ادخل هنا واحرق دمك

يا جماعه اللى صايم وخايف على صومة وعلى نفسة من الضغط بلاش يقرأ الموضوع دة

اللى مصمم بقى يبقى يتفضل الخبر

قالت صحيفة "معاريف" الإسرائيلية يوم الأربعاء إن وزارة البترول تنوي إعادة شراء نحو 1.4 مليار متر مكعب من الغاز الطبيعي، وهي نصف الحصة التي تستوردها إسرائيل من مصر، لإعادة تشغيل معظم "توربينات" محطات توليد الكهرباء المعطلة حاليا لنقص كميات الغاز.

وتقوم شركات توزيع الكهرباء بتخفيف الأحمال (قطع التيار الكهربائي) عن معظم مناطق الجمهورية لساعات طويلة، بسبب نقص الغاز ما تسبب في خسائر كبيرة للشركات، وتنامي الغضب الشعبي ضد الحكومة.

وأكدت الصحيفة العبرية نقلاً عن مصادر بوزارة البترول أن مصر ستضطر لشراء نصف الحصة التي تبيعها لإسرائيل بالأسعار العالمية والتي لن تقل عن 10 دولارات ونصف، بما يعني أن مصر ستدفع لإسرائيل نحو 14 مليار دولار في أحسن الأحوال، في حين تحصل إسرائيل على تلك الكمية من مصر بنحو 2 مليار دولار فقط.

وتصدر مصر المليون وحدة حرارية من الغاز لإسرائيل بسعر يتراوح من 70 إلى 1.25 دولار، في حين أن تكلفة إنتاج الوحدة في مصر تتعدى 2.75 دولار، وفى حين تبيع قطر لكوريا كل مليون وحدة حرارية بـ 12.10 دولار (في يناير 2010)، وبـ 11.4 دولار في فبراير، وبـ 11.38 في مارس، أما عًمان فتبيعها بـ 11.94 -12.74، وإندونيسيا بـ 9.58- 9.13-10.6 .

وأشارت الصحيفة إلى أن وزارة البترول ستتقدم بطلب شراء رسمي خلال هذا الأسبوع للجانب الإسرائيلي للموافقة عليه، فيما تتوقع أن يرفض الجانب الإسرائيلي الطلب أو أن يبالغ في سعر البيع.

يذكر أن المهندس سامح فهمي وزير البترول أعلن في مؤتمر صحفي في يناير الماضي عن عزم الوزارة استيراد الغاز الطبيعي من الخارج لتغطية العجز الكبير في الغاز المستخدم في الاستهلاك المنزلي أو الصناعي.

وتراجع فهمي عن تصريحاته بعد سيل الانتقادات الحادة وطلبات الإحاطة التي قدمت ضده في مجلس الشعب، والخوف من أن يستخدم قراره كدليل من رافعي دعاوى وقف تصدير الغاز لإسرائيل على عدم كفاية الغاز المنتج في مصر للاستهلاك المحلي، ومن ثم الحكم بإلغاء عقد تصديره لإسرائيل.

وتعاني مصر من أزمة في الغاز الطبيعي رغم أنها تصدره لإسرائيل بأبخس الأسعار، وتمثل هذه الأزمات في التناحر على أنبابيب البوتجاز والتي يصل سعرها في أوقات الذرة نحو 40 جنيهاً، إضافة إلى أزمة نقص الغاز الذي تعاني منه وزارة البترول واضطرت بسببه إلى قطع التيار الكهربائي عن كافة مدن وقرى الجمهورية لتخفيف الأحمال عن شبكة الكهرباء.

وعقد الرئيس مبارك اجتماعا قبل نحو أسبوع بمقر رئاسة الجمهورية حضره وزيرا الكهرباء والبترول لمناقشة أسباب انقطاع الكهرباء، طلب خلاله من سامح فهمي توفير احتياجات محطات الكهرباء من الغاز الطبيعي فورا.

وأعلن وكيل أول وزارة البترول للغاز المهندس طارق الحديدي عن بدء الوزارة زيادة كميات الغازات لمحطات التوليد بنسبة 1% فقط.

المصدر: وكالة فلسطين اليوم، مصراوي.

اولا محدش يلومني يا جماعه من اللى ضغطة اترفع انا حظرت في الاول وقولت

يعني اتنصب علينا في 12 مليار دولار

دة غير ان اصلا بنبيعه بخسارة اقل من تكلفته

طبعا مش هقدر اعلق على الموضوع مفيش ولا كلمة اقدر اقولها

بجد بجد مفيش كلمات تناسب التعليق على الموضوع ولا على حكومتنا

يارب احنا مسامحين في كل اللى بيعملوة فينا وراضيين علشان رضاك

بس يا رب لا تخليهم يتوبوا قبل الممات

يارب زي ما عذبونا واهانونا وباعونا في الدنيا يلاقوا مصيرهم عذاب ومهانه في الاخرة

دة رجائي ودعائي ليك يا رب

هذا الخبر غير صحيح يا طه والصحافة الأسرائيلية كذبت هذا الخبر قبل الصحف المصرية يمكنك الإطلاع على هذا الرابط

[ندعوك للتسجيل في المنتدى أو التعريف بنفسك لمعاينة هذا الرابط]


نفى رئيس الشركة القابضة للغازات الطبيعية المهندس محمود لطيف ما اوردته صحف عبرية بخصوص إستيراد مصر الغاز من إسرائيل، ووصف مانشر بأنه "خبر كاذب يدعو للسخرية والتعجب".
وأكد لطيف - فى تصريح له الأربعاء عدم إحتياج مصر إلى إستيراد أى غاز من أى مكان لكفاية إنتاجها من الغاز وقدرته على الوفاء بكافة إحتياجات قطاعات الدولة المخططة.
وأشار رئيس شركة جاسكو ورئيس شبكة الغاز المصرية داخليا وخارجيا المهندس خالد عبدالبديع إلى أنه لم ولن يتم إستيراد غاز من إسرائيل لإستحالة ذلك فنيا وعمليا.
من جانبها، نفت شركة الغاز الإسرائيلية جملة وتفصيلا ما نشرته صحف محسوبة على المعارضة من أن الحكومة المصرية تنوى إعادة شراء بعض كميات الغاز التى باعتها لاسرائيل بسبب النقص فى الغاز الطبيعى والتيار الكهربائى فى مصر.
وذكر "راديوإسرائيل" أن شركة الغاز الاسرائيلية أكدت أن هذه الإدعاءات باطلة من أساسها.
وكانت صحيفة معاريف الإسرائيلية ذكرت الثلاثاء، أن الحكومة المصرية قررت شراء الغاز الطبيعى الذى صدرته لإسرائيل بـ 7 أضعاف ثمنه، حيث كانت اشترته إسرائيل بـ 2 مليار دولار وستشتريه القاهرة مرة أخرى بـ 14 مليار دولار.
وزعمت الصحيفة العبرية أن الصفقة التى ستبرم قريبا عبارة عن إعادة 1.5 مليار متر مكعب من الغاز الطبيعى المصرى مرة أخرى الذى اشترته إسرائيل الأسبوع الماضى للقاهرة، ولكن بأكثر من ثمنه الحقيقى بسبع مرات خلال الأسبوع الجارى، وذلك بسبب أزمة الطاقة الطاحنة التى تعانى منها مصر الأيام الجارية ونقص ضخ الغاز الطبيعى لمحطات توليد الكهرباء.

السلام عليكم ورحمة الله وبركاته

والله انت ياطه محرقتش الدم مهو محروق وحده اصلا لان الحكاية مش كهربه بس ولا غاز لكن ما خفى كان اعظم ولا نملك الا حسبنا الله ونعم الوكيل

المفروض يا طه تروح تعتذر للراجل ده وحكومته وتدعيلهم أحسن ما تدعى عليهم بالهلاك خصوصا الراجل منظم مسابقة عالمية لحفظة القرأن الكريم ويقوم بتسليم الجوائز بنفسه فى ليلة القدر من كل عام ، وربنا يهدينا جميعاااااااا

زقزوق: الرئيس مبارك يرعى المسابقة العالمية للقرآن الكريم
[ندعوك للتسجيل في المنتدى أو التعريف بنفسك لمعاينة هذا الرابط]

بمناسبة فواتير الكهرباء

أخ طه إنت لو بالمملكة السعودية أكيد بتعرف أقل فاتورة كهرباء ربما تبلغ الالاف الريالات لعدم وجود مصدر للكهرباء مناسب أما فى بلدك مصر فاتورة الكهرباء بدراهم معدودة لا تذكر وناس كتير بتتأخر فى الدفع وناس شغالة بالكهرباء ومش بتدفع أصلا وكله ماشى والحمد لله على نعمة السد العالى

أخ طه بالنسبة لفاتورة الماء بالسعودية إنت لو عشت بالمملكه عشان تشرب ماء جيد للشرب فقط تقوم بشرأء هذا الماء بأغلى الأسعار أما فى بلدك مصر ممكن تروح نهر النيل تشرب براحتك وتجيب ماء براحتك وتعمل أى شىء على كيفك ولن يعترضك أحد وفواتير الماء فى بلدك مصر بدراهم معدودة لا تذكر وكتير من الشعب المصرى بيتمرد على الحكومة ومش بيدفع حتى أسال عامل تحصيل الفواتير هيقولك أنا زهقت من الناس

وأيضا بالنسبة لفواتير التليفونات لو مش تدفع الفاتورة الأولى عادى ولو مش تدفع الفاتورة الثانية عادى ولو مش تدفع خالص عادى بس يقطعوا عنك الحرارة لأنهم زهقوا بصراحة من الشعب ههههههههه

فالحمد لله على نعمة السد العالى ، ونهر النيل ، وإن تعدوا نعمة الله لا تحصوها

هاتلى دولة فى الدنيا بتعامل شعبها بالطريقة دى

ماذا تنقمون من مصر أيها الأبناء؟؟

الحوار مفتوح للجميع

السلام عليكم ورحمة الله وبركاته
اولا شكرا لكم جميعا على تفاعلكم
ثانيا انا نشرت الخبر قبل ظهور خبر التكذيب " والمشكوك فيه لان مصر فعلا في حاجة ماسي الى غاز طبيعي بسبب ازمة الكهرباء " !!!!!!

تعالى بقى يا استاذ ابو عمر علشان عندي مفاجأة ليك تتوقع ايه

انت بتقولي لو أنت بالمملكة العربية السعودية
هقولك انا براسلك دلوقتي من داخل المملكة العربية السعودية منذ اكثر من 5 سنوات

طيب تعالى نناقش موضوعك بالكامل

الاول بالنسبة للكهرباء انا عندي فاتورتين هنا دلوقتي واحدة ب 81 والثانية 114 ريال مع الاخذ في الاعتبار ان هنا كماليات كتير زي المكيفات وبعض الاجهزة المستهلكة للكهرباء

طيب نيجي للمياة بقى هنا في نوعين لمياة الشرب هنا
الاولي المحلاة ودي يكفي للاسرة في الشهر تقريبا ما بين 20 الى 30 ريال
الثانية وهي مياة معدنية ويصل سعر القارورة 19 لتر الى 4 او 5 ريال
وخلي بالك دي مياة معدنية من ابار حقيقية مش المياة المعدنية بتاعه مصر " على لسان مسئول مصري انه لا توجد مياة معدنية داخل مصر "

دول اوجة المقارنه بس احب اضيف كمان كام حاجة كدة عالماشي

المعلم هنا راتبة يبدا ب 4 الى 6 الاف ريال ويصل الى ارقام خيالية خلال مدة التعيين قد تصل الى اعلى من 20 الف

الطالب الجامعي له مكافاة شهرية بس مش عارف كام قدرها يعني يتعلم وياخد فلوس

النظافة هنا مفيش انظف من كدة ودة راي الجميع

السعودية هنا فيها بترول بس ودة مش يستهان بيه
لكن صدقني احنا عندنا كتير جدا جدا قناة السويس والسياحة والاثار والنيل والمعادن والغاز الطبيعي " بتاع اسرائيل " حتى الطاقة البشرية اللى هما بيقولوا عبئ دى طاقة بشرية مش عارفين يستغلوها

بس الفرق بينا وبينهم ان عندهم مسئولين يخافون الله ويتفنون في ارضاء المواطن
ومسئولينا لا يخافون الا دنياهم ويتفنون في اذلالنا

يا سيدي الفاضل مصر هي اغني دولة بامارة انها من مئات السنين تسرق ولسه فيها خير كتير

ولسه انا عند دعائي انه اتمني من الله عز وجل ان لا يهب لهم توبة ابدا قبل الممات

واشكرك على فتح باب المناقشة

والله اانا سعيد برد الاخ طه لانو رد بسيط ومقنع لمن لم يفهم حتى الآن
انا فعلا مستغرب لحد النهاردة الناس مش عارفة احن بنتسرق ولا لا واحنا عايشين فى نعييم ولا متهدليين
يا اخى ارحمونا واتعلموا عشان تفهموا
بص لنفسك وانت ماشى معدى على كمين بيحصلك اية وقارن بين نعم العيششة فى مصر ولا برة
بص للرز والفول اللى بتاكلوا وكل زية بره وقارن
بص لمية الحنفية اللى بتشرب منها اللى هى جية من نهر النيل
اللى كلوا م كلور
واشرب وقؤل الله على نيلك يا مصر الشعب راقد فى المستشفى مستنى يغير كليته عشان طعامة ميته

وعجبى ههههههه

السلام عليكم ورحمة الله وبركاته

جزاك الله خير أخى طه وبارك فيك

أولا : يأخ طه أكيد بتعرف إن عدد سكان المملكة لا يتجاوز العشرين مليون فلا مقارنة بمصر الذى لا يعلم عددهم إلا الله ومن عشر سنين كانوا يقولون لنا بالمدارس عدد سكان مصر 80 مليون ، والله أعلم

ثانيا : بالسعودية عندك المفروض جلالة الملك عبد الله يوفر لكل مواطن سعودى سيارة ومكيف لكل بيت فى فترة الصيف وده أقل حق مواطن من البترول اللى عندك لو تتذكر أمير دولة الكويت قام بتوزيع مكيف لكل مواطن كويتى لما إشتد الحر عليهم فلا تقارن بين دولة الكويت التى تكون فى عددها ومساحتها مثل أصغر محافظة بمصر


ثالثا : فاتورة الكهرباء اللى معك ليست هى التى أقصدها ولا أتكلم على العمالة التى عندك إطلاقا ولكنى أتكلم على الأسرة السعودية التى تدفع الفواتير ومن المحال الأسرة أن تستهلك قارورة أو إثنين أو ثلاثة خلال حاجتهم للشراب والطعام فكم فاتورة هؤلاء؟؟

رابعا : تقول أن الطالب السعودى الجامعى له مكأفاة شهرية وعلى حسب علمى سبعمائة ريال شهريا أى بما يعادل مرتب مدير مدرسة عندنا لكن أقول أن الدولة عندك غنية بثرواتها مع قلة سكانها فلا مانع عندها من توزيع النفط والبترول بالمجان فلا مقارنة مع مصر

دى أهم النقاط اللى أحببت التعليق عليها
وشكرا

ولو تعلم ثروات مصر وقسمتها لاشبعت الطون العربى
بترول وعندنا مية ومش تاعبنين فيها قناه سويس وعندنا سد عالى وعندنا زراعة وعندنا صناعه وعندنا سيما وعندنا سياحة وعندنا اثار واهى متكومة فوسفات واسمنت وحديد وغيره مليانة ارضنا
شعب متبهدل ومبيقؤلش لا عندنا
ياعم عايز اية تانى
وعلى فكررة عمره ما الكثافة السكانية ما كانت عائق للتقدم
بص للزيادة السكانية على اساس انها ثروة ببشرية تقدر تستغلها
زى ما غيرك استغلها
لكن احنا مش عايزين ثروات كفاية علينا اللى بنسرقوا طبعا الكلام مفهوم يا اخ ابو عمرو الاقصرى ولا انت رايك اية ياخ طه

السلام عليكم ورحمة الله وبركاته
احب اشكر الجميع طبعا على التفاعل

لكن عايز الخص ردي في نقطتين مهمين

الاولي : التعداد السكاني
الصين دولة اعدادها فوق ما تتصور تقريبا عام 2010 بلغ عدد سكانهم 1,328,180,000 يعني قول مليار ونص ورغم كدة متقدمة جدا وتوفر احتياجاتها

الجيبوتي عدد سكانها 864,000 يعني مش واصل مليون وعلى ما اتوقع انها دولة فقيرة جدا

الملخص المستفاد ان التعداد السكاني ليست جزء ابدا في المشكلة
يبقى المشكلة في الموارد

هل مصر لديها موارد طبيعيه قادرة على سد حاجات الشعب
دة السؤال المفروض نجاوب عليه

انا من وجهة نظري الشخصية انها مليئة بالموارد الكثيرة جدا جدا

هناك بطوووووووون تمتلئ بهذه الموارد لذلك نحن لا نراها

بالنسبة للموارد داخل مصر فعدد

موارد طبيعيه مثل
بترول بنسب صغيرة
غاز طبيعي بنسب عالية جدا
المعادن "الحديد ، الفوسفات ، المنجنيز ، الذهب ، النحاس "
مياة " نهر النيل "
اراضي زارعيه
الاثار

موارد بشرية او غير طبيعيه
الجمارك
الصناعات
الضرايب وما اكثرها
السياحة
قناة السويس

طبعا دة عدد قليل من الموارد الحقيقة التي تكفي لشعب الصين وليش شعب مصر

السلام عليكم ورحمة الله وبركاته

موضوع جميل اخى طه ، بس انا شايف ان المشكلة فى الحكومة المصرية

الفاسدة ، لانها لاتراعى الله فى الشعب ، مصر بدات نهضتها وتطوير الاقتصاد

فيها قبل ماليزيا ، شوف ماليزيا فين واحنا فين ،بس بسال نفسى دايما هل مقولة

ان شعب مصر غير قابل للتطوير صحيحة واحنا بنعلق كل الاخطاء على

الحكومة ، ولا دا سبب النظام المصرى والحكومة الفاسدة ؟؟

هى منظومة فساد متكاملة من الحكام والشعب فى نفس الوقت
فكل من لديه واسطة فى الشعب ساهم فى الفساد
وانا على ما اعتقد انو العشب المصرى لكاو عندوا وسايط بدليل لما بتروح تشترى بجنية عيش لو عارف اللى شغال فى الفرن بتخلص وكدة يعنى

موضوع جميل اخي في الله ....... لكن لا تعتمد علي صحف اسرائيلة في اخبارك
اما بالنسبه للحكومه فالكامل لله سبحانه وتعالي ولا يعني ان كل من في الحكومه فاسد..... يااخوتي بلاش حكومه فاسدة والكلام الكبيير هي نعتبر هي فاسدة ... اصلح نفسك قبل ان تصلح غيرك ...

السلام عليكم ورحمة الله وبركاته

بالنسبة للاستاذ يا رب ننجح كلنا هحب اعلق عل نقطة ان الشعب قابل للتطوير او لا
فاقولك دة بالتاكيد وخذ مثالا المواطنين اللى بيسافروا برى مصر تلاقيهم مستجيبين تماما للتطوير الموجود داخل البلد اللى هما عايشين فيه
وكمان في مثال داخلي لما كان عادل لبيب ماسك قنا وفعلا خلاها مدينه جميلة ونظيفة فاكر صحيح هو وضع قوانين صعبه علشان النظافة لكن صدقني بعد كدة الناس نفسها اتعودت على النظام والنظافة وكان في استجابة من المواطنين نفسهم مش خوف من القانون او الغرامة
يبقى مش عيب الشعب بس الشعب منتظر التطوير وصدقني هيتقبلوة وهيتم تغيير سلوكياتهم


اما الاستاذ احمد فاحب اقولك ان الشعب فاسد في حاجة واحدة
انه ساكت عن حقة وقاعد على امل ان التغيير هيجيلة لغايه عندة او كل واحد منتظر ان الاخر هو اللى هيبدأ ويتحرك وطبعا هذا تواكل


مع احترامي لرأي للاستاذ الريقي
بالنسبة للحكومة فهي أفسد الفاسدين ولو كان بها نسبة صلاح ممكن نقول مثلا 0,000001 % اتوقع دي نسبة مظبوطة ويمكن كتير شوية
لكن طبعا انا معاك ان الفرد يبدأ بتغيير نفسة ولكن مش كدة وبس يبدأ كمان يغير اللى حوالية ان يقدر وكمان مش كدة وبس ويحاول يتحرك علشان بلدة باي طريقة ممكن علشان نقدر ننقظها
وبالمناسبة دي اسمحولي انقل ليكم مجموعه من الكلمات تعبر عن حالنا

احنا اللى
احنا اللى بيضنا الأرنب بالفهلوة وحلبنا التور
احنا اللى كعبلنا النملة وجبنا لبن العصفور
احنا اللى يحكمنا مبارك ونظيف وشريف وسرور
احنا اللى عشان رغيف ناكله واقفين فى طابور
احنا اللى نص مرتبنا رايح فى فاتورة مية ونور
احنا اللى نرصف فى الشارع والصبح نلقاه محفور
احنا اللى كل ساعة حادثة نطلع منها بضحايا وكسور
احنا اللى أ كلنا الفول ابو سوس فى طبق مكسور
احنا اللى هارينا ضرايب هذا الخايب غالى المسعور
احنا اللى فينا يقول لأه يصبح جانى وكلنا جايين بالدور
احنا اللى زهرة خشخاشنا فلسعت مع واحد وياه بسبور
احنا اللى الكبير ياخد رشوة وعاوزين الطابق مستور
احنا اللى عاوزينا نهاجر م الدنيا نبعد ونغور
احنا اللى اعضاء مجاليسنا جايين بالزور
احنا اللى فينا يقول حقى فى القسم يتشد على خابور
احنا اللى بهدلنا الفلاح وحولنا المزروع الى بور
احنا اللى ابن الباشا يغش وان قلنا لا نلاقى بساطور
احنا اللى بننصب فى الفاعل والمنصوب نعمله مجرور
ااحنا اللى نضلم شوارعنا بالليل ونورها فى عز النور
احنا اللى يغلط فينا يقول: انا يا با عبد المأمور
احنا اللى فى كل حياتنا متعلقين فى سواقى بتدور
احنا اللى نقدم ونأخر فى الساغة على كيف طرطور
احنا اللى دهنا الهوا دوكو وخرمنا القرش بلا شنيور
احنا اللى طلعنا من المية وجننا عروس البحور
احنا اللى رجعناها حلوة جميلة العجوز ام منخور
احنا اللى ريسنا بيجرى واحنا وراه نلهث فى طابور
احنا اللى ريسنا حبيبنا راجل جدع مش عايش الدور
احنا اللى كل مايتكلم يقولنا :كتر عددكم وانا معذور
احنا اللى 30 سنة فى طوارئ وعشان جمالنا جه الدستور
احنا اللى كاتمين على صوتنا داخل بلدنا وبرة السور
احنا اللى لازم نتحرك ونطالب برجوع الحق المهدور

طبعا منقوووووووووولة

جمييييييييييلل جداالشعرده او الواقع ده
انا قصدى جميل في طريقة التعبير الواقعي
وتصوير الواقع بسخرية ممتازة
انا فعلا بحيي اللى الفة ولكن
بتمنى يكتب حاجة حلوة زي كدة بس يوصف
بلدنا لما تتغير وحالها يتعدل بالشباب
اللى فيها زيكوا كدة
وربا يقويكم وتتصلح الاحوال

مشكور يااخ طه على الموضوع ... بس صدقونى ياشباب مش

الحكومة وبس هى المسؤولة على اللى احنا فيه ، لا فى كمان حاجة تانية انا

بعتبرها عامل اساسى فى كل مشاكلنا وهى روح اليأس التى تتملكنا عند مواجهة

اى مشكلة ولو بسيطة ، لو نعرف نستغل وقتنا صح زى ماغيرنا بيعمل اكيد

هنبقى احسن من كده ... لو نعرف قيمة الصحة والشباب والعقل والطموح اللى

ربنا ادهولنا يبقى اكيد هنبقى احسن من كده ..... لو نعرف يعنى ايه مسؤولية

ويعنى ايه اتقان فى العمل مهما كان صغير او تافه بالنسباله يبقى اكيد هنبقى

احسن من كده .....

شباب لما نعرف نستغل ثرواتنا الشخصية اللى ربنا ادهالنا يبقى

ساعتها ندور على ثروات البلد ....

مصر هاتفضل كدا طول عمرها
نسال الله السلامة