انا ما بصاحبش..........................

مع انتشار الصحوبيات والخروج عن الحدود والآداب فى علاقة الفتاة بالشاب ، كثيراً ما نرى مناظر مؤذية للنظر وتحزن النفس

وإن تكلمت ونصحت يبقى أنتِ معقدة ..أنتِ ما جربتش .. أنتِ ما تعرفيش
فعلاً ما جربت ومش هيحصل إلا مع نصيبى

وأنا ليه أغضب ربى وأقلل من نفسى فى نظرى وأخون أمانة أبى وأمى

وجدت هذة الخاطرة تحكى عن واقعنا المؤسف الذى نعايشه ونراه .. نسأل الله الثبات والهداية لبنات المسلمين

أيوه حقولها بأعلى صوتي

و حفضل أكرر فيها لحد موتي

و ميهمنيش يتقال عليا مغروره

أو بنت شايفه نفسها و منفوخه

ليا حق إني أرفع رأسي و على عفتي أبقى مسنودة

أيــــــوة أنـــــا مـــبـــــصــــاحــــبــــش

و مش مضايقة أو مخنوقة

وإياك تقول عليا مكبوتة

أو م المتعة محرومة

بالعكس ده من غيري محسودة

و من اللي بيفهموا مطلوبة

أنا بنت عشت و حعيش شريفة

و حيائي ليا ميزة

عالأخلاق حفضل ماسكة

و عالقيم دايما حكون ثابتة

أنا عشت و هعيش بعفتي و بيها حفضل فخورة

إيدي متمسكتش و عمرها ما هتبقى ممسوكة

انا جسمي عليا غالي

ميبانش إلا لحلالي

و عمري ما هفكر إني أخونه

أو أضيع حق من حقوقه

ده أنا بنت ناس طيبين

متعوب عليا كتير

مبعش نفسي بالرخيص

عشان حنيّه لوحدتي تكون تعويض

أو كلمة حلوة تخلي ثقتي ف نفسي تزيد

و كل ده لحد ميستاهلنيش

بس عايز يلعب بيا

و يضيّع وقت فراغه عليا

أنا أضحيله بنفسي وهو يبيعني و يجرح فيا

شخص استغلالي مليان انانية

أنا بالنسبة له هدف و غرضه الاستمتاع بيا

شغلته هي التحكم فيا

ماعاش اللي يفرض نفسه و سيطرته عليا

أنا روحي للمعصية أبيّه

الطاعه بالنسبة لي هي الحريه

أنـــا قـــلــــبـــي مـــلــــك ربـــــي

و ربـــي ده حـــبـــيـــب قـــلـــبـــي

فابعد عني يا ابني

و إياك تحاول تكسبني

ده أنا رضايا صعب الوصول

و النظر ليا ده شيء ممنوع

أما حبي بقى

فيحتاج حروب

وأوعى تفكر إنك عليا تلف و تدور

و تفضل تقول ف كلام معسول

لا لا

أنا مش من دول

أنا اللي احترامي جزء من كياني

أنا ربى علاني وقالك أوعى تلمس

ده!!

بص يا ابن الحلال أنا غير طريق بيتنا معرفش أوصف

و غير جوزي مبحبش

طريقي واحد مليش لغيره سبيل

يا حلال و ربي راضي

يا تشوفلك غيري وواضح كلامي

أنا قلت كل ده عشان عايزاك تحافظ عليا

ومتشوفنيش سهلة أو لحبك مستنية

صحح مفهومك أنا عن رضا ربي و حب النبي مش مستغنية

ياريت تقدر إن ضعفي ده قوة موجودة فيا

و حياتك مش حيكون ليها طعم إلا بيا

و عمرك ما حتعيش سعيد إلا برضا ربنا عليك و عليا

الخاطرة : منقولة

رائع يا راجية

بارك الله فيكى وجزاكى الله خيرا

رااائع بجد
ربنا يبارك فيكى
ويجعله فى ميزان حسناتك

رائع غاليتى راجيه
بارك الله فيكى
وجزاكى الله خير

زينب محمود الراوى كتب:: رائع يا راجية

بارك الله فيكى وجزاكى الله خيرا

الله يكرمك ويعزك

حنين كتب:: رااائع بجد
ربنا يبارك فيكى
ويجعله فى ميزان حسناتك

الله يبارك فيك

غاده ربيع كتب:: رائع غاليتى راجيه
بارك الله فيكى
وجزاكى الله خير

بارك الله فيك وجزاكى الله خيرا

أعفنا الله واياكى بعفة فاطمة بنت البنى صلى الله عليه وسلم

مشكورة يا غالية

جعلها الله فى ميزان حسناتك

أشكرك على الطرح حقا رااااائع

ــــــــــــــــــــــــــــ

حقا عفتى زمرة حياتى

بارك الله فيك دموع

جميلة جدا اختى راجية

بارك الله فيك

الله يبارك فيكى ايمان

حلوة جدا ياراجية بارك الله فيك وجزاك كل الخير

بارك ربي فيكي

ربنا يحفظنا جميعا من شياطين الانس والجن

بارك الله فيكن جنة الرحمن - تسنيم

رائعة جدا ياراجية ..

اللهم ثبت قلوبنا على دينك ..

حنين الى الاسلام كتب:: رائعة جدا ياراجية ..

اللهم ثبت قلوبنا على دينك ..

اللهمآمين شكرا لمرورك حنين

روعــــــــــة .. بارك الله فيكى يا راجية

فعلا اسعدتينا اخت راجية الحمد لله الدنيا لسه بخير
اللهم اغننا بحلالك عن حرامك وبفضلك عن من سواك
امين امين يارب العالمين

آمين يار ب العالمين
أسعدنى مروركم العطر اخواتى

( دعاء - عنيات )