قصة طريفة

إذا كنت فأراً فلا تكن بقرة

كان اللعاب يسيل من فم الفأر، وهو يتجسس على صاحب المزرعة وزوجته

وهما يفتحان صندوقا أنيقا، ويمنِّي نفسه بأكله شهية

لأنه حسب أن الصندوق يحوي طعاما

ولكن فكه سقط حتى لامس بطنه بعد أن رآهما يخرجان مصيدة للفئران من الصندوق

واندفع الفأر كالمجنون في أرجاء المزرعة وهو يصيح

لقد جاؤوا بمصيدة الفئران يا ويلنا

هنا صاحت الدجاجة محتجة

اسمع يا فرفور المصيدة هذه مشكلتك انت فلا تزعجنا بصياحك وعويلك
فتوجه الفأر إلى الخروفالحذر، الحذر ففي البيت مصيدة

فابتسم الخروف وقاليا جبان يا رعديد، لماذا تمارس السرقة والتخريب طالما أنك تخشى العواقبثم إنك المقصود بالمصيدة فلا توجع رؤوسنا بصراخك، وأنصحك بالكف عن سرقة الطعام وقرض الحبال والأخشاب

هنا لم يجد الفأر مناصا من الاستنجاد بالبقرة التي قالت له باستخفاف

يا خراشي
... في بيتنا مصيدة
! ! يبدو أنهم يريدون اصطياد الأبقار بهاهل أطلب اللجوء السياسي في حديقة الحيوان؟
عندئذ أدرك الفأر أن سعد زغلول كان على حق عندما قال مقولته الشهيرة

" مفيش فايده"
وقرر أن يتدبر أمر نفسه

وواصل التجسس على المزارع حتى عرف موضع المصيدة، ونام بعدها قرير العين

بعد أن قرر الابتعاد من مكمن الخطر

وفجأة شق سكون الليل صوت المصيدة وهي تنطبق على فريسة

وهرع الفأر إلى حيث المصيدة ليرى

ثعبانا يتلوى بعد أن أمسكت المصيدة بذيله
ثم جاءت زوجة المزارعوبسبب الظلام حسبت أن الفأر

"راح فيها"

وأمسكت بالمصيدة فعضها الثعبانفذهب بها زوجها على الفور إلى المستشفى حيث تلقت إسعافات أولية، وعادت إلى البيت وهي تعاني من ارتفاع في درجة الحرارة.

وبالطبع فإن الشخص المسموم بحاجة إلى سوائل، ويستحسن أن يتناول الشوربة

(ماجي لا تنفع في مثل هذه الحالات)وهكذا قام المزارع بذبح الدجاجة

وصنع منها حساء لزوجته المحمومة

وتدفق الأهل والجيران لتفقد أحوالها، فكان لابد من ذبح الخروف لإطعامهم

ولكن الزوجة المسكينة توفيت بعد صراع مع السموم دام عدة أيام

وجاء المعزون بالمئات واضطر المزارع إلى ذبح بقرته لتوفير الطعام لهمإذا كان

" فهمك تقيل"

فإنني أذكرك بأن الحيوان الوحيد الذي بقي على قيد الحياة هو الفأر

الذي كان مستهدفا بالمصيدة

وكان الوحيد الذي استشعر الخطر

... ثم فكر في أمر من يحسبون انهم بعيدون عن المصيدة وأن

"الشر بره وبعيد"

فلا يستشعرون الخطر بل يستخفون بمخاوف الفأرالذي يعرف بالغريزة والتجربة أن ضحايا المصيدة

قد يكونون أكثر مما تتصورون

:: في الختام تذكر ::

,, حتى لو كـانت المشكـله التي تحدث قريباً منك لاتعنيـك فلا تستخف بهـا لآن من الممكن آن تؤثر عليك نتائجها لاحقـا ومن الآولى ان تقف مع صديقك عند الحاجه وكآنها مشاكلك ,,

منقول

السلام عليكم ورحمة الله وبركاته

مشكووووووووووووووووور ورائع ياأبوجمعة

شكرا يا أ/ عبد اللفتاح

والله نورت المنتدى والموضوع

وبارك الله فيك يا أستاذ محمد

ومتنساش اللي وعدتني بيه

مشكووووووووور استاذ عبد الفتاح على الموضوع الرائع

السلام عليكم ورحمة الله وبركاته

والله ياعبدالفتاح أنا قرأت الموضوع مرة تاني دلوقت في هدوء وتركيز

الله على خفة ظلك والله الشعب المصري شعب جميل وعظيم في أشد المحن

يقول النكت وكل ما أستطيع قوله على الفأر وزملاؤه المتغطرسين

يوضع سره في أضعف خلقه { وحب لأخيك ماتحبه لنفسك }

ههههههههههههههههههههههههه
موضوع جميل يا استاذ عبدالفتاح
وشكرا خالص بتطلعنا من جو الدبلومة

ماشا الله عليك يا أستاذ عبده

والله خفة دمك تنسي الواحد همو

بالله عليك ما تبخل علينا انا عارف انك كل يوم عالمنتدي بالليل

بس ياريت نتقابل بكرة

انا اللى صعبان على فى الليله دى

الخروف والبقره والفرخه

لاكن الفارالنص شبر ده ايه فايدته فى الحياه

ايه ياسى عبده الكلام الجميل ده

ايوه كده ياعم ضحكنا كمان وكمان وسيبنا من المذاكره فى اليومين الزنقة

وباعدين ياهابى انت متعرفيش انى الحاجه الى فيها فايدة هى الى بتروح والحاجة الى مالهاش فايدة هى الى بتفضل موجودة

بس فى حد ناقص
الأسد 00000000 لم يقل له ويلك000ويلك0000 ويلك

ممكن بعد إذنك يا إلهام توضحي انت تقصدي ايه بكلامك

اقتباس :: الحاجه الى فيها فايدة هى الى بتروح والحاجة الى مالهاش فايدة هى الى بتفضل موجودة

السلام عليكم ورحمة الله وبركاته

أنا زعلان منك ياهابي وزعلان من عبدالفتاح وإلهام ومحمد أحمد علشان

مردوش على كلامك شوفي كلامك : -------------
{انا اللى صعبان على فى الليله دى الخروف والبقره والفرخه }

* ياهايي : وماصعبش عليكي زوجة الراجل إلي الثعبان أكلها أصدي

سممها وماتت والراجل دلوقت آعد لوحده من غير واحدة تنكد عليه

زعلك على رأسى ياباشا بس هو انت صعبان عليك الست الى ماتت ولا الراجل الى قاعد من غير نكد000000 بس ماتقلقش النكد وراه 00 وراه

بالنسبه للأخ محمد اذا كنت تقصد الكلام على القصة ففعلآ ادبح الخروف والفرخة والبقرة الى فيهم الفايدة للفلاح واتفضل الفار الى مالهوش اى لازمة

اما اذا كنت تقصدنى انا فدى حاجة فى نفس يعقوب

خالد السيد كتب:: السلام عليكم ورحمة الله وبركاته

أنا زعلان منك ياهابي وزعلان من عبدالفتاح وإلهام ومحمد أحمد علشان

مردوش على كلامك شوفي كلامك : -------------
{انا اللى صعبان على فى الليله دى الخروف والبقره والفرخه }

* ياهايي : وماصعبش عليكي زوجة الراجل إلي الثعبان أكلها أصدي

سممها وماتت والراجل دلوقت آعد لوحده من غير واحدة تنكد عليه

لالالا انا فرحتله والله هيعيش من غير هات وجيب ومفيش خالص خد

بس ممكن كانت تقولله خد بس خد رجع الحاجه الوحشه اللى جايبها صح ولا انا غلطانه

وبعدين دول بنستفاد منهم هى مهمتها ايه فى الحياه هههههههههههه

مع العلم انى بحب الفران خالص ومابخفش منهم وبحب شكلهم

فأكيد هزعل عليهم

{هزار طبعا دى البنات دى الكل فى الكل}

حرام عليك ياهابي متورطنيش في انا مقلتوش ولا حتى يخطر ببالي

وبعدين انا بجد مفهمتش الهام بكلامها

والله انت عزيزة علينا خاااالص والحمد لله ان لقيت اخوات لي بالمنتدى بعد زواج اختاي

هو انا ورطت حضرتك لا كده ظلم

والله ما اقصد

والله وانا بهزر وحضرتك ما قولتش حاجه تزعل

السلام عليكم ورحمة الله وبركاته

ياجماعة هوعبد الفتاح راح فين أكيد ركب الفار وشرخ

عبدالفتاح ضحك علينا كلنا كتب قصته ولهانا فيها وخلع

راح يذاكر -- ياله راحت دبلومتك ياخالد -- عليه العوض

الدبلومة ضيعت من ولادي سفرية إسكندرية لاحول ولاقوة إلابالله

يا أستاذ خالد كل اللي اقدر أقولهولك عن عبده

انو قرر بعد امتحانات الدبلومة انو عازم على قضاء راحة سلبية بالاسكندرية لمدة 7 أيام

وطبعا انا مش هسيبه فانت اييييييييييييه رأيك

السلام عليكم

ايه ياااااااااا اخ محمد لما هو رايح اسكندرية وانت مش هتسيبه وكمان بتغوى الكبير بتاعنا هتبقى راحة سلبية اذاااااااااااااى

يا سلام على الناس Rolling Eyes

اما انا ياغلبانة لسه بفكر وبحضر شنطتى والذاد والذواد واطلع على قناااااااااااا Sleep

تروحي وترجعي بألف ألف سلامة وموفقة بإذن المولي انت وأنا والجميع بإذن الله

و‘ن شاء الله يكتبلنا السلامة والنجاه من المرحلة دي

عارفه يا إلهام انا مقدرش ازعلك لانك ضمن المجموعة المتميزه بالمنتدى

واللي اتوصى عليها جامد

والله وما تحملي هم وهسمع خبر نجاحك قريب انت والطلبة جميعا ان شاء الله

وأولهم الأستاذ خالد .... اللي بيقول ان دبلومتو راحت

ههههههههههههههههههههه

الحمد لله بتذاكرو وشايلين الهم زيكم زينا

علشان تعرفو الامتحانات وذل الامتحانات وقرف الامتحانات

اما انا فالوحيده اللى هنا واخده اجازه وبلا فخر

استر يا رب متوصى عليه بإيه بالظبط

وباعدين انا خايفه قبل ماتسمع خبر نجاحى تسمع خبرى فى الأيام الى مالهاش اخر دى لإنى بمجرد ما امشى من جنب بابا واخواتى هأحس بأحساس تانى خالص

وباعدين ياهابى ياروح قلبى متقريش على نفسك ده يوم لك ويوم عليك واحنا مرينا بالمراحل دى كتير قبل كده عقبال ماتمرى بيها يارب ويكون حظك احسن من حظنا انشاء الله وربنا ينجحنا جميعآ

السلام عليكم ورحمة الله وبركاته

طبعاً يا محمد إسكندرية دي حبيبتي عروس البحر الأبيض المتوسط

وكان نفسي أكون هناك الوقت إلي هتروح فيه إنت وعبده ولكن

للاسف أنا مش هسافر إلا في نصف رمضان علشان أحضر

فرح أُختي في العيد على فكرة ياإلهام هو محمد مُش بيغويني

لإن هناك هو وضعي الطبيعي أنا عايش في قنا من 12 سنة

ولكن أنا من محافظة البحيرة وبيني وبين إسكندرية 50 كم فقط

وطبعاً الوالد والوالدة وإخواتي وأصحابي كلهم في البحيرة وإسكندرية

يعني سكنت هنا بس لظروف عمي وهو والد زوجتي رحمة الله عليه

بسبب مرضه وعلشان ماأحرمهوش من بنته وبعدين أخدت على الحر

ونمت في قنا وخلاص --

والنبي ياجماعة سلمولي على هابي علشان مُش بكلمها affraid

احم احم احم ليه بس كده يا بابا خالد

انا عملتلك حاجه علشان متكلمنيش

اممممممممممممم اوك الهام انا مش هتكلم تانى

علشان كلها شهرين وهتفرحوا فى

يلا ادعولى بقى انى اجيب مجموع كويس فى الثانويه

انشاء الله وباذن الله هتجيبى مجموع كويس جدآ يدخلك الكلية الى بتتمنيها

لإنى الى ذيك ياروح قلبى لازم يجيب مجموع كبيييييييييييير

ههههههههههههههه لالا مش شرط

ده انتوا فاهمينى وفاهمين اللى زى غلط خالص ههههههه

ربنا يخليكى يا قمرى والله

الظاهر الواحد كان في غيبوبة مش في دبلومة ..... الدنيا اتغيرت كتير وانا في
الغيبوبة ..... عندي يقين بالله بالنجاح والتوفيق للجميع
ربنا يباركلك يا محمد انت والأستاذ خالد والأستاذة رغد والأستاذه إلــــــــهام
والجوهره الصغيرة ( هابــــــــي ) اللي دايما تفكرني بالفيضان ( الخير طبعا )

السلام عليكم ورحمة الله وبركاته

والله ياعبد الفتاح لوخيروني إنت تنجح ولا عبدالفتاح والله بلا أي تردد

أو أي تفكير هقول عبدالفتاح { هو ده الحب في الله

والله

المنتدى اتغير كتير لما الدبلومه خلصت

للاحسن للاوحش مش عارف

بس حمدالله على سلامتكم من الدبلومه

وانا هابدا دروسى يوم السبت ومش هتشوفونى غير قليل

دعويكم معاى

لا الاه الا الله يا جماعه

ربنا يكرمك يا هابى دريم ويارب متغيبش خالص وشدى حيلك فى الدروس اهو زى ما انت شايفه الثانوية العامة والتنسيق السنه دى عمل ايه فى الطلبه ربنا يكرمك ويعزك بالاسلام كمان وكمان

السلام عليكم ورحمة الله وبركاته

والله ياهابي إنتي محسساني إننا في شهر مارس وبنستعد لإمتحانات آخر العام

ياماما الأجازة إتعملت علشان الطالب يستريح والمخ وجميع اعضاء الجسم

يستريح والعام الدراسي أصلاً طويل والله الموضوع ده الإستعداد من بداية شهر

أغسطس أصبحت موضة منتشرة في مصر والسبب للأسف الآباء فاكرين المخ

ده أو العقل مثل برميل الطرشي عبي فيه وخلاص وفي النهاية عندما يقترب

الطالب من إمتحانات نهاية العام يُصاب بالملل وتتوتر أعصابه والكثير منهم

يُصاب بأمراض نفسية وده كله والله بسبب ضغط الآباء على أبنائهم

على فكرة ياهابي الموضوع ده لااقصدك به تحديداً ولكن هو لفت نظري

من فترة ومن كلامك دائماً الثانوي وأجيب مجموع لدرجة انني تخيلت إنك

داخلة ثانية ثانوي والمفاجأة لما عرفت إنك كنتي في تالتة إعدادي طيب ليه

الشد العصبي ده -- طبعاً كل واحد حُر في نفسه ولكني إن شاء الله لن أتبع

هذا الإسلوب مع أبنائي وسوف أتركهم يستمتعوا بكل يوم في أجازتهم مع

تعليمهم العبادات والسلوكيات وحفظ القرآن وربنا يوفقك ويوفقنا جميعاً

اولا متشكره جداا جداا استاذ محمد صلاح ربنا يباركلك يا رب

وان شاء الله تجيب تقدير امتياز

ثانيا

يا استاذى الفاضل انا هابتدى دروس بكره

يعنى فيه وقت هيضيع فى الدرس وفى المراجعه على اللى اخدته وفى الواجب

فهيبقى دخولى محدود

وعلى فكره اولى ثانويه بالنسبالى متعبه علشان هاخد فيها

مواد العلمى ومواد الادبى

وانا مبحبش الادبى علشان مش حفيظه

اما الشد العصبى اللى انا فيه ده علشان انا نفسى

نفسى وامنيه حياتى ادخل كليه طب او صيدله او هندسه

التلاته دول هم اللى بفكر فيهم

واللى بيبتدى قوى ويراجع اول باول عمره ما هيضعف بعدين

بالعكس لو ابتديت باستهتار من اول يوم فى الدرس حتى مش فى الدراسه

هاتعب بعدين ان الم المنهج واذاكر اللى فاتنى

ولا ايه

وفى النهايه كل شئ نصيب

ايه هابى ياحبيبى مكبره الموضوع ليه

ان شاء الله ربنا هيكرمك وتدخلى كلية الطب ان شاء الله

واعتبريها ذى اى سنه دراسيه وكل الى عليكى انك تجتهدى

ان الله لا يضيع اجر من احسن عمله

ومعلش سامحينى يا روحى شفت رسالتك متأخره بس هى الامتحانات كانت واخدانى شويه ولما رجعت البيت لقيت الدنيا متلخبطه فبظبط شويه

ومتقلقيش ربنا ان شاء الله هيكرمك

احم 00000 احم

ياكبييييييييير اذيك

صور حسن وحسين مش راضيه توصل كل ما افتح الرابط

بيقول غير متوفر

بالنسبه لضغطى الحمدلله

وربنا يستر سلامى ليك ولحبايبى حسن وحسين ومامتهم

وساره ودالياوعاطف واحمد سلامه ومحمد صلاح وعبد الفتاح وراجة الجنه

وجهاد وخادمة القرآن والريقى هااااااااااه مين تانى سلام يا احلى منتدى

سلامك وصل يا أستاذه داليا .... لكن قوليلي انت كل بتوضبي البيت
( ليه هو البيت الأبيض ) ههههههههه
أما بالنسبة لهابـــــــــــي ربنا يوفقك وتذكري
( ضع الهدف نصب عينيك واسع إليه )
الشد العصبي آخرته توليد أخطاء مش أكتر وحاولي هدفك يكون واحد
ومتخليش المجموع هو اللي يتحكم فيك كعادة المصريين
وربنا يكتبلك النجاح والتوفيق .....
يا أستاذ خالد لو خيروني تنحج انت ولا الأستاذ خالد .... أكيد الرد مش محتاج
تفكير نهائيا ......
هقول أنحج أنا طبعا علشان الأستاذ خال متعين وأنا لسه عالبر ( ههههههههه)
والله أنا مش أفديك بالنجاح ...
لو طلبت عيوني هتنازل لك عن واحده علشان أطبش بالتانية (ههههههه)
ونورت الموضوع يا أستاذ محمد صلاح .........

اوكيه ياعبد الفتاح

انا الهام مش داليا

وعمومآ داليا اختى وحبيبة قلبى

وهاسمحك عشان الصوره المنوره الشات

وبيتنا البيت الابيض والاحمر والاخضر وكل الالوان الى فى الدنيا

السلام عليكم ورحمة الله وبركاته

معلهش ياإلهام عبدالفتاح لم يراكي علشان خلع عينه ليه شوفي الحب

والنعمة زوجتي لو سمعت كلامك تعملي مشكلة كانت تغير إن فيه

حد بيحبني كده ولكن ألف سلامة على عيونك ياعبده وربنا ينورهالك

دائماً -- أما إلهام وداليا وسارة والله مافاهم منكم حاجة يعني الملف

وصل وشوفتي كل الصور بما فيهم صوري مع الدكتور ياسر والزملاء

إذا كان آه تبقى حاجة غريبة لأن ملف الولاد كان مضغوط معاهم فإذا

كان صور حسن وحسين بس هما إلي فيهم المشكلة تبقى سهلة أبعتهم

لوحدهم على إميلك لأنهم أخف وزن من الصور التانية خلاص

بالنسبة لهابي دريم أنا أتمنى تكوني أحسن دكتورة في الدنيا كلها

وربنا يوفقك إن شاء الله

elhammohamedali كتب:: اوكيه ياعبد الفتاح

انا الهام مش داليا

وعمومآ داليا اختى وحبيبة قلبى

وهاسمحك عشان الصوره المنوره الشات

وبيتنا البيت الابيض والاحمر والاخضر وكل الالوان الى فى الدنيا

تصوري يا إلهام كتبت الرد وقريته وأنا مفكر إن أنا كاتب إلهام وطلعت في الآخر داليا
بس الحمد لله العملية في بيتها والكومندا طلعني من المطب الصناعي
والله مقدر على زعلك يا إلهـــــــــــــــــــــــــــــــــــــــــــــــــــــــــام

متشكره ليكى يا الهام وان شاء الله ربنا يكرمنى بطب

بس انا والله ما مكبره الموضوع ولا شاده اعصابى انا قلقانه بس

توتر عادى يعنى

ومتشكره ليك استاذ عبد الفتاح فعلا متشكره

واستاذى الفاضل

متشكره اوى بجد وان شاء الله اكون عند حسن ظنك

لا الاه الا الله

السلام عليكم ورحمة الله وبركاته

هابي / محمد رسول الله

[ندعوك للتسجيل في المنتدى أو التعريف بنفسك لمعاينة هذه الصورة]

قصة جميلة جدا يا عبده
بارك الله فيك

نورت الصفحة يا أريـــــــــــــــــــــــــجبس إنت طبعا اللي هتدفعي اشتراك النت لأخر السنة.... قولتيلي ليه
طبعا لأني رجعت لقيتك عملتي أكتر من 40 مساهمة في أول يوم
ولأني لسة مقبتش .....ههههههههههههههههههههههه Sad

والله ما ينفع
انت الكبير
انت لازم تدفع
ههههههههه

» قصة طريفة 2
» نصيحة طريفة
» قصة طريفة عن البخلاء .
» قصه طريفة عن الامل والذكاء....
» سلسلة ::*.*:: صح وغلط وقصة طريفة ::*.*::