√√Ѽ Ѽ هتعمل ايه لو ده حصلك؟؟؟( لعبه)√√Ѽ Ѽ

حياكم الله

صباحو او مساءو عنب عليكوووووووووو

جبتلكم لعبه يارب تعجبكم (سامع ناس بتقول ياما جاب الغراب لامه بس هعديها )

[ندعوك للتسجيل في المنتدى أو التعريف بنفسك لمعاينة هذه الصورة]

فكره اللعبه

اللعبه عباره عن كل واحد يدخل يحكى عن موقف حصله

او حصل لواحد يعرفه او سمع عنه

او قراه فى قصه ..........اى حاجه

ويسأل اللى بعده هتعمل ايه لو كنت\ى مكانه او مكانى

واللى بعده هيجاوب وهييقول موقف تانى وهكذا

مش عايزاه كسل ها

[ندعوك للتسجيل في المنتدى أو التعريف بنفسك لمعاينة هذه الصورة]

هاه اى استفسارات؟؟؟؟

ايه بتقول ايه؟؟؟ اديك مثال؟؟؟ شكلك هتتعبنى

اوكى

يعنى مثلا

هتعمل ايه لو كنت ماشى مع واحدة وابوها قفشك؟؟؟

او

هتعمل ايه لو لقيت حد قريبك اوي بيضرب من واحد

بس ايه ضخم زي بتوعت البودي جارد

واللى بعدك هيجاوبك وهيقول موقف تانى تمام كده؟؟؟

طب تمام
[ندعوك للتسجيل في المنتدى أو التعريف بنفسك لمعاينة هذه الصورة]

قوانين اللعبه

مفيييييييييييييييش قواااااااااااانين

بس عارفين اللي هيعمل حاجه كده ولاكده انتو عارفين

اللي هيحصلو عارفين ايه هو ...... ولا حاجه

علشان عارفاكم اعضاء منتهي الاحترام والذوق
[ندعوك للتسجيل في المنتدى أو التعريف بنفسك لمعاينة هذه الصورة]
بدايه اللعبه

يالا هبتدى انا اولا : بحاجه خفيفه كده

هتعمل ايه لو كنت بتحمل حاجه من الجهاز والحاجه دي بالعافيه لقتها

وفجأة بعد ما خلااااص التحميل هيخلص بعد يعني 99% وبدأينسخ الجهاز

راح النور قطع ..هتعمل اييييييه ؟؟؟؟؟؟؟؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]

هعمل ايه يعنى هقول قدر الله وماشاء فعل بس بصراحة هتعصب طبعا

مشكورة على فكرتك يا فاطمة

هتعمل ايه لو حصل انه حد قال لك نفسى اشوف تعليق بناء لك ؟

شكرا لكى فكرة الموضوع رائعة

اكيد حتعصب جدا ومش بعيد الضغط حيرتفع

بس اكيد حقول الحمد لله واجرب مرة ثانية

ايه يا اسماء مشفتيش الفكرة بتاعت اللعيه ليه

المفروض تردي علي موقف دموع وبعدين تقولي موقف تاني

وهكذا ..................

لو حد قالي
نفسي اشوفلك تعليق "" بـنــّاء "" لك
هاجيبله الفين طوبة ، وشكارتين اسمنت
ويلا نبني يا معلم
ههههههههههههههههههههههه
طبعنا هاحاول على قد ماأقدر احط رأيي اللي انا مقتنع بيه في الاول والاخر
بغض النظر عن ان تعليقي دا هايعجبه ولا لأ

طيب تعمل ايه لو:
رايح تخطب واحدة
وجابتلك المشروب اللي هاتشربة
ولما بتاخد اول رشفه
لقيته مافيهوش اي سكر، وطعمة لا يطاق؟؟؟

هههههههههه

علي فكرة الحاجات دي بتحصل في تركيا

قال ايه علشان يشوفوا قوة الراجل يستحمل ولا لأ

مايهمش انا عن نفسي يشرب وخلاص وفيها ايه

هتعمل ايه

لو واحد راح رامى شنطة فى وشك وانتا مسكتها و سمعت السرنة بتاعت البوليس

واتقفشت بيها و لقيو فيها سكينة مقتول بها واحد ؟؟؟؟؟

فاطمة جمعة كتب:: مايهمش انا عن نفسي يشرب وخلاص وفيها ايه

نـــعـــــــــــم؟؟؟!!!
اشرب وخلاص ...!!!
انتي ناسية
ان الامورة الطعمة ام دم زي الشربات دي
هاتتلف حوالين رقبتي العمر كله؟؟؟
.
بالنسبة للسكينة
ممكن اطلع السكينة
وباعلى صوت
اي حاجة بجنية
سكينة بجنية
وشنطة بجنية
يالا بسرعة ....
اكيد مش هايشكوا فيا خاااااالص

يالا معلش كأنها كرافت هتربط بيها البدله او حبل ملفوف
علشان بس البنات يقلوا
لا بصراحه ترفع الضغط فعلا وتصرف كويس من حد ذكي
طيب مش تقولنا موقف علشان اجاوب

طيب مادام حلفتي
تعملي ايه
لو
كنت رايحه مشوار لازم يخلص ومايحتملش التأخير
والبلارينا(الشوز)
اتقطعت نصين في نص الشارع ومافيش تكسيات
ولا عربيات
ولا محلات احذية فاتحة
ولا حتى معاكي كيس يفي بالغرض
هاتعملي ايه........

عادي جدا هاوقف في مكان يكون في ناس واصرخ واقول اااااه رجلي بتوجعني
بس والناس هتتلم بقي واييييييييييييييه
هتعمل ايه لوسكنت في يوم من الايام مع حد بخيل جداااااااااااا وشرط انك لازم تقعد معاه

عادى جدااا

حجيب معايا كل طلباتى من اكل وشرب

وحته قطن
*
*
*
*
*
*
بتقولى ليه

انا اجوبك

علشان لما يتكلم معايا

عن حاجة فيها بخل احطها فى ودنى

هتعمل ايه لو رحت المدرسة ونسيت

كشكول التحضيرفى البيت

وجات لجنة من الوزارة فى نفس اليوم؟؟؟؟؟

ههههههههه
هاعمل نفسي تلميـــــــــــذ
.
تعمل اية لو:
رايح تشتري مجموعة طلبات , والصاحب المحل كان عصبي , وانت قرفته من كتر الطلبات ، وغتَّت عليه جامد ومبقاش طايقك
وبعد ماجهزلك كل حاجة
الحساب لو سمحت....
120
بتضرب ايدك في جيبك.
.
.
مالقيتش المحفظة؟؟؟؟
ملحوظة:
خليك فاكر ان البائع , مش طايق اليوم اللي شافك فيه.

ححط ايدى على دماغى واعمل نفسى حيغمى على

تعمل ايه لو بتتصلى بصحبتك فرد عليك صوت رجل وبيقولك انت عايزه مين
وانت تقولى فلانه يقولك مفيش حد هنا بالاسم ده وانت مصره انه تلفون صحبتك وهو مصر ان مفيش حد بالاسم ده وفى النهايه اكتشفتى انك غلطتى فى الرقم
وخليكى فاكره انك طلعتى عليه القديم والجديد فى اصرارك انه تلفون صحبتك

الصراحة حصلت معاكى يا كسوفى يا اختى

هتعمل ايه لو اتصل بيك رقم من السعودية وقالك عاوز اتعرف ومصر يتعرف؟

يا سلام واحنا نطول
اتفضل
محمود
شاب
اعزب
وسيم
لديه شقة......... والذي منه
هههههههههههههههه
دي باعملها دايما في اي رقم غريب اول كلمة يقولها ...مين معايا؟
اروح مديله على طول النشيد ده.
تعمل ايه لو انت في فسحة مع زمايلك في الاقصر مثلا
ودخلتوا بازار وبتتفرجوا على التحف اللي فية
وفجأه وبدون قصد يقع منك تمثال،،،،ويتدشدش على 7459حته ....بتبص على التيكت بتاعة لقيت ثمنه .............................( 57 يورو ونص )
ملحوظة:
ماتحاولش تقولي هادفع ثمنة

اكيد طبعا مش هيكون معايا تمنه انته بتكلم في ايه وحتي لو معايا متوقع اني هدفع يعني حاجه في الاصنام دي هههههههه... انسي
الموضوع هتعمل ايه هنا يتسال فيها صاحب البازار مش انا ركز معايا ...
تعمل ايه بقا يا شاطر لو انته في نفس الموقف ونفس المكان ونفس البازا ونفس التمثال اللي اتحط مكانه صوره ليه كان هنا تمثال تمنه 57 يورو ونص ولقيت ايد نزلت علي قفاك ويقولك مش تقف في المحل ..

محمود كامل احمد كتب:

حاضر أول ما يتصلل هقول أستاذ محمود كامل عاوزك

samy كتب:

الصراحة مش هدخل البازار أصلا

هتعمل أيه لو كنت مع خطبيتك واحد رخم عليك وضربك كف ع رقبتك

هههههههههههههه المشكله يا اخت دموع تائبه انك مش تبع المحل هو يفتكرك الولا اللي واقف في المحل

الموقف العادي مش تتخانق ومعاك واحده ست لانها هتتبهدل هقلها روحي يا بنتي وادعليلي ارجع بالسلامه

تعمل ايه لـــــــــو
لو كنت معزوم علي اكل عند حد صحبك وبعد الاكل جه الحلو وطبعا انت زودت في الاكل جامد وخلاص المعده مش فيها نفس تاني
وبعدين ابو صاحبك حلف ميت يمين لازم تخلص طبق الحلو اللي قدامك انته سلمت للامر وقلت هتاكل بترفع الاكل عينك........ لمحت شيء في الاكل - بدون ذكر اسمه - (( اكيد شيء مقرف ))
خد بالك الراجل حلف ..........

samy كتب:: وقلت هتاكل بترفع الاكل عينك........ لمحت شيء في الاكل - بدون ذكر اسمه - (( اكيد شيء مقرف ))
خد بالك الراجل حلف ..........

>>>>>
اكيد شيئ مقرف؟؟؟؟
يابني انا مابحبش الاكل الا لو كان فية (شيئ مقرف)
بس اقولتليش.......
الشئ المقرف ده دخل الفرن ولا بعد ما الحلو ((اللي مابقاش حلو طبعا))خرج من الفرن وعمل هبوط اضطراري؟؟؟
.
.
هاتعمل اية ...او بالاحرى ... هاتعملي اية-
لو انتي العروسة...او العريس - بالنسبة للرجال.....
.
.
وجة وقت تقديم العصير
.
وبعدين.
.
.
.اللي بتقدم العصير
اتكعبلت
.
والعصير اتدلق كله على العروسة
وياعيني فستان الفرح الابيض بقى فستان خطوبة احمر
.
ملحوظة
الفرح لسة في اوله
والمعازيم ...ايـــــه ....امم

اكتب يافطة على الفستان نداء الى كل معازيم الفرح دة فستان فرح ولونه ابيض اكرر فسان فرح ولونه ابيض

طب هتعمل ايه لو نفس البنت اللى جايبه الشربات فالفرح قبل ماتمسكه منها اخدت هى كوباية وعطت العروسه الكوباية التانية وانت العريس وواقف تتفرج؟

مروة رشوان كتب:: طب هتعمل ايه لو نفس البنت اللى جايبه الشربات فالفرح قبل ماتمسكه منها اخدت هى كوباية وعطت العروسه الكوباية التانية وانت العريس وواقف تتفرج؟

.
ساعتها هاعمل حاجة من اتنين :
,
يا اما انا اللي هاخلي فستان العوسة احمر........
.
يا اما
هانكز العروسة بكوعي
وبصوت خشن قوي
هاتي الكوبايية يا بت........
يابت هاتي الكوباية لا حسن اضربك بوكس اشوهلك وشك
.
طيب ... هاتعمل ايه اذا :
.
واحد زي ده عاكس خطيبتك قدامك
.
[ندعوك للتسجيل في المنتدى أو التعريف بنفسك لمعاينة هذه الصورة]
.
.
ملحوظة صغنونة
انت كنت راسملها انك فتوة الحتة ... وانك اللي بيوقف قدامك ..بيتشهد على روحة الاول
.
ملحوظة (مالهاش لازمة)
هي مسكت في ايدك ,.....
اضربة يا حنفي .... كسرة يا ميدو

اخيرا حد رد عليه انا متشكرة جدا ياستازمحمود انت حستنى انا كنت فاكرة ان محدش معترف بيه عضوة فالمنتدى دة

العفو يا اخت مروة كل عضو في المنتدى هنا له وزنه وله قيمته
والحمد لله كلنا هنا بنقدَّر بعض
بس انا رديت عليكي في 48 ساعة وانتي زعلانه
انتي بقى رديتي عليا في 120 ساعة
وياريت قلتي ايه اللي ممكن يحصل ( لاقدر الله لخطيبك ) لو بلدوزر زي ده وقف قدامه
.

قول يابني ..
والله كلنا هانموت

اكيد ياستاز محمود وقتها هيعمل ان نظره ضعيف ويفتكر انه شاف بنوتهوكمان يعاكسها ويركب عربيته ويجرى من غيرى هههههههههههههههههههههه Smile

طب لو حصل الموقف دة معاك هتعمل ايه؟

ليــــــــــه يامروة ...
هو انا زعلت حد في حاجة؟
.
دانا حتى بعد ماشفت الصورة ..بفكر ماخطبش خااااالص
.
هو ممكن اعمل حاجة من اتنين:
اما ( اتشهد على روحي واصلي ركعتين ) واقول للبنت... روحي يا بنتي ولو مارجعتش ...
محدش يدور عليا خااالص
واحاول ... وبكرر ... احاول ...اضربة
.
.

او اني (بعد ما ابصله - دا لو نظري ساعدني وقدر يشوف وشه اصلا-)
ابص لخطيبتي واضربها قلمين .. مش تحترمي نفسك
وانزل على ايدة ابوسها... احنا اسفين ياكبير

حاجة من اتنين اما زى ماقلت يااستاذ محمود يتشهد على روحه ويحاول

يتعلم فيه الضرب ، واما يجرى ويقولها ( جبان جبان بس اعيش ) وفى كلتا

الحالتين هيخسرها لانه طبعا لو ضرب التانى فهو رايح رايح ، ولو هرب اكيد هى

مش هتتجوز واحد جبان...

ياعني اكدب عليكي يا حنين واقولك ( اضربة)
هاتيلي طريقة ممكن اضربة بيها , وليكي عليا اعملها ((واقتله))
وبعدين على كلامك ده يبقى العروسة مستغنية عن العريس اصلا
ازاي وهي واضعة شرط اما يضربة ويموت ( وطبيعي هي مش هاتلحق تتجوزة اصلا) او يجري وبرضة مش هاتتجوزة
وبعدين نسيتي تحطي موقف
كده الموضوع ممكن يوقف

تعمل ايه لو كنت واقف مرة مع واحد صاحبك وعمال تشتم وتهزىء

على صاحبك التانى وفجأة لقيته قدامك ، مع العلم انك رغم تهزيئك ليه لكن

ماتحبش تخسره ابدا ..

لا الموقف هيبقى صعب بس ممكن اقولوا ان واحد تانى قال الكلام ده عليك وانا كنت بقولوا لصاحبه عشان يقولهولوا

طيب تعمل ايه لو كنت فى امتحان وبصيت فى الدرج لقيت ورقة مكتوب فيها الاجابات والمراقبة شافتك

آلاء القرآن كتب:

لا الموقف هيبقى صعب بس ممكن اقولوا ان واحد تانى قال الكلام ده عليك وانا كنت بقولوا لصاحبه عشان يقولهولوا

>
الفتنة اشد من القتل

.
هاعمل حاجة من اتنين:
اما هابلعها
واما هاعمل زي النجار اللي قعد في الدلاب مستني القطر يعدي
وهاقول للمراقب :
شوف انا لو قعدت احلفــلك للصبح ان الورقه دي مش بتاعتي مش هاتصدق

تخيل نفسك رحت رحلة صيد (( لوحدك))
وقررت المرة دي بالذات تصطاد اسود ( يعني ملوك الغابة -يعني وحوش مفترسة)
المهم ... اخدت بندقيتك ، وطلعت تصطاد
قابلك اسد كبيييييير .. وقلت هو ده ،،،،،، وابتديت تنشن
وهو يقرب وانت -قال يعني تقيل- مستني اللحظة المناسبة
وهو يقرب ...وانت مستعد ....وهو يقرب....يقرب....يقرب
لغاية ما بقى قصادك ... بتضغط على الزناد ..و
كليك ..... الرصاصة ما طلعتش .... اكتشفت ( اخيرا ) ان البندقية بايظة
احم ... من غير كدب ،،، اموت واعرف هاتعمل ايه
.
نسيت اقولك: الاسد ده ليه 3شهور و42 يوم 26 ساعة ماأكلش
ملحوظة اخري... الاسد ده متغاظ منك اصلا ، ولسه متخانق مع الاسده بتاعتة وعايز يثيتلها انه ملك

ههههههههههههههههههههههههه ايه ياستاز محمود اسد انا بخاف من الكلب يطلغلى اسد ههههههههههههههه اكيد هاعمل زى توم وجيرى واحفر الارض بايدى وتبقى بادى احسن من اسنانه Razz

مروة رشوان كتب:

انا بخاف من الكلب يطلعلى اسد

.
بتخافي من الاسد؟؟؟
ايه اسد دي ؟ يعني ايه اسد.....
دا حتى حيوان مفترس !! ,,, عادي يعني
دا انا كنت فاكرك هاتقولي . . : ارمي البندقية ،، واجري عليه واكتــِّفه ، واشيله على كتفي ، وربيه في البيت!!

.
بس فين الموقف ؟؟؟

.
.

تعمل ايه لو قعدت تود ناس وتسأل عليهم بس ديما تلاقى منهم الطناش وعدم التقدير؟؟؟؟؟؟؟؟؟؟؟

اكمل زى مانا واسال عنهم واودهم فلو مرددوش من نفسهم هيردو من رخامتى عليهم
طب تعمل /تعملى ايه لواتاخرت عن الشغل ورحت كويت ملابسك
بسرعه فحرقتهاورحت الشغل لقيت المدير واقف عالباب وبيبصلك النظرة اياها

هقوله معلش اصلى وانا ماشية فى كلب جرى ورايا وبعدين بقيوا كلبين وبعدين رجعت البيت ولما مشيوا جيت

طيب تعمل ايه لو واحدة صاحبتك بس تخيييييينة وراحت قعدت على ديسك(تختة)والديسك مرة واحدة راح مكسرو بيهاوالمنظر كان يفطس من الضحك

بس لو ضحكت هى هتزعل منك

هضحك طبعا
امال يعني اكتم في نفسي.. اتنقط... تحصلي حاجة واتشل
.....
تعمل ايه اذا....
كنت قاعد تضرب في تلميذ ( وطحنته) والواد خلاص هيخلص في ايدك
وفجأة .... دخل عليك وزير التعليم بنفسة .. ومعه لفيف من الاساتذة والوكالاء و........
ان ان اااااان تش

هقول اااااه الحقونى الواد ضربنى واضرب نفسى قلمين واخلى خدودى تحمر كده

وهوب اعمل نفسى اغمى عليا بس حاجة سهلة يعنى Twisted Evil

طيب تعمل ايه لو كان رقم واحد صاحب باباك اخره زى بتاع باباك وهو الراجل ده اتصل رحت رديت عليه وقعدت تغنيله بابا فين

ملحوظه نونو

انك لما باباك يتصل لازم تغنيله الاغنية كلها

ازاي الواد ضربك... وانتي ماسكه في ايدك كرباج
وصوت صريخ الولد واصل لاخر الشارع؟؟؟
....
..
اما بالنسة لموضوع التليفون
هسمعة الاغنية
ولو مش عايز يسمعها... هاكتبهاله في رساله
...
تعمل ايه لو ماشي في مكان ضلمة....
وطلعلك عفريت على شكل ذئب عيونه حمرا واسنانه كبيرة
ووراه مارد كبييير.... والناحية التانية فية جني على شكل عفريت
ملحوظة
هما لسة مقتولين حالا
وعايزين يخلصوا تارهم في اول حد يعدي
ولحسن الحظ طلعت انت.....

هقولهم يا جماعة اوعوا تفهموا صح

انا توى مقتول زيكم وعايزة انتقم زيكم بردوا واول ما يصدقونى اروح ماسك الموبايل ومشغل سورة البقرة بسسسس

طيب تعمل ايه لو كنت فى الحصة ال3 وجعان اوى والابلة صعبة اوى بس انتى بردوا اكلت وهى مرة واحدة بصت عليك وشافتك

(ملحوظة)الابلة كانت ضاربة واحد قبلك بخمس دقايق وهو بقى يعاند معاها يعنى عايزة تضرب اى حد

ايه ده يا آلاء انتى دايما بتدورى على الاكل حتى فى الحصص

عادى يا ستى هقولها يا ابلة ده السندويتش كان تحت الكتب فكنت احسبه باظ فدقته عشان اشوفه باظ ولا لا

طيب تعمل ايه لو كنت فى محاضرة وكنت عايز تنام خاااااااالص وانت قاعد فى البنش الأول فى النص والدكتور صعب اوووووى وللأسف مره واحده حطيت راسك ع البنش ونمت وصحيت ع صوت الدكتور انت يااللى نايم قدامى تعمل ايه؟؟؟؟؟؟؟ :

scratch:

هههههههه حلو موضوع سورة البقره ده ذكيه برده وده مش الطبيعى بتاعك يعنى

فتاة الإسلام كتب:

هههههههه حلو موضوع سورة البقره ده ذكيه برده وده ((مش الطبيعى بتاعك يعنى))

.
انا كنت بقول كده برضة
كنت فاكرك هاتقولي اطلع ساندويتش بدل ما اطلع التليفون
.

فتاة الإسلام كتب:

صحيت ع صوت الدكتور انت يااللى نايم قدامى تعمل ايه؟؟؟

.
هاعمل ميت
او هاعمل زي الفنانه شادية في فيلم الزوجة الــ13 واقوله:
ماما .. ماما
واجري عليه علشان اقتله
اكيد الطلبه هايخلصوه من ايدي
واكيد برضة هو هيقولي نام يبني وارتاح - تحب اجيبلك بطنيه؟
.
تعمل ايه لو كنت قاعد في مطعم شيك جدا
والاكل جالك .. ووقعت فية حاجات طائرة( لونها اسود)
وانت من النوع اللي بيقرف
وعايز ترجَّـع ..والدنيا زحمة ومش هتلحق نوصل للحمام
ملحوظة:
يا الاء الحاجات الطائرة كان منظرها مقرف جداااااا

هو بصراحه لو انا اتحطيت فى الموقف ده هعمل

نفسى مش شايفه واكمل الأكل وأكيد آلاء هتعمل

كده برده انا واثقه دى اختى وانا عارفاها

هتكملي اكل لغايه ماتوصلي للحاجة السوده؟؟؟؟
ممممممممم
طيب فين الموقف؟

بصراحه مش عارفه على حسب الأكل

طب تعمل ايه لو انك راكب قطر وقعد جمبك واحد مجنون وكل شويه يبص لك بصه غريبه والقطر زحمه اوى وانت من النوع اللى بيدوخ من القطر ومره واحده مسك فى هدومك وفضل يصوت هاااااااه

لالالالالالالا

حرام عليك يا استاذ محمود خليت بطنى قلبت

انا طبعا مش هقدر استحمل وهمسك اى شنطة من شنط صحابى وافتحها واعمل فيها اللى انا عايزاه بقى هو ده الحل الوحيد عندى هههه

اما بالنسبة لفتاة الاسلام

انا لو حصلى كده همسك انا كمان فى هدومها ونفضل نصرخ احنا الاتنين مع بعض هههههههه

طيب تعمل ايه لو كنت \كنتى انتى واصحابك بتلعبوا القطة العميه فى حوش المدرسة من ورا وانتى كنتى مغمية عيونك ومرة واحده مسكتى واحده فتحتى عيونك لقيتى نفسك ماسكة المديرة من هدومها؟؟؟؟؟؟؟

هتعمل ايييييييه

» فتوى مهمه اوى ...ياترى هتعمل بيها ..
» لعبه البطاطس
» لعبه المثل الشعبى
» لعبه التسامح وتصفيه النفوس!
» ايه رايكم لو نلعب مع بعض لعبه لذيذه خالص نرجع معاها لزمن الرسول