السلام عليكم ورحمة الله وبركاته :lol!:
نفترض انك بتحب حد
أو إنك بتحبى حد غالى مش قصدى على الحب المحرم اكيد فهمتينى
وانك ضايقت حبيبك وزعلته وأنتى ضيقتى حبيبك وزعلتيه
طبعا ضميرك هيأنبك وإنتى نفس الكلام
و تقعد تلوم نفسك انا ازاى عملت كده ويمكن متعرفش تنام
وتتخنق وتبكى وتبقى تعبان ومهموم ونفس الكلام للأخت الفاضله و تفكر و تحتارو تفكر مليون مرة ازاى تصالحه و تقوله انا آسف!!
وتزعل لو ضايقته او لو هو ضايقك وتقول ازاى انا هنت عليه إنتى بالذات الكلام ده بتقولى مليون مره اكثر من الراجل
تعرفوا مين ده اللى انتوا زعلانين على... زعله و ميهونش عليكم زعله؟؟؟!!
ده.. عبد الله او امة الله
وهنا يجى السؤال
يا ترى كام مرة هان عليك ربنا؟؟؟!!؟؟؟!!!
كام مره نمت و انت مش فار ق معاك انك مزعله؟؟!!!
كام مره نمت و انت تركت صلاة واجبة وإنت أختى كام مره ؟؟!!!
كام مره نمت و انت مكلفتش نفسك تقول ... أستغفر الله!!!
عشان يسامحك ربنا
سألت نفسك كام مرة بكيت عشانه ؟؟!!!
مهانش عليك؟؟!!
طب محسيتش انه حبيب ليك وانت مزعله ونفسك تصالحه؟؟؟!!!
إنتى يا أختى محستيش انه حبيب ليكى إنتى مزعلاه ونفسك تصالحي ؟؟؟!!!
محسيتش انك قصرت فى حقه ,إنتى نفس الكلام؟؟!!!
متألمتش ومسألتش نفسك وانت فى الموقف الفلانى . . . . . يا ترى هو زعلان منك ولا ؟؟!!!!
طب مسألتش نفسك كام مره نمت و انت مزعله؟؟!!
طب قلتله أنا آسف متزعلش منى يا رب ؟؟
طب مش نفسك تتكلم معاه؟؟؟!!
هتقولى هتكلم معاه ازاى؟؟!!
عن طريق سجدتك و انت بين ايديه ده اقرب ما يكون العبد إلى ربه وهو ساجد..
نفسك يرد عليك يقولك انا سمعك؟؟!!!!
قرأ القران ايوه اقرأ القران.
إذا أردت أن تكلم الله فعليــك بالصــــلاة
وإذا أردت أن يكلمك الله فاقرأ القرآن ...
طب محسيتش فى مرة انه حبيبك
هو اللى عالم كل اسرارك قبل ما تعلمها
مفكرتش تطلب منه المعونة و يقف جنبك بصلاة استخارة؟؟!!
طب محبتش تشكى همومك ليه ؟؟
طب مسألتش نفسك لو حبيبك سابك
و كل صحابك و جيرانك و اهلك متخانقين معاك
وبقيت لوحدك بتبكى و الدنيا متقفلة فى وشك
هتعمل ايه مين هيسمعك مين هيطبطب عليك
محبتش يكون فيه واحد جنبك يحس بيك وشايف كل حزنك ودموعك,
معاك و بيناديك وبيقويك تناديه
عشان يرد عليك ويقولك
لبيك عبدى لبيك
ربنا بيقولك
تعالى انا عايز اسمعلك ..تعالى اسعدك احل لك مشاكلك ..
ربنا عايز يريحك وانت مش مريحه ..
للدرجة دى هان عليك ؟؟؟!!!!
تخيل وانت بتعمل ذنب كبير
ربنا شايفك ومع ذلك بينجينا و يحفظنا
ويبقى مستنينا نرجعله وبعد ده كله تنام عادى كده ولا همك زعله
مفكرتش ان بأخذة عزيز مقتدر يقبض روحك اللى انت فرحان بيها فى لحظه
و يقولك خلاص آن الأوان
مفكرتش هتقله ايه
هتقله يا رب انا كنت بزعل على زعل حبيبى وانت لا ؟؟!!!
محسيتش فى مرة أنه
الوحيد اللى عنده قدرة رهيبة على المسامحه
و مهما تعمل و ترجعله بيغفر لك عشان بيحبك بجد
وفى الاخر انا هسبكم تفكروا وتسألوا نفسكم
انا ازى هان عليا زعل ربنا ازااااااااااااااى؟؟!!!ـ
يلا كلنا أول ما نصحا وقبل منام نتوب
ونرجع لربنا حبيبنا
ونقله سامحنا يا رب
سامحنــــــــــــــــــــــا
أستغفر الله الذى لا اله الا هو الحى القيوم واتوب اليه
موضوع: مش مكسوفه منه ؟ يا قلبك الجامد 
السبت 9 أكتوبر 2010 - 21:19
