صحى النوم

دى حاجة كتبتها ويسعدنى اعرف رأيكوا
صحى النوم

ارجوك يا ابنى فوق كفاية وصحى النوم
انا محتجالك فى كل لحظة وفى كل يوم
ده من غيرك اناعمرى ماهتحرك ولااقوم
ده انت يابنى لي السند وانت كمان العون
افهمنى ياود قلبى كويس ومتبقأش موهوم
متسبنيش انا بيك وليك اقدراتحدى الكون
اصحى بقى ياضنايا وكفاية كده الجنون
عايزنى اتقدم وانت غرقان ديما فى النوم
عايزنى اتحرر وانت ماسكنى من البلعوم
ياابنى شوفنى بنظرة صافية من غيرغيوم
بص لى ده انا مش الحاكم ومش المحكوم
ده اناامك اللى ديما تتمنالك السعادة والخير
فكر فيا شوية وبلاش تفكر فى نفسك كتير
يعنى بتقتلنى علشان زيادة ولاعشان علاوة
هضيعنى امك هضيع اساس الحب والغلاوة
استحمل واصبر يا ابن بطنى معلش شوية
استحملنى لحد مااقف واكون قادرة وقوية
بس خليك قاعد فى مكانك واثبت وجودك
حاسة وعارفة ان الحمل زاد عن حدودك
لازم حبيبى تستحمل عشان اجيب حقوقك
ومتنساش اخوك اللى ضحى بروحه لعيونك
صدقنى ده انا بقولك اصبرشوية مش انسى
واحلامك هتصبح حقيقة مش وهم ولاقصة
ارجوك فوق واصحى عشان بكرة احلى

ماشاء الله

الله اكبر

ممتاذة استاذة عائشة

بارك ربى فيك اخى طه
اسعدنى مرورك

جمييييييييييييييييييييييله تسلمي عائشـــة

الله عليكِ يا بنت مصر ، لكن هل أحد سيقول فهمت الدرس.....
حاضر يا امي ....
بحبك يا مصر .....
تسلم إيدك أختى عائشة .........
جزاكِ الله خيرًا كثيرًا ........

سعدت بمروركن اخوتى
فاطمة-اخلاقى

» النوم بجوار جهاز الجوال يشبه النوم بجوار مفاعل نوو
» صح النوم .....
» ليه نشرب ميه بعد النوم ..؟؟
» ما لا تعرفه عن النوم
» من أدعية النوم ....