الزواج في مصر من الفراعنة حتي الأن0000000000

طريقة الزواج في مصر من الفراعنة حتي الأن :





مصر الفرعونية


ابا انا عايز اتجوز اختى حت حور
خلاص يا ابنى خليها تنقل حاجتها فى اوضتك.. وابقى هاتلها حجرين صوان هدية.. مبروك يا تاح
............ ...... ....... .

مصر فى عصر الرومان


تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك
يللا
......... .......

مصر بعد الفتح الاسلامى


ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج
لبنتى .. وكما قال رسول الله صلى الله عليه وسلم ' ان جاءكم من ترضون
دينه وخلقه فزوجوه ' .... قيموا الافراح
.........

مصر 1919

انت ح تتجوز بنت الحاج عبد الجليل .. انا كلمته خلاص ووافق .. وضب
ااوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا تخبص
حاضر يابا
......... ........

مصر 1960

بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو
يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها
......... .........

مصر فى عصر الانفتاح

اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركت
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام
ما بنلاقيش ناكل.. انا يا بنتى مش عايزاكى تتعذبى زى ما احنا
اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما
........

مصر 2010

البنت: بابا ريكو حييجى يقابلك بكره وهو راجع من المول مع ديدى
متتكلمش معاه فى اى ماديات من فضلك
وبعدين الكلام فى المهر والعفش والقايمه
والفرح ده موضه قديمه
حاجات بلدى ياى
انا اتفقت معاه على كل حاجه
والفرح فى كافيه ماريانو فى المعادى على الضيق كده مع الفرندز
وانا جيت اعزمك انت ومامى

على البركة يعنى حليتى مشكلة الزواج فى مصر والزمان بتاعنا مية ميه ومفيش اى مشاكل
اموت واعرف مين اللى بيقول ارتفعت نسبة العنوسة فى مصر
يجيوا يشوفوا غادة عملت طريقة للزواج بس كفاءة ميه ميه الله ينور عليكى
يالا بقى ياغادة عاوزين حل لمشاكل تانى
غادة غادة تحيا غادة

السلام عليكم ورحمة الله وبركاته

جميل الموضوع ياغادة

عندك حق ياابو صلاح كدا مشكلة الجواز اتحلت ، انا كنت فقدت الامل

انا عندى حاليا 24 سنة وكنت مقرر اجوز فى السن الاربعين لو لينا عمر ههههههههه

لكن بطريقة غادة دى هاعمل زى ريكو ههههههههه

موضوع من الموضوعات التي لها اهمية في مجتمعنا الجوز وصروفاته
بس ياختي حاليا كثييييير ما يبحثن علي الزوج الصالح لان ظروف عصورنا الان جعلت من الشباب البحث عن الانسان الصالح

[ندعوك للتسجيل في المنتدى أو التعريف بنفسك لمعاينة هذه الصورة]
استاذ حسين ومحمد صلاح ومازن والريقى
[ندعوك للتسجيل في المنتدى أو التعريف بنفسك لمعاينة هذه الصورة]

جميل جدا ياغادة ... ياسلام كمان لو لقيتى حل لباقى مشاكلنا ....

فكرتيني بفيلم رامي الإعتصامي
( جواز أخر حاجة )

وعارفة هتلاقي مين معزوم في الفرح
ميمي وتوتو وتيتي وكمان هتلاقي الواد الملزق
اللي كان بيقول من حقنا من حقنا نحلم بحضن يضمنا

والسؤال تتوقعي الجواز عام 2100 هيكون شكلة أية؟

رائع الموضوع يا غاده
بس انا مش موافقه على زواج 2010
ده مش بيكون كدا بيكون
اه وياترى ابن مين ده
وبيشتغل ايه
وبياخد كام
ومعاه شقه ولا حياجى يقعد هنا
وحيجيب شبكه بكام والمهر كام
....... الى اخره

واشياء ما انزل الله بها من السلطان
والله المستعان

سلمت يداك يا غاده وننتظر المزيد