مطبخك مكركب.....ايه رأيك نلعب لعبة المطبخ

السلام عليكم ورحمة الله وبركاته

الكلمه المشهوره في كل البيوت

المطبخ مبيخلصش

طبعا لو العدد كبير في البيت المطبخ بيبقي ايه

ولو عندك عزومه طبعا او مشغوله في اكتر من حاجه

والمطبخ شكله ميفتحش النفس علي الشغل

اوعي تركنيه للصبح

تعالي نلعب لعبة المطبخ

فيها كسر للملل وهتعمليه وانتي نفسيتك مرتفعه

تعالوا اقولكم هنعمل ايه

طبعا بعد ما بتلمي المطبخ وترمي الفضلات في الباسكيت

بيكون الحوض بقي علي اخره

هنبدأ اللعب

ابدأي تقسمي المواعين لأقسام

كوبايات

صواني تقديم وفطار

اطباق بأحجامها

حلل وطاسات وصواني فرن

معالق وشوك

ولو في اكتر اوك البحر يحب الزياده باضحك

وبعد كده بصي للقسم اللي يعجبك وعاوزه تبدأي بيه

او اعملي حادي بادي باحلى ابتسامة

والله ما بهزر

وابدأي علي بركة الله حاجه حاجه

واللي تخلصيه تحطيه مكانه في المطبخ وترجعي تعملي حادي بادي تاني

هههههههههههه

حاسه انكم فاكريني اتجنيت من المطبخ

ههههههههه

بس دي الطريقه اللي بتخليني مبسوطه وانا بعمله

وبحسه بيخلص بسرعه

جربوا وانتوا هتنبسطوا اوي برغم الشغل الكتير

بالتوفيق ان شاء الله