مقياس كبييييير

السلام عليكم ورحمة الله وبركاته

قدر الله وماشاء فعل في هزيمة المنتخب

عليه العوض ومنه العوض      

لكن نقطة ومن أول السطر

مش ملاحظين حاجة :-

ان مصر مبقتش ولا حاجة حلوة فيها ؟؟؟؟

انقلاب + ثورات + قتل + بلطجة + دماء + اعتقالات + سجون عسكرية +

منع حريات + هزيمة + ــــــــــ + ــــــــــ

معدش فيه حاجة حلوة صح ؟؟؟

حتى العيد محدش اتهنى بيه ومعدتش الناس زي الاول

طيب بنفس المقياس ده اجتماعيا

نبص على الناحية الرياضية

عدم اللعب بانتماء + سوء تدريب + سوء خطة + لاعبون لا يتحملون المسئولية = هزيمة فاضحة وفادحة

نبص على الناحية السياسية انقلاب دموي بمعنى الكلمة ومحدش قادر ينطق بكلمة

نبص على الناحية الاقتصادية والمادية

انحدار تااااااااااااااااام

نبص على الناحية الدينية

بـُـعد نهاااائي عن ربنا وعن طاعته

حتى صلاة الفجر بقينا مش مكملين صف

وانا من الناس اللي كنت مواظب عليها حاضر الوقتي بسبب المعاصي بطلت

استغفرك الهي ما اعظمك

بجد كآبة وشؤم وانحدار روح معنوية للقااااع وربي

طيب ايه العمل وكل حاجة في مصر سيئة وكل بكيل بنفس المكيال وبيقيس بنفس المقياس

انا هبدأ تاني اهوه من الوقتي وهعمل ريستارت

وهحط أمل جديد في النادي الاهلي وفي المنتخب في ماتش العودة ,, اهوه لعل وعسى !!!   

هبدأ اذاكر من بكره من جديد وهستجمع قواي التحفيزية

هصلي الفجر من انهرده حاضر

ده اللي من الناحية الشخصية

كلنا لاااازمن نرجع ونفكنا بقا من حالات الكآبة اللي احنا فيها

ونفكنا من كل حاجة تدمر حالتنا النفسية

ونبدأ من جديد

يارب بكره يبقى أحلى