&&%% إن شاء الله موفقين فى إمتحان تربية ومشكلات %%&&

للاسف زى كل مرة ، بس الحمد لله الامتحان كان حلو وسهل خالص.

تصدق انى خلصتها....ههههههههههههه....الف شكر على اهتمامك ودعواتك معانافى باقى المواد

السلام عليكم ورحمة الله
بالنسبه للورقه انا فضلت اكتب واكتب واكتب لدرجه انى جعت من الكتابه بجد وكان نفسى المراقب يجيب اكل مع الميه
ومع ذلك تركت صفحتين فارغتين
والامتحان بصراحه كان جميل جدا وسهل خالص ومتوقع
شكــــ ابوعمر الاقصرى ــــــــــــــــــــــــــــــــــــــــــــــــــــــــــــــــرا

السلام عليكم
ممكن حد يحل سؤال نظريات الحراك وفروضه ..

بس اتاكد انى صح

انا عن نفسى اخدت بنصيحتك وخلصت الورقة وكمان كتبت على الغلاف لدرجة ان المراقب اعجب بيا بس انا كتبت حاجات متعلقة بالمادة بس الدكتور مش طالبها وانا خايفة بصراحة يلريت تطمنى يااستاذ عمر وشكرا على افادتك لينا

امتحان جميل ربنا يجعله في ميزان حسنات اللى وضعه وكراسه الاجابه الحمد لله لم يتبقي غير صفحه وفعلا الواحد كتب كتير بفضل الله والف شكر على دعواتك اخ احمد وبارك الله فيك وجزاكم الله عنا خيرا اما الاخت اللى بتقول نظريات الحراك فالدكتور اثناء مروره الاخوة قالوله دا في المحذوف فقال خلاص مش مطالبين تجابوا عليه فعلا راجل متفهم جزاه الله خير وبارك في ذريته

الحمد لله امتحان حلو وعقبال الباقى

الحمد لله الامتحان كويس وبسيط جدا ربنا يكرمنا جميعا والف شكر على اهتمامك ابو عمر ربنا يباركلك

الحمد الله على كل حال
انا النهارده محلتش كويس لانى كنت مش مركز ومتوتر اكيد من قله النوم
لانى كنت بكتب واقف مره واحده وافكر اقول انا كنت بكتب ايه وفجأه الاقى الكلام كله هرب من الدماغ وابص على الكلام اللى انا كاتبه مش فاهمه
المهم كتبت فى كل حاجه بس مش كتير
ربنا يستر
الحمد الله على كل شى

الحمدالله حليت السؤال الثاني اول ما بدات ولكن النقطة (ج) عملت فيها سيناريو وحوار واخراج من عندي

والسؤال بتاع الحراك الاجتماعي حليت المفهوم وحللته كما طلب السؤال وبعد كده ابتدي التاليف في الفروض

لانه كان محذوف ولكن مليت الورقة بالكامل الحمدالله ان الدكتور التمس العذر وسوف يعطي درجته لان اكثر من نصف السؤال

كان محزوف ولكن انا اكتبت فيه المحددات والقياس الطبقي يعني التاليف كان داخل المنهج

وانا اخذت بالنصيحة يا استاذ عمر وكتبت العناصر واللي تحت العنصر محدش يسالني ايه الكلام اللي كان تحت العنصر

ولكن الحمدالله اني مليت ورقة الاجابة ومتركتش فيها اي مكان فارع ربنا يستر ونخلص من الهم ده اللي مش ليه اي فايدة

غير حرق الدم والله زملاتي اللي تخرجوا حاليا الواحد فيهم معلم اول لانهم اتعينوا بالواسطة وانا لحقت السبنسة ولسة معلم مساعد

وعجبي عليك يا دنيا >>>>>>>>> الحمدالله علي كل حال

الحمد لله الامتحان جميل والاجمل انك تكتب في الامتحان مش مهم انت بتكتب ايه بس في فرحه انك حليت يارب يفرح اللي فرحنا ويسعده في الدينا والاخرة ان شاء الله

عبداللاه علي سيد كتب:

الحمدالله حليت السؤال الثاني اول ما بدات ولكن النقطة (ج) عملت فيها سيناريو وحوار واخراج من عندي

والسؤال بتاع الحراك الاجتماعي حليت المفهوم وحللته كما طلب السؤال وبعد كده ابتدي التاليف في الفروض

لانه كان محذوف ولكن مليت الورقة بالكامل الحمدالله ان الدكتور التمس العذر وسوف يعطي درجته لان اكثر من نصف السؤال

كان محزوف ولكن انا اكتبت فيه المحددات والقياس الطبقي يعني التاليف كان داخل المنهج

وانا اخذت بالنصيحة يا استاذ عمر وكتبت العناصر واللي تحت العنصر محدش يسالني ايه الكلام اللي كان تحت العنصر

ولكن الحمدالله اني مليت ورقة الاجابة ومتركتش فيها اي مكان فارع ربنا يستر ونخلص من الهم ده اللي مش ليه اي فايدة

غير حرق الدم والله زملاتي اللي تخرجوا حاليا الواحد فيهم معلم اول لانهم اتعينوا بالواسطة وانا لحقت السبنسة ولسة معلم مساعد

وعجبي عليك يا دنيا >>>>>>>>> الحمدالله علي كل حال

السلام عليكم
ازيك يا استاذ عبد اللاه
اول مره اعرف انك موهوب ومبدع وعند كل الامكانيات دى
تأليف وانتاج واخراج وكمان تمثيل
دا الجماعه بتوع الدراما لحقوا نفسيهم وخلصو مسلسلات رمضان كان زمانهم حالهم واقف

بالتوفيق للجميع

هههههه تقريبا دى اول ماده فى حياتى املى ورق الاجابه كله الحمد لله وشكرا كتير للدكتور اللى راعى كتير ظرفنا الحمد لله وتشكر على دعواتك لينااا وياارب باقى المواد تعدى على خير ونعرف نحل كويس

انت الحقت السبنسه ياستاذ عبد اللاه اما احنا ملحقنهاشى