الجمل هو السبب

واحد دائم الرسوب في التعبير تعال شوف ليه

رسب أحد الطلاب في مادة التعبير، وهذا أمر غير اعتيادي أن يرسب طالب في مادة سهلة كالتعبير،

وعندما سُئل المدرس عن سبب رسوبه في المادة قال:

والله يا اخوان الطالب ما يركز كل مره نعطيه يكتب عن موضوع يخرج عن الموضوع

قالوا اعطنا عينات من مواضيع التعبير التي كتبها

...فقال المدرس على سبيل المثال :

اكتب موضوعاً عن فصل الربيع

كتب الطالب هذا :

فصل الربيع من اجمل الفصول في السنة، تكثر فيه المراعي الخضراء مما يتيح للجمل ان يشبع من تلك المراعي والجمل حيوان بري يصبر على الجوع والعطش اياما، ويستطيع المشي على الرمل بكل سهولة ويسر. ويربي البدو الجمل، فهو سفينة الصحراء، فينقل متاعهم ويساعدهم على الترحال من منطقة لاخرى ... والجمل حيوان اليف …. الخ

ويستمر الطالب في التغزل في الجمل، وينسى الموضوع الرئيسي.

فقال المدرسون:

قد يكون قرب موضوع الربيع من الجمل وارتباطه بالرعي هو الذي جعل الطالب يخرج عن الموضوع

فقال المدرس:

لا خذو على سبيل المثال هذا الموضوع الذي طلبنا من الطالب ان يكتب عنه ...

اكتب عن الصناعات والتقنية في اليابان ...

كتب الطالب !!!

تشتهر اليابان بالعديد من الصناعات ومنها السيارات، لكن البدو في تنقلاتهم يعتمدون على الجمل، والجمل حيوان بري يصبرعلى الجوع والعطش اياما ويستطيع المشي على الرمل بكل سهولة ويسر ...ويربي البدو الجمل، فهو سفينة الصحراء، فينقل متاعهم ويساعدهم الترحال من منطقة لاخرى .. والجمل حيوان اليف ...

قال المدرسون :

هل هناك موضوع آخر

فقال المدرس :

كل موضوع يبدأ فيه لنصف سطر ينتهي بصفحات عن الجمل ...

وهذا موضوع بعيد جدا عن الجمل

اكتب موضوعا عن الحاسب الآلي وفوائده:

كتب الطالب !!!

الحاسب الآلي جهاز مفيد يكثر في المدن ولا يوجد عند البدو لأن البدو لديهم ( الجمل ) والجمل حيوان بري يصبر على الجوع والعطش اياما، ويستطيع المشي على الرمل بكل سهولة ويسر ...ويربي البدو الجمل، فهو سفينة الصحراء، فينقل متاعهم ويساعدهم على الترحال من منطقة لاخرى . والجمل حيوان اليف

تقدم الطالب بشكوى للوزير فكتب في خطاب الشكوى :

سعادة وزير التربية والتعليم ………السلام عليكم ورحمة الله وبركاته

اقدم لمعاليكم تظلمي هذا وفيه اشتكي مدرس مادة التعبير لأني صبرت عليه صبر الجمل، والجمل حيوان بري يصبر على الجوع والعطش اياما، ويستطيع المشي على الرمل بكل سهولة ويسر ...ويربي البدو الجمل، فهو سفينة الصحراء، فينقل متاعهم ويساعدهم على الترحال من منطقة لاخرى . والجمل حيوان اليف، وكما يعلم سعادتكم ان الجمل يستمد طاقته من سنامه الذي يخزن فيه الكثير من الشحوم، اما عيني الجمل ففيها طبقة مزدوجة تحمي العينين من الرمااال والعواصف ...

آمل من سعادتكم النظر في تظلمي هذا وظلم المدرس لي مثلما ظُلم الجمل في عصرنا هذا بأكل كبدته في الفطور في جميع الوزرات والدوائر الحكومية ...

هاه ايه رأيكم يستحق الرسوب ولا لا ؟؟

طبعا يستحق ده واخدها عند مش غباء
تسلمى ياداليا على موضوعك ايوة كده ورينا الشغل الحلو ده كان مستخبى من زمان

السلام عليكم ورحمة الله وبركاته

ازيك ياابو صلاح ازيك ياداليا

موضوعك رائع بس انا شايف الطالب دا مش غبى بالعكس دا مبدع ههههههههه

الطالب دا لو عند دكتور محسوب كان عطاله جيد جدااا

ومبرروك الجيد جداا ياداليا فى الامتحان .

وانت عامل ايه يامازن شيل ياعم كلمة الدكتور محسوب لحد يشيل تعليقك هنا وتبقى من المغضوب عليهم خلى بالك من نفسك يامازن هنا وخليك جمب الحيط والا البوليس السياسى هيتراشق بالرسايل بينهم وبين بعض ويتأمروا عليك
ربنا يكون فى عونك وليك وحشة جامده يامازن وطول عمرك اصيل والله

الحمد لله بخير اشكر ربى ، ربنا يكرمك ياابو صلاح

بس محدش يقدر يمنعنى اقول رايى لانى حر اقول الى عايزه

احنا فى بلد ديمقراطية هههههههههههه

ازيك ياداليا ، عاملة ايه ؟

الف مبروك على النجاح وعلى الجيد جدا ....

ايه الموضوع الجميل ده ... بس انا رايى ان ممكن الطالب ده كان

عايز يوصلّهم فكرة معينة ، بس هما مافهموش ده ، ونفس الفكرة كان عايز

يوصلها للوزير ...بس برده مافهمش

فكرة والجمل حيوان بري يصبر على الجوع والعطش اياما، ويستطيع المشي على الرمل بكل سهولة ويسر ...ويربي البدو الجمل، فهو سفينة الصحراء، فينقل متاعهم ويساعدهم على الترحال من منطقة لاخرى . والجمل حيوان اليف،

الواد ده عاوز الحرق يعنى بيذاكى هو ولا غبى وبيستهبل ياويله لو وقع فى ايديى طالب زى كده

مشكوريييييين جميعا

اهلا مازن ازيك انت والله يبارك فيك

اهلا محمد صلاح ازيك عامل ايه؟ وعفوا اخجلتم تواضعنا

[ندعوك للتسجيل في المنتدى أو التعريف بنفسك لمعاينة هذه الصورة]

ميرسى ليكى ياحنين ياقمر الله يبارك فيكى وليكى يارب

موضوعى ده يجى ايه فى موضيعك الروعه

اما عن الطالب ده فأكييييييييييييد الجمل ده يقربله لولا ما هو عمال يجيب سيرته فى كل كبيرة وصغيرة كده :D :D

السلام عليكم ورحمة الله وبركاته

بارك الله فيكي ياأستاذه داليا موضوع كوميدي جميل أضحكنا على الصبح

وبارك الله في الطالب وفي الجمل وربنا يبعد عنه إنفلونزا الجمال

مستني منك مواضيع جميله مثل هذا الموضوع --- وياريت تسامحيني لإنني

أمس بعد التراويح إغتبتك وقولت هي داليا عمرها ماكتبت مواضيع في المنتدى

ولكن بعد صلاة الفجر فوجئت باكثر من موضوع ليكي في منتهى الروعة

ربنا يبارك فيكي ويسترك ويسعدك ويبعد عنك شياطين الإنس والجن وقُرناء

السوء ويتقبل منك صيام شهر رمضان ومرة اخرى أرجو السماح

السلام عليكم ورحمة الله وبركاته

شكرا جزيلا وبارك الله فيك ولك على هذا الموضوع

الجميل الذى تحدثتى فيه يا أخت داليا ، وخاصة انك تحدثتى

فى مشكله من مشاكل الطلاب فى أيامنا هذه ،

واننى نظرت اليها بنظرة أخرى ، نظرة جدية

وليست هزليه، ولكن هذه المشكلة اذا قورنت

بغيرها من مشكلات الطلاب فى التعبير أو غيره ،

لكانت أهونها ، يكفى انه بيعرف يكتب ،

فللأسف الطلاب فى أيامنا هذه لا

يستطيعون أن يعبروا عن أنفسهم أو عن أى شئ ،

حيث أن الطالب للأسف تعود على الغش منذ نعومة

أظافره ، وكبر عليه ، وقد عاصرت ذلك فى

التعليم الفنى ، الى غير أن الطالب لا يهمه

أن يتعلم ، فما رأيته فى القرى أن الشغل

الشاغل للولد أن يأخذ الدبلوم لكى يقلل من

سنوات الجيش لا لأى غرض آخر ، وأما البنت تأخذ

الدبلوم لمجرد أن يقال أخذت الدبلوم فقط ،

ثم تتزوج بعدها ، وهذا هو النظام السائد فى

القريه ، وللأسف لايوجد مايشجع الطالب على

التعليم ، فنحن كمثال تعلمنا وتعبنا وأخذنا

مؤهلات عليا ، وللأسف عملنا بالحصة ، وطلعت

روحنا على ما أخدنا العقد - المؤقت - وكمان

ايه بشروط وبلوى الدراع ياتاخد الدبلومه وال

icdl ، وتنجح فى الكادر كمان يا نقولك مع

السلامه ، وللأسف ان الطالب الذى ندرس له يعلم

كل هذا عنا ، ويتخذنا نموذجا له ومثالا لمن

تعلم وأكمل تعليمه ، كنت أحرج عندما يسألنى

طالب هل أنت بالحصة أم بالعقد ، من المكن أ

ن تستغربوا كيف طالب يسأل أستاذه ، ولكن أقول

لكم أننى أول ماعملت عملت مع طلاب فى سن

الثانويه ، ومن الطبيعى ان كنت محبوبا بين

الطلاب أن يسألوك فى بعض الأمور ويعتبروك أخا

لهم ، للأسف الوضع الذى نحن بصدده هو الذى

أدى بهذا الطالب وبغيره أن يحيد عن الصواب ،

ولا تلوموا على المعلم ، ولكن لوموا على

أوضاع الدوله ، ومدى اهتمامها بالمعلم الذى

يكاد أن يصل لدرجة تجاهله ، فالمعلم الذى

كانت مهنته فى أول المهن أصبح الآن محتقرا ،

ليس له أى اعتبار فى بلده ، لقد أهنا المعلم

منذ أن قلنا له اعمل بالحصة وكأنه أجير ،

للأسف كيف لهذا المعلم أن يخرج من يديه أجيالا

كالأجيال السابقة التى تعلمت ونفعت نفسها ،

اذا كنا ننظر الى حال التعليم ومدى الأذى

الذى لحق به ، فيجب أن ننظر أولا الى الأذى

الذى لحق بالمعلم نتيجة اهانة الدولة له ،

واعذرينى ان كنت أطلت فالكلام ، واخدته بجدية

شوية ، وان كان هذا نبذة بسيطة عما يدور

الآن .

وفقك الله وسدد خطاك دائما الى الحق والخير ،

وننتظر منك المزيد من الموضوعات القيمة .

ايه ياداليا هى الجيد جدددددددددددددددددددددددددددددددددددا بتعمل كده
الف الف الف الف مبروك ياستى
وبصراحه الموضوع جميل
اكيد فعلا الجمل يبقى قريبه

[ندعوك للتسجيل في المنتدى أو التعريف بنفسك لمعاينة هذه الصورة]

غاده الجميلة شكرا لمرورك والله يبارك فيك يارب
انتم السابقون ونحن الاحقون ياغدغوده بصرة يعنى

وشكرا ليك يااحمد ولو انى من رايى كان المفروض الطالب ده يستعين بيك فى مواضع التعبير عشان تساعده

وعن المستر خالد ولا يهمك يامستر المسامح كريم انا مسمحاك ويارب نكون عند حسن ظن الناس

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

اهلا هيام ازيك

[ندعوك للتسجيل في المنتدى أو التعريف بنفسك لمعاينة هذه الصورة]

مبروك حبيبتى داليا النجاح وعقبال الدكتوراه
ربنا يعلم احنا تعبنا اد ايه فى الدبلومه
دا احنا ذكرنا وصبرنا صبر الجمل والجمل حيوان برى يصبر على الجوع والعطش اياما......هههههه
جميل يا داليا بارك الله فيك

اهلا سارة ازيك الله يبارك فيكى

فعلا صبرنا صبر يهد جبال كنا رفقاء للجمال ههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

ازيك يا اريج عامله ايه

[ندعوك للتسجيل في المنتدى أو التعريف بنفسك لمعاينة هذه الصورة]

ما شاء الله ... الله أكبر عليك يا dr_moslima انتِ اللي نورتي القسم

بموضوعك الجميل وبكده انت صاحبة أول جَمل بالقسم وألف ألف ألف مبروك

عالجيد جدا

( يعني تلت تلاف مبروك )[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

محمد صلاح كتب:: وانت عامل ايه يامازن شيل ياعم كلمة الدكتور محسوب لحد يشيل تعليقك هنا وتبقى من المغضوب عليهم خلى بالك من نفسك يامازن هنا وخليك جمب الحيط والا البوليس السياسى هيتراشق بالرسايل بينهم وبين بعض ويتأمروا عليك
ربنا يكون فى عونك وليك وحشة جامده يامازن وطول عمرك اصيل والله

من بوليس العاصمة إلى كل صاحب تعليق ....

لا تخف طالما انك سليم وفي حدود التعامل وأي تعامل لأننا داخل منتدي اسلامي وحتى الترويح

أيضا له احترامه ومن المستحيل أن يكون مفتوووووووووووووووووح وليست له حدود

التوقيع
المندوب السامي لبوليس العاصمة

والله ياخوانا انا شايف ان التعبير كان كويس
ودقة وروعة التعبير مش موجودين اليومين دول
بس كانوا موجودين ايام البدو
والبدو عندهم الجمل والجمل سفينة الصحراء ويستطيع.................
هههههههههههه
موضوع لذيذ بجد

السلام عليكم ورحمة الله وبركاته

انا يا جماعه هاذبح الجمل واريحكم منه

ولا اقولكم انا شاكه ان الولد ده هو محمود كامل

ههههههههههههههههههههه

جميل خالص يا داليا

اي ولد فيهم؟؟؟
اكيد اللي ابوة بيشتغل في المخابرات
خدى بالك من نفسك
ادي يا داليا الجمل بتاعكم ده جابلنا المشاكل
هههههههههههههههههههههههههه

السلام عليكم ورحمة الله وبركاته

ازيكم جميييييييعا بجد وحشنى خالص خالص ومعلش اعتذر عن تأخيرى فى الردود وذلك لأنقطاع النت لفترة طويييييييييييييييلة من الايام يعنى عشان كده شوفت مشاركاتكم متأخر ....... انا حابه اشكر القمر الجميييييييييلة حبيبت قلبى الهام والاستاذ محمود ابن الراجل اللى بيشتغل فى المخابرات هههههههههههههه وبشكركم على مروركم الرائع

والنبى يا الهام لو دبحتى الجمل ابقى هاتى حته نطبخها انا وبنات المنتدى الغلابة وناكلها هههههههههههههه هبقى اعزمك ماتقلقيش

وبعدين يعنى يااستاذ محمود انت بتهددنا بباباك اللى فى المخابرات انت ماتعرفش انا ليا وسايط كبيرة اوى اوىىىىىىىى انا قريبى رئيس مراجيح مولد النبى وممكن اخليه يمنعك تركب المراجيح وانا عارفة ان الموضوع ده بمثابة كارثة نفسية بالنسبالك ههههههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

» مين السبب وهل هناك حل
» لسانك السبب
» إمرأة تفضل الموت على الحياة و السبب عجيب ؟؟