احلى شاورمة فراخ

أولا : المقادير .........الكميات حسب العدد في الأسرة
فراخ مخلية
ثوم مفروم بحجم ملعقة شاي ( يعني يادوب يدي النكهة )
بصلة كبيرة
فلفل أخضر وممكن الوان لو فيه
طماطم
كاتشب حار , مايونيز
توابل كثيرة (عشان الريحة والنكهة كمان)
زيت مش كتير
لمونة , شوية خل
الطريقه
حتقطعي الفراخ لشرائح طولية رفيعة
وتجيبي التوم على جنب تحطيلو اللمون والخل والتوابل بقى (ملح ,فلفل ,بهارات ,ذرة جنزبيل , حبهان , شطة ............زي ما تحبي.
نتبل الفراخ بخلطة التوم وتسيبيهم كام ساعة ممكن من باليل لحد تاني يوم
وقبل ما تدخلي ع مرحلة الطهي حتقطعي كل الحاجات الباقية لشرائح طولية رفيعة كمان ( البصل , الفلفل , الطماطم )بس طبعا كل حاجة لوحدها
طاستك التيفال وياريت تكون عميقة عشان تاخدي راحتك في التقليب
نبدأ الأول نحط الزيت في الطاسة وبعديه على طول تحطي البصل وتقلبي لحد ما تبدأ تدبل وتصفر
" ياريت ما نحطش مع البصل اي توابل وقت التحمير عشان ما تتحرقش "
المهم اصفرت البصلة وبقت حلوة كدة نضع الفراخ وقلبي لحد ما لونها يتغير ويبقى ابيض وتشتد , حنقلب شوية على نار هادية لحد ما تستوي
حنحط الفلفل ونقلب شوية صغيرين كمان بس ماتسيبهوش يدبل ويفقد لونه الجميل
دلوقتي ممكن تضيفي حبة توابل تانية عشان تظبطيها ومعاهم رشة الكاتشب الحار وأخيرا حنحط الطماطم ونقلب تقليبتين لحد ما تتشوح بس ماتنزلش مايتها وتبدأ تتسبك اوعي !حتفقدي لون من الألوان
حضري طبقك اللي حتقدمي فيه وزوقيه بشوية بقدونس ومايونيز وحطي اكلتك الجميلة
وقدمي معاها البطاطس المحمرة وسلطة الطحينة
ممكن تقدميها سندوتشات في عيش (شامي) او تتاكل اكل .

تسلم ايدك مروة فعلا رائعة

السلام عليكم ورحمة الله وبركاته
شكرا على مرورك العطر اختى *شيماء ابو الحسن*
والأروع هو تعليقك اسأل الله ان يرزقكى الفردوس الأعلى (اللهم آمين)