رساله محمد علاء مبارك

وصلتنى هذة الرساله عبر الاميل وانها فعلا ابكتنى وألمتنى كثيراَ

وادعوا الله ان يرحم كل شهدائنا واطفالنا وان يلهم كل ذويهم الصبر وان يلتقون بهم فى الجنة امين امين
......................................
وجاء فيها : قد حاول صاحب الرساله كتابتها بهذه الطريقة لتوصيل وجهة نظر قد نتفق أو نختلف معها ، لكنها تستحق أن نتوقف أمامها قليلاً .

[ندعوك للتسجيل في المنتدى أو التعريف بنفسك لمعاينة هذه الصورة]

أزيك يا مامي ، وحشتيني قوي إنتي وبابي وأخويا الصغير وجدو وتيتة وعمو جمال وكل أصحابي . مصر كلها وحشتني ..
يامامي يوم 25 يناير أصحابي في الجنة نادولي وقالولي " تعالي بسرعة يامحمد في ناس من بلدك دخلوا الجنة " .. قولتلهم : مصريين ! قالوا : أيوة دول شهداء كمان يامحمد ...
جريت بسرعة معاهم أشوف الشهداء اللي من بلدي وأسلم عليهم وافتخر بيهم ، وكل يوم بيجي شهداء تانيين ولما كثروا قوي يا مامي وزادوا ووصلوا اكتر من 300 شهيد قلت لصحابي وانا فرحان : عارفين ده اكيد جدو بيقود مصر في حرب تانية علي اسرائيل أو أعداء تانيين ..
روحت يامامي وقعدت معاهم علشان يحكولي عن جدو القائد واللي بيعملة واسمع بطولاتهم ولما سألتهم : هي مصر بتحارب مين وأنتو استشهدتوا إزاي وفين ؟ وجدو كرمكم قبل ماتيجوا الجنة .. بصوا لبعض ومحدش رد !
سألت تاني : ردوا عليا مين قتلكوا ؟ واتقتلتوا برصاص إسرائيل ولا مين ؟ وجدو عمل إية في اللي قتلكوا ؟ ولما بكيت لأول مرة لان الجنة مافيهاش حزن .. قالولي : لا مش اسرائيل .. دة رصاص مصري يا محمد ،/ حراس جدك يا محمد هما اللي قتلونا ! .
لقتني مش فاهم حاجة ، صرخت وقلت : مش عاوز أسمع حاجة ، وجريت ورحت قعدت لوحدي ، لكن الشهداء جم وقالولي متبكيش يا محمد إنت ملكش ذنب وخدوني في حضنهم وطبطبوا عليا ، حسيت بدفا حضنك يا مامي وهما بيضموني في صدرهم ، رفعت رأسي وقلتلهم : إنتوا طيبين قوي.... قالولي : مش إحنا بس اللي طيبين ..ده كل المصرين طيبين .
يا مامي انا مش هاسأل حصل إية ولا عاوز اسمع حاجة ، لكن قولي لجدو أنا مش أغلي من أي واحد منهم عند أمه ، وزي ماحسيتي يوم ما أنا مت اوصفي له كل أم حاسة بأيه دلوقت ، وقولي له إنتي لأني أنا مخاصمه.... إزاي هان عليه كل الناس دي ومعملش حاجة للي قتلهم ؟!
قولي له لازم يبرد قلوب الامهات والابهات ..ده الابن غالي وانتي عارفة يا مامي ويا بابي ..قولوا لجدو إنة خلاص مبقاش ينفع يبقي رئيسها بعد اللي حصل ، جدو لازم يرتاح في بيتة ويسيب مصر لولادها هما أولي بيها وانا هادعي له ربنا يغفر له
، وقبل ما أخلص كلام يا مامي ..أهم حاجة والكلام دة لبابي وعمو جمال وجدو قبل ماتسبوها لولادها يديروها ، أوعي يكون يابابي في مالك إنت وعمو جمال وجدو حق لمصر وللمصرين وخدتة ، أوعوا يا بابي.... انا بحبكو ومقدرش اشوفكوا شايلين ذنب زي ده .. أوعوا يا بابي مال الشعب الطيب الغلبان الشقيان تاخدوه معاكوا تصرفوا وتعيشوا منة بقيت حياتكوا .
أوعي يا بابي أخويا الصغير يأكل ويعيش ويتربي بمال مش من حقة وفيه مصرين كتير مش لاقيين.
ساعتها تبقي كتبت عليا أفارق أخويا دنيا وأخرة لانة لازم يتربي بمال حلال عشان اقابلة يوم في الجنة .. وقول لجدو وتيتة وعمو جمال وطنط خديجة إن الجنة حلوة قوي ..أحلي من اي حاجة ، ولا أي مليارات مش حلال تستاهل يضحوا بالجنة عشانها ، ده ربنا بيسأل عن كل جنية كسبته إزاي وصرفتة في إيه ..
والسلام عليكم ياعيلتي اللي بحبها ..
والسلام تحية أهل الجنة .

ااه يا محمد

فعلا جميله

شكرا اختى مريم ومحمد

شكرا اختى راجية على مرورك الكريم

شكراً أختى وجزاك الله خير لكن الأولى عدم إظهار الشماتة فى أحد
ثانيا :- القصة تقول أن هؤلاء فى الجنة وهذا فى علم الغيب خصوصا هناك قتلى من غير المسلمين فهل فى الجنة؟
ثم هؤلاء لم يُقتلوا فى حرب مع الكفار فكيف لمسلم أن يقتل مسلم فيكون المقتول فى الجنة؟
ما معنى حديث " إذا التقى المسلمين بسيفيهما فالقاتل والمقتول فى النار ؟؟
ثم أخيرا نرجوا من الله أن يغفر لنا ولهم ولا نحكم على أحد بجنة أو نار وياريت مراجعة كلام العلماء فى المسألة دى
وجزاكم الله خيرا

استاذى الفاضل انت حكمت عليه بالشماته ويعلم الله انى لم ولن افكر فى ذلك مطلقاَ

ولا يشار ان كل الشهداء فى الجنه او ان غير المسلم فى الجنه

وهل كل مشايخنا وعلمائنا مثل الشيخ محمد حسان اكرمة الله قال عنهم شهداء وهم من ضمن فئات كثيرة للشهداء وليس الحرب فقط

(ولا تحسبن الذين قتلوا في سبيل الله أمواتا، بل أحياء عند ربهم يرزقون)،

وانا ارجوا أن يكونوا شهداء عند ربهم يرزقون

وجزاك الله خيرا

جزاك الله خير

جزاكى ربى خيراااااااااااااااا
[ندعوك للتسجيل في المنتدى أو التعريف بنفسك لمعاينة هذه الصورة]

وجزاكى اختى عاشقة المطر

مؤثرة جدا جدا

ولكن هل من مجيب ؟؟

بارك الله فيكِ اختي

وجزاك خيرا استاذ طه

» امتحان من الطالب علاء محمد علي محمد
» نموذج امتحان عملي مادة الفروق الفردية
» للطالب\علاء احمد محمد حامد
» امتحان الفروق الفردية من طرف علاء ممدوح فهمي محمد
» امتحان فروق فردية مقدم من علاء محمد حسين طه