استفسار عن النتيجة

اخواني كل سنة وانتم طيبين بمناسبة شهر رمضان الكريم
ياريت لوحد يعرف بميعاد النتيجة يعرفني

ربنا يطمئن قلوبكم بالخير

بالتوفيق

لكل الاعضاء

ربنا يطمئنا و يطمئنك بالخير وياري ننجح كلنا

السلام عليكم ورحمة الله وبركاته
هى خلصت فى الكنترول وعلى متاخد لفتها فى الادارة المركزية وترجع تانى تربية ممكن تاخد أسبوع تقريبا

افادك الله ياستاذ مصطفى ممكن تقولنا ماهى اخبر النتيجة من حيث النسبة وغير ذلك ولك منا جزيل الشكر انت او الاستاذ خالد او اى عضو فى منتدنا الموقر

انا مش عارف متستجعلين ليه علي النتيجه تظهر وقت ماتظهر نصيبك ح يصبك
ياعم محمد رمضان كريم وان شاء الله ربنا ح يكرمك ويكرمنا ويكرم جميع من في المنتدي ........امين

السلام عليكم ورحمة الله وبركاته
اطمئن جدا وأبشر أخى الأستاذ حسن طلب
النتيجة فوق المتوقع والنسبة عالية جدا

الحمد لله رب العالمين

بشرى طيبه ونشكر جميع الاعضاء وبأذن الله النجاح والتفوق

ربنا يطمنكم ولو ان اعصابنا بايظة ومش عارفين نصدق مين ولا مين ناس تقول النتيجة وحشة ونسبة النجاح 60% وناس تقول النتيجة كويسة والله احترنا بس يالا ربنا يستر وعموما بردو شكرا

الحمد لله رب العالمين بشركم الله بالخير اللهم صلى على سيدنا محمد وعلى اله وصحبه وسلم تسليما كثيرا يارب العالمين

طيب فى تقادير ولا كله مقبول

يا جماعة بالله عليكم انا اعصابى باظت النتيجة ظهرت
واتنين من صحابى عرفوها وجابوا جيد حد بس يأكد لى انها موجودة
وانا هسافر اجيبها . فى واحد جابهالهم لغاية البيت

يا أختى مفيش داعى للسفر اعتبري إنى ليك إخوة وأخوات كتير عايشين فى الجامعة بس هى تتعلق وأي حد ممكن يجيبهالك وأولهم أنا لكن بصراحة موضوع إن حد يجيبهالك من الكنترول محرج شوية وخصوصا فى الزحمة دى

انا بشكرك جداااا اخى الفاضل على حسن ردك وذوقك
بس انا مطلبتش ان حد يجيبهالى من الكنترول
انا بس عايزة حد يطمنى انها موجودة فعلا فى الكلية وانا بنفسى هروح اجيبها
وانا والله مش غاوية اتعب حد معايا

جزاك الله خيرا وشكرا ليك

ربنا يسترها معانا جميعا

وفى انتظارها

طيب يا ريت حد من الدكاترة الأفاضل يحس بتعينا وتوترنا ويقولنا معاد للنتيجة أو نسبة النجاح فيها على الاقل يطمنا لانه هو الأقرب للإدارة فى الجامعة وأكيد يعرفوا اكتر

بالنجاح والتوفيق

يارب سترك ورضاك ويارب ننجح كلنا

السلام عليكم ورحمة الله وبركاته
ما هو أنا أقصد ان النتيجة موجودة فى الكنترول ولم تعتمد حتى الآن وكل الناس اللى وصلتهم النتيجة نتيجة غير نهائية فلو حضرتك سافرتى وتعبتى ورحتى الكلية ممكن تقدرى تجيبيها من الكنترول وممكن متقدريش
فأنا شايف إنك تنتظري كام يوم كدة وهتتعلق واحنا قريبين من الجامعة وتحت أمرك ممكن نجيبهالك ومفيش أي تعب يا أختى احنا كلنا إخوة وأخوات

ربنا يستر ان شاء الله وتكون النتيجه طيبه للجميع