&&% إن شاء الله موفقين فى إمتحان الصحة النفسية%&&

السلام عليكم ورحمة الله
الحمد لله على كل حال بصراحه تعبنا ويمكن الايام اللى خدناها اجازه ضرتنا اكتر ما هى فدتنا لانها قطعت الحبل اللى كان مشدود والواحد ابتدى من يوم الثلاثاء وكأنه ف اول ماده
بصراحه مش عارف اقول ايه لان المادة سهله ومع ذلك الواحد حاسس انها اول ماده يعك فيها لانى حليت سؤال واحد صحه نفسيه اللى هو الاول والتالت كان من المحذوف ومش عرفين ايه حكاية المحذوف معانا كل امتحان نلاقى منه سؤال
بس اللى مصبرنى انى حليت 3اسئله ارشاد ومحدش يسألنى ازاى عملت كده يعنى لاول مره ف حياتى اقعد لاخر الوقت واخلص كل الورق
عذرا للاطاله

الحمد للة على كل حال بس مش عارف اية المحزوف اللى بياجى فى الامتحانات

الحمد الله على كل حال

الحمد لله على كل حال يا استاذ ابو عمر والله مانا عارفه كتبت ايه بس انا بجد تعبانه نفسيا جدا من الامتحانات كأني ف ثانويه عامه وده مؤثر على بيتي واولادي مش عارفه اعل ايه حاسه اني مش حقدر اكمل

المشكله يا ستاذ ابو عمر ان الماده الجايه طرق تدريس ودي لغه فرنسيه وتقيله ومينفعش اكتب فيها اي حاجه وخلاص ومش عارفه هل ممكن اأجلها للعام القادم او لا ؟

ايه هو السؤال المحذوف ياجماعة

شكرا جدا لردك استاذ ابو عمر ولكني بجد معرفش اي حاجه عن الماده دي بالذات ولانعرف ايه فيها مهم وتعبي النفسي فوق ماحضرتك تتصور ولله الامر من قبل ومن بعد

الحمد الله الامتحان كويس نوعا ما بس طويل المش كويس الى حصل فى اللجنة النهاردة عايزين ياخذو منى الورقة قبل انتهاء
الوقت ولما اعترضت الى كانت واقفة علينا عايزة تعملى محضر تعدى عليها وبتقول انى شتمتها ودى محصلش بالعكس
هما اللى زادو فى الكلام
احنا فين هنا ولا الثورة ما وصلتش قنا
حسبى الله ونعمة الوكيل

الحمد لله علي كل شئ حرام عليهم المراقبين لجان تبقي مهيسه في الغش وناس تانيه لايسه مش عارفه تكتب ايه والله حرام بس خلاصت هانت مع اني الواحد الطاقه اللي عنده كلها خلصت ربنا يستر

يا جماعة خلينا فى القادم لو حد معه أى معلومة لايبخل علينا بحاجة فى طرق تدريس لغة عربية[b][quote]

شكرا للاستاذ أبو عمر الاقصرى ياريت تشد حيلك معنا فى مادة طرق تدريس عايزين أسئلة سابقة للمادة بالذات للدكتور / عبد الشافى[b]

[url=محاضرات لغة عربية]محاضرات لغة عربية[/url]

لو سمحتم انا ملاحظه ان طرق تدريس الشعب التانيه المهم فى المادة ماعدا لغه عربيه ارجو الرد حالا ف اسرع وقت من يعرف لغه عربيه يكتبهولنا وربنا يجعله ف ميزان حسناتكم انشاء الله وننجح جميعا بااعلى الدرجات
اللهم اميييييييييييينل

اليوم جاء المراقب وهو متحفز من اول اللجنة وقبل توزيع ورق الاجابة يتوعد ويهدد ووتر اللجنة قبل ان يوزع

ورق الاجابة والله ناديت عليه وبدات اهدي فيه حتي جعلتة رلاكس خالص >> سبحان الله انا بهدي المراقب بدل ما هو اللي

يهدأ الجميع المهم الحمدالله حليت بنظام وترتيب العناصر ثم الشرح حتي نهاية الامتحان الحمدالله حليت كويس جدا

ولكن الخط بسبب الاستعجال وخوفا من نفاذ الوقت والامتحان كالعادة طويل كان مش واضح ربنا يستر العناصر بالخط الاسود

وواضحة جدا وانا خايف لاني الحمدالله بحل كويس ولكن الخط بسبب السرعة مخوفني >> الله المستعان

الحمد لله بس الامتحان طويل وفيه سؤال جه من المحذوف

استاذ خالد امبارح وجهتلى ملحوظه وقلت الاخ الى فتح الصفحه ومناديتش باسمى
زى ما بتنادى باقى اخونا فى الدفعه بصراحه انا زعلت منك

استاذ خالد امبارح وجهتلى ملحوظه وقلت الاخ الى فتح الصفحه ومناديتش باسمى
زى ما بتنادى باقى اخونا فى الدفعه بصراحه انا زعلت منك

بالنسبه للخط متخافش ربنا كريم
انا والله بيقلولى زمايلى خطك جميل يعنى الحمد لله
بس سبحان الله بجى فى الامتحان معرفش بيحصلى ايه
والى مستغربلو ان فى مادة الدكتور ياسر ربنا هدانى وبقيت انوع فى الخط
يعنى اكتب العنصر بنوع خط معين والشرح تحتو بخط تانى النوع مش اللون
سبحان الله

خالد السيد كتب:

رائع أخي عبداللاه

فعلاً أستاذ لاتعطوهم فرصة أن يخرجوكم عن شعوركم

إن شاء الله من الموفقين الناجحين

اولا شكراً جزيلاً علي التعليق الجميل ده يااستاذ / خالد

اللي انته مش عارفه يا استاذ/ خالد

الموضوع جه فوق راسي لانه بعد شويه ترك كل اللي في اللجنه و كل شويه يوقف بجواري وعاوز يحكي معاي وبدأت الاسئلة تنهال علي مثل :

أنت اسمك ايه ؟؟ انت من فين ؟؟ انت ؟ انت ؟ انت ؟ في الاخر قلت له اجل الاسئلة بتعاتك حتي انتهي من الاجابة علي الاسئلة

اللي موجوده امامي المهم بعد اللجنة قلت له هات الاسئلة اللي معاك علشان انا اجاوب عليها محنا خلاص بقينا مثل فئران التجارب

واتعرفت عليه وقلت له بهزار اوعي اشوفك تاني في اللجنة دي هههههههههههه واذا جاء دورك في كشف المرافبة علي اللجنة اللي انا فيها حاول تغيره

لو سمحت يااستاذ خالد انما متعودة قبل ماابدا في الاجابة الخص العناصر كلها اللي في الاسئلة في اخر ورقة بالقلم الرصاص ومش بمسحها ولكن فوجئت النهاردة ان المراقب بع ماسلمتلو الورقة بيقولي لاوم تمسحيها لا ده فيه ضرر عليكي هو صحيح الكلام ده لوسمحت لاني بجد خايفة جدا لاني عملت كدة في معظم المواد

خالد السيد كتب:

هههههههههههههههههههه خلاص لوجه تاني

هيبقى صاحبك ولو طلع قليل الأصل إضربه قلمين

بس في الورقه مش على قفاه

هههههههههههههههههه

لا لو جه تاني انا عامل حسابي معاي قلم زياده ومعاي ورقه فاضيه

سوف اعطيهم له ثم أ قوله لو سمحت اكتب الاسئلة علشان اجاوب عليها بعد اللجنة

لاني الدبلومة العامة عودتني اجاوب علي الاسئلة حتي اللي مش عارفها بألف فيها المهم احل

بدل ما تعمل زي المره اللي فاتت هههههههههه

بصراحه الواحد بيبدع فالتأليف فاللى اعرفه واللى عمره ما سمعت عليه هههههه
لدرجة انى بفكر اجمع مؤلفاتى فالدبلومه واطبعهم وطبعا هيكون ليهم عنوان وهو مبدأى يعنى ممكن يتغير
((( دبلومة العذاب
للعلامه ابن طواب ))
ايه رأيكم فالاسم

طه حسين محمد احمد كتب:

بصراحه الواحد بيبدع فالتأليف فاللى اعرفه واللى عمره ما سمعت عليه هههههه
لدرجة انى بفكر اجمع مؤلفاتى فالدبلومه واطبعهم وطبعا هيكون ليهم عنوان وهو مبدأى يعنى ممكن يتغير
((( دبلومة العذاب
للعلامه ابن طواب ))
ايه رأيكم فالاسم

الاخ العزيز / طه

اوعي تألف خارج السؤال او خارج المنهج

انا اقصد بالتاليف هو اني الف ودور حول الاجابة من خلال الفهم العام للمادة >>> مثال : لما واحد يسئلك سؤال وانت

مش عارف الاجابة وانت عاوز تبين انك عارف الاجابة لانك موجود وسط مجموعة ممن يتوسمون فيك العلم وانك مثقف

يعني مينفعش تحرج امامهم بتحاول تلف ودور حول الاجابة في النهاية انت جاوبت علي السؤال

خلاصة القول :: يعني لا تترك نقطة مطلوب منك تجاوب عليها فارغة لان هذا الامر مش في صالحك

وبعد متخلص من الدبلومة الف براحتك وسمي المؤلف بتاعك كما تشاء

اقصد بالتأليف هنا استاذ عبد اللاه هو ان يكون داخل الماده لانى حاطط فدماغى انى ممكن من حظى الدكتور يقرا الورقه بتاعتى
يعنى زى النهارده السؤال التانى فالصحه انا حافظه زى اسمى لكن صيغة السؤال لخبطتنى فتهت فقمت كاتب الدوافع والانفعالات كلها
وطبعا فوجئت انها هى المطلوبه وهكذا ومن ناحيه تانيه انا حليت الارشاد كله يعنى 3اسئله وهو طالب اتنين بس فقلت خساره انا عرفهم التلته وكتبتهم وربنا يسترها معانا ومع الدفعه كلها

الحمد لله وربنا يسترها علينا السنة دى