الشعر .. وتنظيف البيت

اليكم اخوانى القرار الاخيييييير بس استنو الاول هاحكيلكم حكايته وبعدين اقولكو عليه ...................................................................................................................................................................................................................................................
فهمتو حاجة اكيد لا طبعا طيب ماتقروا وبعدين افهمو هههههههههههه

قررت اخيرا ان اكتب
الوان م الشعر ليعرب
امثالا للحب ساضرب
عن قلب حب ولم يتعب
اوقلب من ذكرى ماضى
قد صار حزينا متذبذب
قررت اخيرا ان اكتب
عن ام قد نلت الشرفا
ان احكى عنها معترفا
بملاك هو نور حياتى
بضياء هو عين فؤادى
كم تركت من اجلى الترفا
عن حب عطاء لا ينضب
قررت اخيرا ان اكتب
عن شعب اعياه زمانا
ماذاق ذلا وهوانا
من قرد اغتصب الارض
سفك الدم .. هتك العرض .. عيانا
واناس للعرب انتسبو ..
هم غرقى فى النوم سباتا
عن امة كادت لاتتقن الا تستنكر او تشجب
قررت اخيرا ان اكتب
عن صدق فى زمن الكذب
هو اغلى من ثمن الذهب
ووفاء صديق لصديقه
اوحتى حبيب لحبيبه
اضحى عنوانا للعجب
فصديق صادق صدوق
ستجده .. لكن فى الكتب
عن كلمة حق فى دنيا
الباطل فيها من يُصحب
قررت اخيرا ان اكتب
واخيرا
قررت اخيرا ان اكتب
عن قصة حب لم تبدأ
او بسمة فلب لم يهنأ
وعيون خلف القضبان
تترتقب فى شوق اذان
فجر الحرية يتلألأ
فلتحزن قلمى او تطرب
فانا قررت اخيرا ان اكتب

طبعا فهمتو دلوقتى القرار الاخير ده عنوان اول حاجة كتبتها والكلام ده من اكتر من شهرين تقريبا بعد ماشجعنى ناس عزيزة عليا ان اكتب فاخدت القرار بالكتابة
اما موضوع تنظيف المنزل واللى اكيد استغربتو منه هو انى لما كتبت الابيات ديه كتبتها وانا بنظف البيت هههههههههههههههههه عشان تعرفو الالهام ومواقيته هههههههههههههههههههه
يلا مستنية ردودكم

الحمدلله رب العالمين
أصبح فى هذا المنتدى شعراء وأقترح من اخوانى فى هذا المنتدى أن تكون مساحة معينة للشعر ونسميها واحة الشعر
ياريت أشعار تربوية
تخدم العملية التعليمية
حتى ولوكانت بالعامية
هناك الاقصى وغزة الأبية
وأسطول الحرية.....!!!
هناك قيم تربوية
مسنياها الأذاعة المدرسية
ياريت منيرة محمد
أشعار تربوية
تخدم العملية التعليمية
حتى ولوكانت بالعامية

انا الاول باشكرك على مرورك الكريم اخ علاء
وباشكرك طبعا على الاقتراح الخاص يالشعر وممكن اقسم اقتراحك لاتنين
الاول واحة الشعر وديه تكون عامة وممكن تبقى لوحدها او ضمن قسم فضفضة الناحية التانية وهى الاشعار المنهجية والتربوية ويفرض لها باب خاص بحيث تكون تضم كل مايخص التربية والتعليم وعلاقتها بالمجتمع الخارجى ولا تقتصر فقط على التاليف لكن كمان المنقول لانى فيه شعراء كتير عملو اشعار تربوية مهمة ومن اشهرهم احمد شوقى وفيه كتير من كتاب الطفل وممكن من خلاله تدخل فى ادب الطفل وعشان مانفرعش كتير تبقى زى مافيه العلوم التربوية فى المنتدى يكون فيه الادب التربوى وكمان هيبقى ضمنه استراتيجات التعلم زى لعب الادوار بحيث نحول المناهج بشكل ييسر للمعلمين قصة الاستراتيجيات ديه وكمان مسرحة المناهج وخلافه وعلى فكرة برضه الاذاعة المدرسية انا مسئولة الصحافة فى المدرسة وطبعا ازاى الاذاعة المدرسية ايه واحتياجاتها ومساعدتنا لبعض اكيد هتنفع بس برضه مع ده كله لازم يكون فيه مكان للقلم المبدع فى شتى الوان الادب القصة والشعر والمقال وغير ذلك زى ماقولتلك سابقا وجزاك الله خيرا وياريت استاذ خالد يقرا اقتراحتنا ديه ويفكر فيها

السلام عليكم ورحمة الله وبركاته
بجد أبيات رائعة وتعبر عن ما بداخل كثير من الناس
فشكراً لك أختى منيره واتمنى لك مزيد من التقدم

خادمة القرءان كتب:

السلام عليكم ورحمة الله وبركاته
بجد أبيات رائعة وتعبر عن ما بداخل كثير من الناس
فشكراً لك أختى منيره واتمنى لك مزيد من التقدم

الله يخليكى حبيبتى وربنا يباركلك على المرور المشرف ده ويكفينى اسمك فاللهم يجعل فعلك كاسمك وتكونى فى خدمة القران دوما واحنا معاك ان شاء الله