2-موديول الويندوز(windows)تابعونا متجدد باستمرار - ادعولى

عذرا ياجماعه للتاخير فى طرح الموديول الاول

نبتدى على طول من غير مقدمات على بركة الله
هنبتدى مع بعض فى اول موديول فى كورس الرخصة الدولية وهو
windows(الويندوز)


اول صورة معانا هى صورة سطح المكتب يالا كده نشوف ايه موجود على سطح المكتب


[ندعوك للتسجيل في المنتدى أو التعريف بنفسك لمعاينة هذه الصورة]

قبل ما نشوف تانى صورة فى معلومة بسيطة جدا جدا
الماوس فيه زرارين واحد شمال والتانى يمين
الشمال -- لو رحنا بالماوس على ايقونة وضغطنا مرة واحده هنلاقى لون الايقونة بقى ازرق معنى كده انك حدد الايقونة يعنى عملت ليها select
اما لو ضغطنا على الايقونة مرتين ورا بعض على طول من غير ما تهز الماوس هتتفتح الايقونة وبنسميها Double click
اليمين -- ده فى كل حته فى الجهاز ايقونات وغير ايقونات لو ضغطنا عليه مرة بتظهر قائمة بتختلف القائمة دى باختلاف المكان اللى ضغط عليه

ثانى صورة ياجماعه هنتعلم فيها ازاى نسحب الايقونات ونحركها للمكان اللى عاوزينه


[ندعوك للتسجيل في المنتدى أو التعريف بنفسك لمعاينة هذه الصورة]


ممكن تحصل مشكلة وهى انكم متقدروش تعملوا السحب والافلات للايقونات وتلاقوها مش بتتحرك طاب الحل ايه ؟

ضغطنا كليك يمين فى حته فاضية على سطح المكتب وظهرت القائمة اللى فى الصورة اللى فاتت

[ندعوك للتسجيل في المنتدى أو التعريف بنفسك لمعاينة هذه الصورة]

بعد ما تتشال علامة الصح تقدر دلوقتى تعمل عمليه السحب والافلات للايقونات


نيجى للصورة اللى جاية دى ودى هنتعلم فيها باذن الله ازاى نرتب الايقونات ده لو حد فضل يسحب فى الايقونات ويرمى وخلى شكل سطح المكتب متبهدل ازاى بقى نرتب الايقونات كلها مرة واحده تعالوا نشوف
ضغطنا كليك يمين فى حته فاضية على سطح المكتب وظهرت القائمة اللى فى الصورة اللى فاتت
[ندعوك للتسجيل في المنتدى أو التعريف بنفسك لمعاينة هذه الصورة]



ضغطنا كليك يمين فى حته فاضية على سطح المكتب وظهرت القائمة اللى فى الصورة اللى فاتت

بصوا ياجماعه فى الصورة اللى فاتت دى زرار
refresh ده مهم بصراحة المفروض انت وشغال على طول تعملها تضغط كليك يمين على سطح المكتب ونختار refresh بتعمل تحديث او تنشيط او صحصحه لسطح المكتب

اما properties دى خصائص سطح المكتب فقط
طاب ليه بنقول فقط لان فيه خصائص للملفات والفولدرات ولجهاز الكمبيوتر والشبكة وحاجات تانى كتير
طاب ازاى اعرف الفرق بين كل دول
بسيطة ياسيدى انت لما بتضغط كليك يمين مش بتاخد بالك انت بتضغط فين اهو لو اخترنا مجلد وضغط كليك يمين يبقى هتلاقى من تحت
properties خاص بالفولد يعنى بتختلف باختلاف المكان اللى بتضغط عليه


تعالوا بقى نعرف خصائص سطح المكتب وايه ممكن اعمله منها يالا بينا نضغط علي
properties طبعا عارفين ان properties دى جايبنها لما ضغطنا كليك يمين فى حته فاضية على سطح المكتب تانى حته فاضية على سطح المكتب

[ندعوك للتسجيل في المنتدى أو التعريف بنفسك لمعاينة هذه الصورة]

نوضح بقى اللى فى الصورة اللى فاتت
اللى ظهر ده مربع حوارى يعنى داخله تحاور بينك وبين المربع بتاع الخصائص
جايبلك من فوق تبويبات او السنه -جمع لسان- مكتوب فيها من الشمال لليمين
Themes
مش هنشرحها دلوقتى بعد ما نشرح اللى بعدها كلهم لكن معناها كلنا عرفين ثيمات الموبايل
Desktop
خاص بخلفية سطح المكتب والايقونات بتاعته
Screen Saver
الشاشة الحافظة وبيسموها شاشة التوقف وهى من اسمها حافظة لانها بتوفر فى الطاقة بتاعت الجهاز
Appearance
المظهر بتاع سطح المكتب مش الخلفية لا المظهر العام يعنى شكل القوائم والنوافذ وشريط المهام
Setting
اعدادت سطح المكتب وخاص باسلوب العرض والالوان ودرجة وضوح الشاشه
متقلقوش هنشرح واحده واحده باذن الله وبعد ما نخلصهم هنرجع للثيمات اللى هى اول تبويب



نشرح بقى اللى فات فى الصورة
ضغطنا من فوق كلنا على تبويب
Desktop
وظهر اللى موجود فى الصورة ايه بقى اللى موجود ده ؟؟
اول حاجة ظاهرة شكل كمبيوتر ومن جوة الخلفية اللى اخترناها وده بمثابة معاينة للخلفيه قال يعنى ده شكلها هيكون على الحقيقة

بعدين فى قسم مكتوب فوقه
Background
ومن تحتها صور دول بقى الخلفيات اللى بيديهالك الجهاز وانت بتحدد -بتضغط تكة واحده - اى خلفية وفى المعاينة هتشوف شكلها - جوة الكمبيوتر الصغير من فوق - ولو عجبتك فيه تلات زراير من تحت تعالوا نشوف بيعملوا ايه واحده واحده

او زرار من الشمال لليمين
Ok
ده ياجماعه بعد ما تختار الخلفيه اللى ترتاح ليها بنضغط عليه وبيعمل حاجتين بعد تضغط اول حاجة بنفذ العملية اللى انت قومت بها وينزلك الخلفية اللى انت اخترها بالفعل على سطح المكتب والحاجة التانية اللى بيعملها انه بيقفلك المربع الحوارى بتاع خصائص سطح المكتب
يعنى روحة بلا رجعه ولو عاوز تغير تعيد نفس العمليه
اما زرار
cancel
ده لالغاء العملية اصلا يادار ما دخلك شر مش بيغير حاجة وبيقفلك المربع الحوار
اخر زرار
Apply
تطبيق
وده ياجماعه اولا بيتنشط ويبقى صالح للضغط لما تقوم باى عمليه داخل المربع الحوارى يعنى تختار اى خلفيه غير اللى انت اخترتها من الاول هتلاقيه على طول بقى نشط بيعمل ايه بقى؟
بيعمل حاجة واحده بيجرب الخلفية اللى انت اخترتها على سطح المكتب الاصلى بالفعل لكن مش بيقفل المربع الحوارى بتاع الخصائص ليه بقى لانه عارفك هترجع فى كلمتك وعارف انك متردد


طاب لو حبينا نحط صورة احنا عاوزينها صورة لفظ الجلالة مثلا آيه قرانية صورتك صورة منظر طبيعى ازاااااااااااااى ؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]

نشرح بقى العلامات الاربعه دول
1- زى ما قولنا لو عاوزتحط صورة موجوده على جهازك ومش عاوز تقتصر على الصور اللى الجهاز حاططهالك يبقى بنضغط على
browse
استعراض وملاحظين ياجماعه ان جمب browse فى نقط صغيرة معنى النقط دى ياجماعه ان لسه فى مربع حوارى هيظهر تانى غير ده وعلى فكرة اى حاجة فى الجهاز جمبها نقط زى كده برضه معناها ان فيه مربع حوارى هيظهر بعدا ما تضغط
شكله ايه بقى المربع الحوارى ده بصوا كده فى الصورة اللى جاية
[ندعوك للتسجيل في المنتدى أو التعريف بنفسك لمعاينة هذه الصورة]

نيجى بقى للى بعده وهو
position
وضع الخلفية يعنى وضعها ايه على سطح المكتب ولو ضغطنا على السهم الازرق اللى جمب كلمه stretch
هتنزل قائمة صغيرة بيسموها قائمة منسدلة فيها ايه القائمة دى؟
فيها تلات حاجات اول حاجة
stretch
امتداد يعنى بيخلى الخلفية ممتدة من الجوانب وبتملى سطح المكتب كله مشدوده على الجوانب يعنى
تانى حاجة
center
يعنى توسيط
يعنى بيصغر الخلفية ويخليها فى وسط الشاشه على سطح المكتب بصوا كده بعد ما تختاروها فى المعاينه عندكم الشكل هيبقى ازاى
تالت واخر حاجة
tile
تجانب يعنى بيضغرلك الصورة بس مش بيحطها فى وسط المكتب لا ده بيجيبلك نسخ تانى للصورة ويحطهم جمب بعض تجانب بقى هنعمل ايه

3- نيجى بقى لتالت حاجة وهى
color
لون
ولما نضغط على السهم الصغير اللى جمب اللون هتنزل برضه قائمة بس فيها الوان
المهم دلوقتى الوان ايه دى ؟
لما تختاروا فى
position
center
هنلاقى لون حول الصورة اللون ده بقى بنختاره من قائمة الاللوان اللى بتنزل من
color
4- اخر حاجة وهى
Customize Desktop
تخصيص سطح المكتب
ملاحظين ان جمبها فى نقط يبقى برضه هيظهر مربع حوارى تانى تعالوا نشوف شكله ايه وبيعمل ايه

[ندعوك للتسجيل في المنتدى أو التعريف بنفسك لمعاينة هذه الصورة]

نقول بقى اللى موجود فى الصورة
اول حاجة انا كتبتها وهى مش هنشرح غير general
لان web مش مهم لاغلب الناس بس اللى عاوزينه اشرحاله يطلب فى قسم الطلبات شرح تبويب الويب وانا باذن الله هشرحها فورا
1- اول حاجة ظاهرة ليكم فى اصورة وكاتب جمبها رقم واحد دى ياجماعه الايقونات الاساسية بتاعت سطح المكتب يعنى اللى بتيجى مع اى ويندوز وهما اربعه بس ظاهر ليكم تلاتة لان نسخة الويندوز عندى service back 3 ما علينا
ايه هما دول الاربع ايقونات الاساسية
*My Computer
*My Document
* My Network Places
* Internet Explorer
الاربعه دول هتلاقوا جمب كل واحده علامة صح اللى جمبها علامة صح يبقى هى ظاهرة على سطح المكتب واللى مش جمبها اكيد مش ظاهرة على سطح المكتب يعنى بكده انت ممكن تتحكم فى اظهار واخفاء الايقونات الاساسية

2- تانى حاجة فى الصورة عندكم ومكتوب جمبها رقم اثنين دى بقى شكل الايقونات الاساسية ومنها تقدر تغير شكل الايقونات الاساسية وبكرر تانى تقدر تغير شكل الايقونات الاساسية وده باختيار الايقونة اللى انت عاوز تغيرها وبعدين تضغط على زرار
change icon
وجمبها نقط يعنى هيظهر مربع حوارى فيه ايقونات تختار اللى تعجبك وهتلاقيها اتغيرت باذن الله
لو لقيت نفسك بوظت كل حاجة وعاوز ترجع كل حاجة مكانها فى زرار جمبه اسمه
restore default
يعنى بتستعيد الوضع الافتراضى او الاصلى وبطل لعب لما انت مش قد التغير

3- تالت حاجة فى الصورة وهى
desktop clean up
يعنى تنظيف سطح المكتب من الايقونات اللى مر عليها اكتر من 60 يوم ومتفتحتش متخافش مش بيحذفها بس بيعمل مجلد جديد على سطح المكتب وبيحطهالك فيه
لما تعمل التغييرات اللى انت عاوزها بتضغط على ok
وبترجع تانى للمربع الحوارى بتاع خلفية سطح المكتب
وبكده نكون خلصنا المربع الحوارى بتاع الخلفية بكل مشتملاته