتى وازداد بها شرفا

[ندعوك للتسجيل في المنتدى أو التعريف بنفسك لمعاينة هذه الصورة]

طبعا الصوره صغيره فى حجمها
ولكن كبيره فيما تحويه بداخلها

السلام عليكم ورحمة الله وبركاته

بارك الله فيك يااخي محمود وأنا أو إنت واحد -- المشكلة إن الصورة كنت

بنزلها الساعة 8.30 صباح الجمعة وماكنتش لسه نمت فعندما أخطأت حاولت

التصحيح او الحزف ولكن الأيقونات إختفت قولت أنام بقى شوية قبل صلاة

الجمعة ولكن بقى البركة فيك ومين أدك ياعم راجل دارس ومتعلم وبتقول كلام

يمس القلب على رأي عبدالوارث عسر

خالد السيد كتب:: السلام عليكم ورحمة الله وبركاته

ولكن الأيقونات إختفت

تقصد الايقونات نعنست
ولا يهمك يا كبير
على رأى المثل اللى يحبك يلاغيك
وانت عارف قدرك عندى
وبعدين ياعم صلح النت عندك وبلاش تحرمنا من كلامك الجميل
دا انا بانتظر تعليقك مخصوص علشان اقراه وافضل اتأمل فيه

بارك الله فيك ياحبيبي ياغالي

السلام عليكم ورحمة الله وبركاته

من يوم الجمعة 2يوليو ليلة أول إمتحان قررت أن أنوي بإسمكم

الدخول للإمتحان على بركة الله والحمد لله كان ربنا مسهلها للجميع

واليوم الأحد 25 يوليو اليوم قبل الأخير لآخر إمتحان وعدت ومرت

الأيام بحلوها ومُرها ولكن الدائرة تدور ووصلنا لنهايتها ورغم أنني

تعبت جداً الأيام الماضية وتعبت أهل بيتي معي وبعدت عنهم تماماً

والمفروض أكون سعيد لأنني سوف أعود إليهم ويعودوا إليا ولكن

هذا اليوم وأنا أنوي بإسمكم لآخر مادة أشعر بالألم والحزن لأن هذه

الصفحة إنتها دورها اليوم لإنتهاء الإمتحانات ومعنى هذا أنني لن أراكم

مرة أخرى وخاصة الأخوة والأخوات من خارج مدينة قنا والله العظيم

أصعب موضوع أكتبه على هذا المنتدى ولكن هذه هي سنة الحياة

وأدعو الله ألا يحرمنا منكم أبداً وأن تدوم المحبة والأخوة بيننا للابد وأن

يحقق الله لكم كل أمانيكم وأن يكلل الله مجهودكم وتعبكم بالنجاح والتوفيق

* وعلى بركة الله إلى إمتحان مادة المناهج وموفقين بإذن الله *

[ندعوك للتسجيل في المنتدى أو التعريف بنفسك لمعاينة هذه الصورة]

[color=violet]السلام عليكم ورحمة الله وبركاته
استاذنا الفاضل خالد
بااااااارك الله فيك أعزك الله وأكرمك ووفقك دائما لما فيه الخير والصلاح .
خلاص هانت بأمر الله سبحانه وتعالي وسوف نستيقظ من كابوس الدبلومة المزعج . وفرحت جدا بقرب آخر يوم لأمور عدة أهمها أني سوف أتحرر من قيد الدبلومة الذي كاد أن يخنقني .
وأني بإذن الله سوف أراكم أعضاء المنتدي الكرام بجوار الكافتيريا في هذا اليوم الأخير لطالما انتظرت طويلا أن أحقق هذا الرغبة للتشرف بمعرفتكم ورؤياكم وكل يوم امتحان كانت افكر أن جميعكم مجتمعين وتمنيت كثيرا أن أكون معكم لكن ظروف المنفي حكمت بذلك , والحمد لله علي كل حال .
علي بركة الله , والله المستعان .

استاذ خالد على بركة الله بدانا وعلى بركة الله نوشك ان نتمم المهمة وعلى بركة الله نسير دوما فى طريق اخترناه طريق طويل ولكنه مثمر وممتع الا وهو طريق العلم طريق من مشى فيه سهل الله له طريق الى الجنة - نسال الله ان نسير فى الطريق حتى النهاية ويسير معنا كل الاخوة فى المنتدى
واذا كانت الدبلومة اوشكت على الانتهاء فانها البداية فى طريقنا - املنا فى الله سبحانه وتعالى ان يشرح لنا صدرنا وييسر لنا امرنا ويحلل عقدة من لساننا يفقه قولنا - وان نتواصل حتى ناتى فى مثل هذه الايام للخطوة التالية فى امتحنات الدبلومة الخاصة
وعلى بركة الله نتمم المسيرة

السلام عليكم ورحمة الله وبركاته

على بركة الله يابنات على بركة الله ياهبة الله وعلى بركة الله ياهيام

ومن يتقي الله يجعل له مخرجاً ويرزقه من حيث لايحتسب

إن الخيل إذا شارفت نهاية المضمار بذلت قصارى جهدها .. لتفوز بالسباق ..
فلا تكن الخيل أفطن منك .. !
فإنما الأعمال بالخواتيم ..يارب وفقنا يارب وعديها على يارب وارزقنا بحسن الخاتمه اجمعين يارب العالمين

السلام عليكم ورحمة الله وبركاته

شكراً ياأخت هدى وربنا يتقبل دعائك إن شاء الله

وداعا لللأمتحانت
أيضا وداعا للاصدقاء
ربنا يوفقنا في النتيجة
يا استاذ خالد انا منى الاخصائية عايزة منك طلب هو انه في النشاط الصيفي مطلوب مني احتفل في شهر اغسطس بوفاء النيل

هو فيه طلبه بييجو المدرسة برده يامنى أهم حاجة سجل الطلبة المترددين

على المدرسة يومياً وتوزيعهم كل واحد على النشاط المفضل سواء رياضي

أو فني أوتربية إجتماعية أو زراعي أو إقتصاد أنا عن نفسي لاأهتم إلا بأيام

الدراسة -- ممكن تحتفلي بشهر شعبان ورمضان و23 يوليو أكيد

وربنا يوفقك

اخوك محمد ابو المجدحفنى من قنا يعنى قرية مجاورة سعدت بك كثيرا جزاك الله عنا خير الجزاء اتمنى لوشرفت بلقاء حضرتك

السلام عليكم ورحمة الله وبركاته

أنا أسعد بيك يااخ محمدابوالمجد وربنا يبارك فيك بس إنت من أي قرية

مش تعرفنا ياراجل يمكن نروح نزورك ولاإنت بخيل طبعاً لاأعتقد

السلام عليكم يا استاذ خالد
مش ناوى تنزل الكلاحين ولا ايه
ولا انت بتصيف فى المحمودية

السلام عليكم ورحمة الله وبركاته

عامل ياصبري والله ماأنا عارف هسافر إمته ياصبري الوالدين زعلانين

خالص ومش عارف أعمل إيه والله كنت جايب سيرتك اليوم بالطيب طبعاً

مع أحمد أبوجودة مدرس التربية الرياضية ومع جمال محمود وسلامي لعبيد

» على بركة الله
» غداً الإمتحان على بركة الله
» عامر شماخ يكتب: بركة الطاعة ولعنة المعصية
» سبحان الله معجزة صغيرة فى كلمات (الله)وسبحان الله اكبر معجزة . ومن اصدق من الله قيلا...
» كيف يرى الحمار والديك الجن والملائكة ؟??? هذا والله اعلم