البطاطس البوم فريت .

ازيكم يابنات ياحلوين ، كلنا طبعا بنحب البطاطس البوم فريت المقرمشه اللى بتتقدم فى المطاعم .
تعالوا بقى اقولكم بتتعمل ازاى:
اول حاجة حضرتك بتجيبى البطاطس وبعد ماتقشريها طبعا تقطعيها صوابع وياريت تكون قد بعضها علشان الشكل ،ونغسلها كويس بالماء الجارى.
بعد كده بتنقعيها فى ماء وملح حوالى نصف ساعة
وبعدين تبتدى تقلى البطاطس....
Evil or Very Mad

منستعجلش لو سمحتوا ....
لأمش هى هى البطاطس المحمرة العاديه.
حضرتك مش هتسيبى البطاطس تحمر انتى هتخليها فى الزيت 3 دقائق بس يعنى بنطلعها نص سوا.
وتطلعيها على ورق زبده علشان يمتص الزيت .
بعد ماتبرد البطاطس تقومى جايبه كيس وحطاها جواه وتفرغيه من الهوا وتربطيه .
آخر حاجه بقى بنحط البطاطس فى الفريزر كام ساعه كده وياريت لو سبتيها يوم كامل .
وبعدين تحمريها .
هتطلع معاكى احلى بطاطس بوم فريت مقرمشه من بره وطريه من جوه. ولا احسنها شيف ، Wink

وياريت كده نخلينا حبايب ومحدش ياكل لوحده.
على فكره انا عملتها قبل كده اكتر من مره وطلعت تحفه يعنى محدش يفكر انى بجرب فيكوا متقلقوش Twisted Evil

مخلياكوا لحاجه اكبر من كده.

[ندعوك للتسجيل في المنتدى أو التعريف بنفسك لمعاينة هذه الصورة]
بالهنــــــــاوالشــفـــــا .

هو حقيقي اميرة اختي بتعملهالنا بس بجبهالهم كيس جاهز من الجمعية

الجاهز احلى لانه ساعات اللي عند الفكهاني بتبقى مش كويسة

رووعه ميس دعاء يا شيف ربنا يكرمك يارب

على فكرة هي كلمة بوم فريت دي فرنسية الاصل Smile

اسمها كدهو

pommes frites

واول شعب عملها هو الشعب الفرنسي وخصوصا في الريف الفرنسي

كانت اكلة مميزة عندهم

وكمان متتاكلش غير بالجبنة على فكرة Smile

ياسلام ايه الجمال ده
علم اختى دعاء وجارى التنفيذ
بس نصيحه منى علشان خاطرى اوعى تتهورى وتسمعى كلا م الاستاذ طه
وتعمليها مع الجبنة لحسن يحصلك واوا وتتعورى
ههههههههههههه
فى صباعك لما تحشيها وتفتحى الرغيف
استرها معانا يارب
شكرا اختى جميلة جدا
تسلمى

دعاء عبد العزيز كتب:: ياسلام ايه الجمال ده
علم اختى دعاء وجارى التنفيذ
بس نصيحه منى علشان خاطرى اوعى تتهورى وتسمعى كلا م الاستاذ طه
وتعمليها مع الجبنة لحسن يحصلك واوا وتتعورى
ههههههههههههه
فى صباعك لما تحشيها وتفتحى الرغيف
استرها معانا يارب
شكرا اختى جميلة جدا
تسلمى

ايه التجريح دوت ؟؟؟ Smile

ميس دعاء انتي معايا ولا مع الناس التانيين ههههههههههه

وانا مبقولهاش انها تعملها بالجبنة الفرنسية

انا بقولها هم هناك بيعملوها كده ههههههههههههههههههههههه

عموما ماااااااااااااااااشي ماااشي اتريقي براحتك

هيجيلك يوم وتفشلي في المطبخ حضرتك وهتنزلي توبيك وادخل انا اتريق

اللهم استجب يارب

هههههههههههههههههههههههههه

ربنا يسعدك يااااارب كمان وكمان

اضحكتيني والله صدقا

بقالنا كتييير مش عارفين نضحك من قلبنا ههههههههههه

تسلمي ميس دعااااء

دعاء عبد العزيز كتب:: ياسلام ايه الجمال ده
علم اختى دعاء وجارى التنفيذ
بس نصيحه منى علشان خاطرى اوعى تتهورى وتسمعى كلا م الاستاذ طه
وتعمليها مع الجبنة لحسن يحصلك واوا وتتعورى
ههههههههههههه
فى صباعك لما تحشيها وتفتحى الرغيف
استرها معانا يارب
شكرا اختى جميلة جدا
تسلمى

هههههههههههه
متقلقيش يادعاء انا اخر ماعندى اقلى شوية بطاطس
انما انى احشى جبنه وكما افتح الرغيف لاااااااااااا ده صعب جدااااااااااا عليا
دى حاجة عايزه ناس متمكنه انما احنا على قد حالنا .
بالهنا والشفا يارب البطاطس تعجبك بس زى ما اتفقنا محدش ياكل لوحده.

طه محمد كتب:: على فكرة هي كلمة بوم فريت دي فرنسية الاصل

اسمها كدهو

pommes frites

واول شعب عملها هو الشعب الفرنسي وخصوصا في الريف الفرنسي

كانت اكلة مميزة عندهم

وكمان متتاكلش غير بالجبنة على فكرة

شكرا على المعلومه ياأ/طه
وبالهنـــــا والشفـــــا
بس ياريت يعنى تخلى اميره هى اللى تعملها دايما .... وبلاش تحاول حتى تفكر انك تعملها، يعنى علشان نطلع من الموضوع ده باقل خسائر ممكنه .
اما بقى لو اصريت يبقى حضرتك خليك فاكر الرقمين دول كويس.
180
أو
122

تسلمى يادعاء ياجميله

بس اقولك حاجه تعالى عندى واعملك اجدعها بطاطس مقرمشه وهتاكلى وهتدعيييلى Smile

صفــــــــــــــاء
بجـــــــد نورتــــى موضوعــــــى .
بصى بقى طالما الحكايه فيها بطاطس يبقى اعملى حسابك العشاء عندك النهارده .

دعاء مصطفى كتب:: صفــــــــــــــاء
بجـــــــد نورتــــى موضوعــــــى .
بصى بقى طالما الحكايه فيها بطاطس يبقى اعملى حسابك العشاء عندك النهارده .

ده نورك ياجميله

واذا كان على العشا انتى تؤمرى والله عشا غدا فطار اللى تطلبيه

» البطاطس المحشيه بطريقه سهله
» هو فى أحلى من البطاطس :)
» البطاطس والباذنجان .........على مائدة رمضان
» البطاطس وخطورة التسمم بالسولانين
» طاجن البطاطس باللحم الضانى