صينية الرقاق باللحمة المفرومة

[ندعوك للتسجيل في المنتدى أو التعريف بنفسك لمعاينة هذه الصورة]

رقاق باللحمة المفرومة

المقادير:
1/ 2 كيلو رقاق
1/ 2 كيلو لحمة مفرومة معصّجة
شوربة لحمة ساخنة
سمنة أو زبدة
ملح وفلفل

الطريقة:
1- ادهني الصينية بالسمنة أو الزبدة على حسب الرغبة، وبعد كده اسقي الرقاق بالشوربة علشان يطرى، وابدئي في رصّ نصف كمية الرقاق في الصينية.

2- بعد كده افردي كمية اللحمة المعصجة على الرقاق، وبعدين رصّي باقي كمية الرقاق بعد ما تسقيهم بالشوربة، وادهني سطح الرقاق بكمية بسيطة من السمن أو الزبدة.

3- دخّلي الصينية في فرن ساخن، وبعد شوية قللي درجة الحرارة عليه، وسيبيه لغاية ما الوش يحمرّ، وبعد كده طلّعيه من الفرن، وسيبيه يبرد شوية، وبعدين قطّعيه وقدّميه.. وبالهنا والشفا