عاوزين لحمه ؟

مجدي أيوب: إنخفاض أسعار اللحوم بقنا إلى 40 جنيهًا للكيلو

[ندعوك للتسجيل في المنتدى أو التعريف بنفسك لمعاينة هذه الصورة]

قنا في 17 يناير 2011م

أكد اللواء مجدي أيوب محافظ قنا

أن الأسواق المركزية بمركز دشنا والوقف بالمحافظة

شهدت إنخفاض ملحوظ في أسعار اللحوم البلدية

موضحا أن سعر الكيلو منها بلغ 40 جنيهًا بدلاً من 55 جنيهًا

مما يعد مؤشرًا إيجابيًا لجهود المحافظة في الحفاظ على استقرار الأسعار

وأضاف اللواء مجدي أيوب في تصريحات صحفية

أن أسعار اللحوم البلدية تراجعت نتيجة لخطة المحافظة

لمواجهة جشع الجزارين

من خلال توفير لحوم الدواجن بالمجمعات الإستهلاكية

للمواطنين بأسعار مُخفضة

وصل سعر الكيلو منها 12.5 جنيه

بجانب توفير إحتياجات المواطنين

من اللحوم الأثيوبية الطازجة بسعر 30 جنيها للكيلو

وإحكام الرقابة على الأسواق من خلال

الحملات التي تُنظمها مديرية الطب البيطرى

بالتعاون مع مديرية التموين

ومباحث التموين

مما ينعكس بالإيجاب على

أسعار اللحوم البلدية

بكافة مراكز المحافظة.

ربنا يسعدك ويبارك فيك يا أبا الحسن
يعنى دلوقتى بقيت تحب المحافظ يا حج خالد ههههههه
الدولة لازم تظبط حالها لأنها خايفة العدوى اللى فى تونس تصيب مصر ههههههه

طيب كويس خالص والبقية تاتى ربنا يهدى علينا

جزاك الله خيرا ياستازنا

ماتفرحيش يازينب ده بس طعم منهم علشان خايفين لعدوى تونس تتنقلهم

زى ابو عمر مابيقول ... اصبرى وشوفى هياخدوا الفلوس دى مننا ازاى ..

دول مابيعملوش حاجة لله ابدا .. وبعدين يعنى التخفيض ده فى شنا والوقف والمحافظة

بس ولا ايه ، امال ليه كيلو اللحمة فى قفط وصل 60 جنيه ...

ربنا يباركلك يااستاذ خالد ...

أبو عمر الأقصرى كتب:: ربنا يسعدك ويبارك فيك يا أبا الحسن
يعنى دلوقتى بقيت تحب المحافظ يا حج خالد ههههههه
الدولة لازم تظبط حالها لأنها خايفة العدوى اللى فى تونس تصيب مصر ههههههه

بارك الله فيك ياأبوعمروأشوفك عريس قريباً ونشوف اللحمه عندكم ههههههههههههه

بالنسبه للمحافظ والله أدعوعليه كل صباح حتى يعود لي حقي المسلوب

أما الخبر هذا للأمانه ولاأدخل علاقاتي الشخصيه في مثل هذه الأمور

شكراً على مرورك يازينب وإن شاء الله اللحمه ترخص عندكم

شكراً على مرورك ياحنين واللحمه في قفط غاليه علشان كلكم أغنياء

والآثار كتيره صح ولا لأ -- ويارب ماتصبنا عدوى من تونس

وتظل بلدنا أمن وأمان وسخاء ورخاء وسائر بلاد المسلمين

ويصلح حال حكامنا ويرزقهم الله البطانه الصالحه

التي تعينهم وتدلهم على الخير

ربنا يصلح حالنا وحاله جزاك الله خيرا

بارك الله فيكي وشكراً على مرورك ياأم علي

بارك الله فيك استاذ خالد على هذه الاخبار
وربنا يهديهم يارب كده على طول
جزاك الله خيرا استاذنا

بارك الله فيكي ياغاده

المهم أسعار اللحمه عندكم إيه في أسوان ؟

بارك الله فيك يا أستاذ خالد على هذه الأخبار

ويارب باقى السلع اسعارها تنزل وما تبقاش دى فتره

وبعد كده ترجع كل حاجه زى ماكانت فى أرتفاع

بس يا أستاذى مش معنى ان كل اللى فى قفط أغنياء وفيها آثار

تبقى الأسعار بالشكل ده عاوزين شويه رحمه

لا اطمن استاذنا احنا الحال عندنا زى عندكم
تمام يعنى

شكراً على مرورك ياشيماء وإن شاء الله هبلغهم

بارك الله فيكي ياغاده والحمد لله على كل حال

بارك الله فيك أستاذ خالد علي هذه الأخبار

ربنا يهدي الأمور

مبروك

عقبالنا يارب

استاذ خالد اسمح لى اطلق عليك لقب المبشر بالخير

لان هذا الخبر من اهم الاخبار التى ممكن ان تسعد الناس فى هذه الايام

ربنا يبارك فيكي ياأميره ويانفيسه

إن شاء الله بكره هيكون أحسن

من النهارده

عاوزين لحمة

عنوان رائع

بارك المولى فى حضرتك

الصراحة أحنا مربيين فراخ
(دجاج يعنى )
بلا لحم ولا وجع دماغة شغالين لحمة لحمة
خلاص الشعب تعب من كلاهم ده

يعنى الواحد مثلا يدفع ثمن اللحم 30ار40 جنيه طيب ممكن حد يقولى بقا الاكل هيعمل ازاى او هيدفعه ازاى

طيب بلاش دى غيرها هياكل اللحم كده من غير اى حاجة معها

دى كلام
يرضى ربنا يا جماعة

مش هقول غير

حسبنا الله ونعم الوكيل فى كل فرد ظالم

بقولها من كل قلبى

ربنا يرحمنا منهم

[ندعوك للتسجيل في المنتدى أو التعريف بنفسك لمعاينة هذه الصورة]
معلش طولت أستاذنا الفاضل

بارك الله فيك استاذ خالد
جزاك الله خير

جزاك الله خيرا

وبارك الله فيك

وأثابك الجنة
أخبار مبشرة وعقبال نجع حمادى

استاذا العزيز أ / خالد عندينا في قوص الجزارين بيلفوا بالميكروفونات علشان يقولوا ان اللحمة بقت بــ40 جنية
ربنا يفرجها كمان وكمان قولوا آمييين

يامسهل الحال يامحمد إن شاء الله ناكل عندكم لحمه في قوص

دموع تائبه ياريت تبعتي جوزين فراخ من عندكم مع إبن خالتك

شكراً على مروركم هيام هاشم وشعاع الحق ودموع تائبه ومحمد أبوالحمد

وربنا يرفع عنا الغلاء والمِحن والأمراض والكرب والفتن -آمين يارب

» إصطادوا لحمه بدل السمك
» عاوزين اخبار جديده
» عاوزين نغير اللمبة
» عاوزين محاضرات تربية اخلاقية ومراهقة ومشكلات
» سلطه سلطه يا مش عاوزين