البطاطس المحشيه بطريقه سهله

ا

السلام عليكم ورحمه الله وبركاته

ازيكم عاملين ايه يارب تكونو بخير وسعاده

انا بصراحه البطاطس المحشيه بحبها جدا لكن للاسف بتاخد وقت ومجهود

لكن اختكم انا يعنى من زمان اخترعت طريقه بتدى نفس الطعم بالضبط ويمكن احلى

وبقالى سنين باعملها بالشكل ده ....لكن بصراحه لو فيه ضيوف باعمل المدوره ( اكدب يعنى ) منظر بس

المهم

بنجيب البطاطس الوسط او الكبيره مش هاتفرق ونقشرها ونقطعها حلقات زى صينيه البطاطس كده بس اقل فى السمك شويه

وبعدين نحطها فى ماء وملح لغاية مانحمرها

ونعمل العصاج بالكميه اللى عايزينها

وكمان نعمل صلصه زى اللى بنعملها للمكرونه

وبعد ماتتسبك نحط عليها كوبايه ميه ونتبلها ونسيبها تغلى ( وممكن نحط عليها مكعب ماجى )

وبعدين نحمر البطاطس فى الزيت

ونجيب اى صينيه او طبق بيدخل الفرن ونرص طبقه بطاطس فى القاع

وبعدين نفردفوقها العصاج

وبعدين نحط عليها نص كميه الصلصه

وبعدين نرص باقى البطاطس فوق العصاج

وبعدين نحط على الوش باقى الصلصه وندخلها الفرن عشر دقايق

ولما نلاقيها بتغلى كويس فى الفرن نفتح الشوايه واول ما الوش يتحمر نخرجها من الفرن

وبالهنا والشفا

ايه ياصفاء انتى ايه حكايتك مع البطاطس بالظبط وبعدين لو سمحتوا محدش يجيب سيرة البطاطس وانا موجودة علشان بجد بضعف قدامها ... يلا كده ياستى انتى ملزمة تجيبلى صنية من الاكلة الحلوة دى .

لا بجد تسلم ايديك يا صفاء انا أول مرة اعرف الطريقة دى رغم العلاقة القوية اللى بينى وبين البطاطس
تسلم ايديك يا قمر.

ههههههههههههههههههههههههههههههههههههههههه

والله انتى تؤمرى يادعاء

واكيد البطاطس هتزعل منك مدام مش تعرفى الطريقه دى بتاعتها

والله نورتى يادودو واى خدمه وياريت تجربيها وتقولى رايك

ايه الحلوة والجمال ده يااحلي شيف في المنتدي
طريقة جميلة جدا وان شاء الله اعملها
تسلم ايديك
وننتظر المزيد من الابداعات

إيه الشطارة دى ياصافى يابخت الى هياخدك ياعم وعلى فكرة أنا عارفة الطريقة دى وبحب دائما أنوع واصنف فى الأكل.

» تفسير سورة المرسلات بطريقه شيقه للشيخ عائض القرنى
» اجمل ما قرأ الشيخ محمود صديق بالصعيد الزمر وغافر بطريقه ملائكيه
» طرق سهله لتعليم الاطفال جدول الضرب
» البطاطس البوم فريت .
» طريقه سهله لحفظ اسماء الله عز وجل