العلاقات بين الشباب

هقولكوا قصه صغيره جداااااا وهي هتقول كل حاجه القصه دي هي محصلتش رمضان ده هي قديمة شويه ولكن مش عارفه ليه افتكرتها امبارح بعد الفجر ومن وقتها وانا قررت اعمل التوبك ده

القصه باختصار ولد وبنت مرتبطين والحياااااه بيــــــس
وقام دخل عليهم شهر رمضان جت البنت ولنفترض اسمها ساره وقالت للولد ولنفترض اسمه احمد لو سمحت يا احمد بلاش نتكلم في رمضان .....
قالها ليه يا ساااره؟؟؟؟؟
قالتة بلاش يا احمد علشان ربنا يرضي عنا ويغفر لنااا في رمضان!!!!!!!!! (( مع ان رب رمضان هو رب كل الشهور))
قالها ليه يبنتي هو احنا لا سمح الله بنعمل حاجه غلط احنا مرتبطين وفي زينااا كده مئات بلا الاااااف الشباب مرتبطته وعادي يعني ايه المشكله؟؟؟؟؟؟؟ دي احنا حتي شبة مش معرفين حد اننا مرتبطين مع ان كتير من الناس بيعرفوا عادي
(( سبحان الله حامل هم الناس لتعرف ومش حامل هم ربنا اللي هو معاهم في كل ثانية))

قالته معلش خدني علي قد عقلي وخلينا ناخد اجازه من بعض وبعد رمضان نبقي نرجع تاني ذي الاول!!!!!!!!

قالها اجاااااازه؟؟؟؟!! !!!! خلاص ذي ما تحبي انا مش هضغط عليكي

القصه خلصت لحد كده

لكن تعالوا نقول تفتكروا البنت دي عملت كده ليه؟؟ يا تري حست باية ؟؟

حست انها في حراااام..... غلط.....ام مجرد عدم ارتيحاح

من الواضح كده ان البنت دي ضمرها لسه في جزء مش مات علشان كده قالته نبعد فتره لكن للاسف الشديد لان معظم اجزاء الضمير ماتت مقدرتش تقولها صريحه ان دي حرام ولازم تنهي العلاقه دي نهائي وان مفيش شئ اسمه ارتباط غير الارتباط الرسمي

البنت دي ممكن تكون انا وممكن تكون انتي وممكن تكون اختك
البنت دي بنت اهلها ناس طيبين وهي مؤدبة وتعرف ربنا لكن للاسف الشيطان عرف يدخلها وبالفعل ورطها في علاقة حرام ويا اما تفوق منها يا اما تستمر

اما الولد هو ولد خرج من بيت طيب وهو انسان شهم لكن برده للاسف الشيطان عرف سكته معاه

يا جماعه بالله عليكوا......بالله عليكوا كل شاب مرتبط وكل بنت مرتبطته
راجعوا نفسكوا تاني وامسحوا المراية كويس علشان تعرفوا تشوفوا الصوره صح ورمضان والله فرصه للاقلاع عن اي ذنب

لو انت بتحب زميلتك مقدرش اقولك متحبهاش لكن متعملش معاه علاقه حرام علشان ربنا يباركلك ويجعلها فعلا من نصيبك ويجمع بينكوا علي خير

ولو انتي بتحبي زميلك ارجوكي مترخصيش نفسك هتقولي ازااااااي دي بيحبني وانا غالية قوي عنده؟؟
هقولك ازاي غالية عنده وانت اصلا بلي بتعملية ده رخيصه عند ربنا
لو بتحبية فعلا مقدرش اقولك لاء بس اتقي الله في تصرفاتك علشان ربنا يباركلك ويجعله من نصيبك

انا خلصت كلامي بس بجد بالله عليكوا فكروا فيه كويس وارجع واقول رمضااااان فرصه للتخلص من اي ذنب وفرصه للثبات علي اي طاعه ارجوكوا يا جماعه بلاش تضيعوا الفرصه دي

اللهم اقسم لنا من خشيتك من تحول به بيننا وبين معصيتك ومن طاعتك ما تبلغنا به جنتك

اللهم اقسم لنا من خشيتك من تحول به بيننا وبين معصيتك ومن طاعتك ما تبلغنا به جنتك

اولا احب اقولك يازينب اسفة لتأخرى فى الرد، بس عايزة اقولك ان الموضوع فى منتهى الروعة وانتى فعلا ضغطتى على الوتر الحساس عند الشباب .. ربنا يباركلك ..وعايزةاقولك ان اسلوبك فى الكتابة عجبنى جدااااا

يا اريج لو الموضوع مش منقول من مكان معين يبقى ربنا يبارك فيكى واسلوبك روعه روعه ولذيذ

والله يا محمد الموضوع منقول
بس انا نسيت ما اكتب منقول
جزاك الله خيرا على مرورك العطر

شكرا يا حنين على مرورك

الموضوع راااائع جدا يااريج
ربنا يبارك فيك.

موضوع شيق وجميل ... ولكن لا تنسي ان الفتاه طريقة اللبس والمكياج قبل رمضان غير رمضان ...... اشكر اختي في الله علي موضوعاتك الشيقه حفظك الله