يا ريت حد يجاوب بصراحة ويكون صادق

سلام عليكم ورحمة الله وبركاته ...

حبيت اسألكم اسئله وياليت الكل يجاوب عليها بكل صراحه ...

ويالله اخوتي ما اطول عليكم ... اترككم مع الأسئله ..

1_ هل انت تفعل ما تقوله هنا بالمنتدى ؟

2_ اعتذار تريد ان تقدمه لمن؟ _ ماذا ستكتب لنا لتعبر عن حياتك التي عشتها الى الان في كلمات قليله ؟

3_ اذا اردت ان تبكي الان , فعلى من تبكي؟

4_ من ستختار ليمسح دموعك ؟

5_لو خيروك بين حبيبك وبين اعز صديق فمن تختار ؟

6_ماهو تقييمك لهذا المنتدى بصراحه ؟

7_ من يسكن قلبك؟ هل هزمك حزنك في يوما من الايام؟

8_ ((مستحيل انساك)) لمن تقولها ؟

9_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها
_ متى اخر مره بكيت؟

10_ اي الدول تتمنى ان تزورها ؟

11_هل لديك الجرأه ان تقول عمرك أمامنا ؟

12_هل انت راضي عن نفسك ؟

13_بماذا تقر وتعترف أمامنا...ينين ؟

14_هل تؤيد الزواج العاطفي ام الزواج التقليدي ؟ ولماذا ؟

15_ايهما اهم شهادتك الجامعيه أم الزواج ممن تحب ؟

16_ هل من الممكن ان تتحول الصداقه الى حب ؟

17_هل تعترف بشيء اسمه الصداقه بين الرجل والمرأة ؟

18_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

19_هل انت مدمن تفكير؟

20_ من هو اكثر شخص تفكر فيه؟

21_ اذا تم تعيينك ملكا لجميع البلاد العربيه فما اول قرار ستتخذه ؟

22_هل تكره شخص بشده في حياتك ؟

23_ ما هو اقتراحك الذي تتمنى ان يحدث في هذا المنتدى ولم يحدث الى الان ؟

24_هل ملابس الشخص امامك تؤثر فيك لتأخذ عنه انطباع ؟؟

25_ماالذي يلفت انتباهك بسرعه في الشخص لكي تعجب به ؟

26_ اذا احببت شخصا في الوقت الخطأ وفي المكان الخطأ فماذا تفعل ؟؟

27_ حكمة تؤمن بها جدا؟؟

28_ عاده تفعلها دائما تتمنى ان تتركها ؟

29_ ماهو اجمل اسم لولد واجمل اسم لبنت من وجهة نظرك؟

30_ ماذا تفعل اول شيء اذا ربحت ملايينا او مليونا عشان مانكون طماعين؟

31_ هل انت من لديهم رغبة حب التملك واذا تملك الشيء اصابه الملل منه ؟

لو ربحت مليون ..

هشترى لاب ..توب.... وهحط عليه كم قرش واشترى عربيه مش لو معايا بقا يعنى احلم ها..

1- الحمد لله اللى بعمله فى المنتدى هو الكمبيوتر وحياتى كلها كده
2- اعتذر لرسول الله انا مقصر جدا فى حقه وفى حق ربنا -حياتى السابقة فى كلمات قليلة طيش شباب بس كده
3-على نفسى اكيد
4-اى شخص عارف ان تهمه مصلحتى
5-لو حبيبى دى رسول الله طبعا رسول الله اما لو حبيبى زوجتى اكيد هتكون زوجتى اما لو كان صديقى ده بيحبنى فعلا هيسامحنى واصلحه من ورا اللى خيرنى --هههههههههههه
6-هيتشهر وهيكبر كمان وكمان باذن الله
7-ربنا وحبيبى المصطفى واهلى طبعا والنادى الاهلى اكيد وفيه واحده هموت واتزوجها ادعولى ربنا يتمم على خير- ساعات بيهزمنى حزنى بس مش على طول بقوم تانى
8-بجد والله بقولها لربنا مش برسم دور التدين بس لربنا فعلا
9-اللى راح راح اقولها للبرامج اللى اتحذفت قبل كده منى - واخر مرة بكيت فيها كانت من ست شهور فى مرض والدى بس الحمد لله هو زى الفل دلوقتى
10-نفسى ازور النرويج محدش يضحك بس الطبيعه هناك متتوصفش مفيش شمس كتير ولون الخضره ملوش حل
11-22 سنه وتلات شهور عادى يعنى هتكسف من ايه
12-مش دايما بس ساعات ببقى راضى ومية فل و14
13-اعترف بانى مقصر فى حق ربنا وباذن الله بعدل من حاجات كتير غلط فى حياتى ادعولى ياجماعه بالله
14-الزواج التقليدى طبعا - لان الزواج المبنى على الاصول والحلال والاحترام بيجى وراه العاطفة والعشرة الكويسة وبيكون اكثر تماسكا من اللى مبنى على العاطفة ده رأيى الشخصى
15-الشهاده طبعا ما قلنا الزواج التقليدى هو الحل
16-استحاله طبعا الا لو كان حد من الطرفين من البداية نيته مش صداقة وعلى العموم اصلا مفيش صداقة بين ولد وبنت مفيش غير المعاملة الحسنة والزماله وبرضه استحاله الحب يتحول لصداقة
17-والله قلتها فوق حرام شرعا سواء اعترف ام لا اعترف
18-ادمر حياة شخص ياساتر يارب الحمد لله مفيش بس لما بزعل منه بختفى تماما منه
19-جدا جدا جدا جدا جدا جدا
20-على طول بفكر فى اهلى حاليا فى اللى نفسى اتزوجها
21-ان اتنازل عن الحكم فورا ياعم انا ناقص ربنا يسالنى يوم الحساب على حاجة مخدتش بالى منها
22-اه بصراحة
23-ان يكون فى موقع او مجله شهرية للمنتدى
24-مش دايما بتعكس الملابس شخصية الفرد بس باخد انطباع عام
25-ان يكون صريح وعارف رايح فين وجاى منين بكره المتردد
26-اصحح الوقت واصحح المكان فورا
27-لا تبكى على اللبن المسكوب يعنى اللى فات فات وفكر ازاى تخطط صح
28-مش بحب حد يكلمنى لما اصحى من النوم احب اخد نص ساعه كده مع نفسى افكر
29-اجمل اسم لولد بعيد عن اسماء الرسول بحب اسم صلاح اسم ابويا بقى
واسم لبنت بحب اسم خديجة جدا لان نادرا ما شفت حد بيسمى الاسم ده وفيه اسم تانى بحبه للانسانة اللى نفسى اتزوجها قريب هقوله باذن الله ادعولى بالله ادعولى
30-لو ربحت مليون باذن الله هخلى ابويا وامى وانا وزوجتى واخواتى نحج كلنا ولو فضل فلوس هبنى مسجد وسبيل كتير فى اماكن كتير علشان الصدقه الجارية تشتغل ولو فضل فلوس هعمل الشركة اللى نفسى فيها واشترى شقة لذيذة كده ولو فضل فلوس هشترى تليفزيون توشيبا ريجزا ال سى دى 34 بوصه ولو فضل فلوس هشترى عربية بى ام دابليو
31-لا التملك لا ربنا يبعدنا عن الصفه دى بس بطبيعتى بحب التجديد والتغير وبكره النمطية والتكرار
----------
اهو جاوبتك بكل صراحة بس المفروض انك برضه تجاوب كمان بكل صراحة

جزاكم الله تعالى خيرا كثيرا