سؤال محيرني لو حد عند إجابة

السادة اساتذة الكلية
السادة المعيدن
االاخوة المشرفين
وجدنا في بعض اللجان - وليس كلها - نوع من الارهاب النفسي علينا وكأننا طلاب ثانوية عامة وكأن مستقبل البلاد متوقف علينا مع العلم أنكم تعلمون أنها شهادة كمسوغ مع المؤهل يعني بالبلدي ختم على ورقة فإن كان كذلك فلما الاصرار على الشد والمحاضر يعنى حرام وغلط لو محتاج بداية عنصر والتفت بجانبي وأخذته من زميلي وفين اللي في البلد مش غلط يعني ندفع 750 كارنيه دا صح يعني نشتري كتب 420 جنيه دا صح يعني المفروض كلية تربية يكون فيها الجانب العملي مميز واللي مشفناهوش غير حبر على ورق دا صح يعن ويعني ويعني كتير نقول أيه بس البلد محتاجة ثورة تاني ثورة على الفساد االي في نفوسنا .. اختم موضوعي بموقف شاهد عليه كل الزملاء في لجنة 10 و 11 في مدرج كامل لغة عربية في مادة علم نفس النمو كان المراقب علينا دكتور قيل ان اسمه محمد ابراهيم ! بدأ اللجنة بمجموعة محاضر وحرمان وشد وارهاب وصوت عالي وكأننا في حرب أو كأننا بيننا تار أو كأننا أطفال ومن ضمن المحاضر كان محضر لأحدى الزمليلات في المدرج الذي بجانبنا وخرجت المسكينة وهي في حالة بكاء عالي وشديد ومتواصل تقريبا طولة فترة الامتحان لدرجة أنني والله العظيم أصابني صداع شديد من الألم النفسي وفقدت التركيز في الحل ورنا يستر وعندما تدخل بعض الأخوة الملاحظين للتأثير على السيد الدكتور قال وبنفس اللفظ ( دا لو نزل ربنا من السما مش هديها الورقة تاني ) .. لا إله إلا الله سبحانك إني كنت من الظالمين

ربنا يهدي الدكاترة ياأخى هما كويسين بس فيه حاجة خطأ . لازم يكون فى تعامل افضل من كدا بين الطالب والدكتور , فعلا احنا بنشعر فى الامتحانات بأن هناك عداء بيننا نحن الطلبة وبينهم . مع إن فى المحاضرات بيعاملونا كويس . هى ايه الحكاية ؟
و لكل الدكاترة من وجهة نظرى الشخصية إن نظام الامتحانات فى مصر نظام فاشل من الدرجة الاولى ويعتمد على الحفظ والتلقين وكأننا عبارة عن وعاء لتخزين حروف بجانب بعض ونفرغها فى الامتحان ثم ننساها . يعنى مثلا بعض الدكاترة بتقول ان التعريف لازم يكون التعريف دا مع اننا بنكون فاهمين مضمون التعريف ليه لازم يكون زى ما هو مكتوب بالضبط . دا كدا حفظ وتلقين . لكن لو احنا مش مضغوط علينا من الامتحان هنقرأ الكتب بدون ضغط نفسى وهنفهمها كلنا جيداً . لكن بالضغط واننا لازم نجاوب فى الامتحان ذى ما موجود فى الكتاب بدون مراعاة آرائنا ومناقشتنا فى قضايا التعليم , هذا تعليم فاااشل جدا جدا فى مصر . وإن شاء الله يتغير وياريت الدكاترة يقبلوا آراء الطلبة فى عملية تطوير نظام التعليم والامتحانات . والطلبة فكرهم راقى ومتحضر جدا جدا . نحن ليس فى حرب . واحنا نعى جدا مدى حرصهم على مصلحة الطالب ولكن لابد من التحاور والمناقشة بين الطالب والدكتور ومعرفة آرائه وفكره , لأن التعليم الجيد ابسط بكثير من هذا الذى يحدث . ولابد من حسن الظن بنا نحن الطلبة . فنحن نحترم الدكاترة رغم اعتراضنا على السياسة التعليمية فى مصر .

ربنا يهديهم علينا يارب وخصوصا الدكتور محسوب انا لغايه دلوقتى مرعوبه من المادة ربنا يستر
انا سمعت ان نسبة النجاح 20% فى مادة الدكتور محسوب هل هذا الكلام حقيقى ؟؟؟؟!!!!!
ياااااااااااااااااااارب وفقنا

فى سؤال محيرنى بجد
هل مادة قياس وتقويم مكمله لبعض ولا كل جزء منفصل عن الاخر
بمعنى اننا حلينا كويس فى مادة دكتور ياسر ممكن نعدى من المادة ككل ولا ممكن الدكتور محسوب يعملها معانا السنادى زى السنه اللى فاتت !!!!!
ياريت اللى يعرف يرد ضرورى لانى قلقانه من الموضوع ده

ربنا يستر علينا كلنا فى الماده دى

أعتقد ان يوم النتيجة هو يوم الحسم لذا علينا ان نستعد لمعركة طويلة بيننا وبينهمواقصد بها معركة النجاح والا فالاعتصامات هي سلاحنا ضد الظالمين الي ان ننجح

ربنا يستر بقى وينجح الجميعلا اله الا انت سبحانك انى كنت من الظالمين

اللهم امييييييييييييييييييييييين
بارك الله فيك يا استاذ/ خالد

السلام عليكم
زملائى الاعزاء انتو مش ملاحظيين حاجة ان الدكاترة بيعلمونا ازاى نعامل الطلبة ونوعيهم ......الخ وفى نفس الوقت هما مش بيطبقو الكلام اللى بيعلمهونا
فاقد الشئ لا يعيطه ايها السادة الافاضل

الى طلبة الدبلومة أجتهدوا قدر المستطاع وفوضوا امركم الى الله فالله قادر على خلقه وله جنودا لم تروها.


ارح نفسك من التدبير***فما قام به غيرك لك لا تقوم به انت لنفسك.



نسألكم الدعاء.

ليس من الشجاعة فى هذا المنتدى ان تحرمنى من اضافة اراء جديدة


وشكرا لكم

نشكر الأستاذ خالد على الرد وربنا يوفقكم لكن يا أستاذ خالد عايزين رأيك في الموقف اللي حاكيته في بداية الموضوع وبصراحة

ربنا يستر علينا وتوكلوا على الله ياجماعه ومتفكروش كتير فى اللى راح فكروا فى المادتين اللى جايين اهم

ان شاء الله خيرالله المستعان بس نتوكل على الله وربنا لايضيع اجر من احسن عملا *اللهم لا سهل الا ماجعلته سهلا وانت تجعل الحزن ان شات سهلا*

لله الامر من قبل ومن بعد
اللهم امنا وطمنا ونجحنا يااارب

على العموم يا زملائي قدر الله وما شاء فعل ولا يسعنا إلا أن نتوجه له بالدعاء فهو فوق الكل (ربنا إننا لا نسألك رد القضاء ولكن نسألك اللطف فيه ) فاللطف بنا وخلصنا مما نحن فيه وقدر لنا يا ربنا ما تراه فيه خير لنا ولأمتنا إلهي دعوناك كما أمرتنا فاستجب سبحانك لنا كما وعدتنا ... آمين يا رب العالمين

هو قال لو ربنا 0000مش هكمل لان الكلمة دى بتهز عرش اللة لاحول ولاقوة الا باللة على فكرة دفعت 3000 لاننى معهد واللهى بعت غويشة عرفين عندى33 سنة مش صغيرة والحمدللة مكافة شاملة حسبى اللة ونعم الوكيل

والله ما تستاهل 3000 جنيه يا دعاء ربنا يخلف عليكي بالحلال

استاذ عاطف حضرتك متاكد من الادكتور قال هذه اللفظة ؟

ومتاكدة ان اسمه محمد ابراهيم ؟

والله العظيم انا سمعتها بأذني لدرجة أنه شعر بالخطأ فقام اتردد بعد ذكر لفظ الجلالة وقال أأأ وعلىفكرة الموضوع كان محل تعليق كثير من الزملا وبعدين دا كان في مدرج كامل لجنة عشرة في المدرج اللي خلف الكافيتريا مباشرة الدور الأول وموضوع اني متأكد ان اسمه محمد ابراهيم فأنا سألت المعيدة الموجودة معنا في اللجنة وعلى فكرة هى من البحر الأحمر وقالت لي اسمه تقريبا محمد ابراهيم وسألتها طيب دكتور أيه قالت لي متعرفشي وعلى فكرة في آخر يوم انا شفته بيركن عربيته امام كلية تربية طفولة وكان متجه الى بابها وكان معاه احد الدكاترة اللي كان ايضا في لجنتنا يوم المناهج واصول التربية انا مش عارف اسمه لكن قال انه من كلية علوم

ياترى هيكون هناك رد فعل من الجامعة

لو سمحت يا استاذ خالد عاوز اعرف تقسيم درجات كل مادة للدبلومة العامة سنة تانية نظرى و عملى وكل مادة على حدة لو امكن.ولك جزيل الشكر

هذا الفاسق الذي تجرأ علي الله لابد من وقفة عن العمل والا سوف ننظم مظاهرة ضخمة لاقالتة

احنا لو في وجه بحري كان الوضع اختلف وكان الموضوع خلص من ساعة الخروج من اللجنة مباشرة دا عشان الغيرة والحمية لكن احنا الصعايدة دايما سايبين الأمور على الله واهم حاجة ان احنا عايشين والحمد لله والدليل على ذلك ان شهداء الثورة كلهم من وجه بحري وحتى لو في صعايدة هيكونوا استشهدوا في وجه بحري لكن احنا ننتظر الأحداث مثلنا مثل باقي الدول عايزين نفوق بقا !!!!!!!!!

ياريت اى حد يدخل على موضوع ميتكلمش فى اى حاجة تانى غيرة . وبالنسبة للدكتور الفاضل الذى من المفترض ان يكون قدوة لنافلا بد للجامعة ان توقفه عن العمل لانه لا يصلح له.

لو سمحتي يا أخت أميرة تبلغي أسفنا جميعاللأخت الفاضلة لأننا قصرنا في حقها أولا وفي حق أنفسنا ثانية لأنها كانت محتاجة وقفة في ساعتها وأنا أول المقصرين لكنها ثقافة الخوف والحرص على المصلحة التي تعودنا عليها وعلى فكرة يعلم ربي أني كنت فاقد التفكير والتصرف وفاقد كلي شيء من الانسانية وإلا وفي ظروفنا هذا لكان كل فرد وقف عند حده !!!

ايها الاخوة والاخوات لابد من وقفة حاسمة وحازمة وقاصمة ضد كل من تسول له نفسه بأهانة احد منا
ولابد من الاعتصامات والاضرابات حتي ننجح كلنا

السلام عليكم فعلا لابد من وقفة على الظلم وعلى الظااااااااااااااااااااااااالم ومحدش يسيب حقه لو كان مظلوم او احد من الدكاترة ظلموه
الساكت عن الحق شيطان اخرس
للاسف معظم الصعايدة سااااااااكتيييييييييين وانا اسفه انى بقول كده

كل عام وأنتم بخير بمناسبة شهر رمضان وربنا يتقبل منا جمعيا صلاتنا وصيامنا وقيامنا وربنا يهد كل ظالم وكل من تسول له نفسه بايذاء مصرنا العزيزة