حوار الصمت بين الاباء والابناء ما رايكم؟؟؟

بسم الله العون المعين مالك السموات والارضين واصلى واسلم على خير خلق الله اجمعين صلاة لا نشقى بعدها ابدا ان شاء الله الى يوم الدين....
فيما تمر الأيام، وتتسابق السنوات في تغيير ملامح وأفكار الناس باستمرار، ينسى الآباء في كثير من الأحيان،أنهم كانوا في يوم من الأيام أطفالاً وأبناء، يتذمرون من طلبات وأوامر الآباء، ويجدون - من وجهة نظرهم- إجحافاً من الآباء بحقهم، وتقليلاً من شأنهم.
فيما يغيب عن أذهان معظم الأبناء، أنهم سيقفون يوماً أمام أولادهم، يفرضون عليهم ما يرونه -أنسب- لهم في كل شيء، ويحددون لهم الخطأ والصواب، ويقسون عليهم أحياناً.
وبين نسيان الآباء محدودية فكر الأبناء، تتجدد مشكلة مستمرة، طالما بقيت الحياة تضج بالصخب والتجدد، وهي الفجوة بين الآباء والأبناء بكل أبعادها؛ العمرية والفكرية والثقافية وما يتعلق بالعادات والتقاليد وما يرتبط بدخول تكنولوجيات جديدة وتطور على مختلف الأصعدة... وغيرها

وإذا كنا نظن إن سوء التفاهم بين الآباء والأبناء سوف ينتهي يوما فنحن نرجم بالغيب ؛وإذا اعتقدنا إن التخويف وحده يمكن إن يساعد الآباء في تقويم الأبناء فنحن مخطئون أما إذا توهم الكبار إن الصغار لا يعرفون شيئا ويمكن خداعهم فهم إنما يخدعون أنفسهم فقد كانوا صغار ذات يوم وكانوا يعرفون الكثير بينما يظن آباؤهم إنهم غافلون ...

حيره كبيره يقع فيها بعض الآباء حينما يلاحظون أبناءهم المراهقين دوما أسرى الصمت والضجر والنفور داخل المنزل بينما يعيشون بالخارج حياتهم المرحة بشكل طبيعي منطلقين مع أصدقائهم دونما مشكله تذكر وسواء كان الابن شابا أو فتاه فان الصمت والغموض المطلق يثير لدى الكثير من الآباء التساؤلات والريبة ويعظم لديهم عقدة الذنب أو الشكوك تجاه هذا الكائن الصامت أو الشارد الذي لا يلجأ إليهم
في استشاره أو نصح

فما طبيعة هذه الفجوة بين الآباء والأبناء؟ هل هي صراع بين جيلين ؟أم تحفظ من جانب الابن تجاه تصرفات أبويه وعتاب مكبوت بالأعماق ولا يجد سبيله إلى التعبير عن نفسه أم افتقاد لجسور الحوار بين الجيلين؟ ام ماذا يا اخوانى ....؟
هذه يا اخوانى كانت مقدمة بحث حاولت فيه مناقشة هذه المشكله التى لفتت نظرى فى مواقع النت المختلفه واردت ان نناقش المشكله سويا....

فيا ترى يا اخوانى ما سبب هذه المشكله المستمره والدائمه بين الاباء والاباء من وجهة نظركم فبالتاكيد تصادفكم يوميا الكثير من المواقف مع ابنائكم او تسمعونها من الخارج او فى المدرسه من التلاميذ فماذا يكون رايكم ؟

واذا ما خلوت الدهر يوما فلا تقل خلوت ولكن قل على رقيب
ولا تحسبن الله يغفل ولا ان مانخفيه عنه يغيب
الم تر ان اليوم اسرع ذاهبا وان غدا للناظرين قريب

وصلى اللهم على سيدنا محمد وعلى اله وصحبه وسلم

السلام عليكم ورحمة الله وبركاته
أختي الكريمة ساره معك حق هذا الموضوع شائك وحيوي ويحتاج للعديد من الدراسات والبحوث , لأن من وجهة نظري هذا الأمر السبب فيه أمور عدة تختلف باختلاف طبيعة الآباء أولا وأختلاف طبيعة الأبناء ثانيا , وكذلك بعد الأباء عن الدين ومعرفتهم بأصول التربية والتنشأة الإسلامية الحقة .

بارك الله فيكى يا هبه
دايما ردودك جميله
وعندك حق هو فعلا سبب المشكله مش واحد وليها اسباب كتيروالبعد عن الدين والاختلاف فى طبيعة كل من الاباء والابناء على راس الاسباب

السلام عليكم ورحمة الله وبركاته
موضوع جميل جدا أختنا الكريمة سارة وبصراحة للأسف أنا واقع فى المشكلة دى مع والدى ومش عارف إيه سببها وإيه حلها
بس حاسس إن هو السبب فى الأول وهو اللى سبب المشكلة ودا سبب لي فجوة كبيرة من ناحيتى أنا بس بعد كدة بصراحة بقى هو اللى بيبادر لحل المشكلة دى بس بعد إيه أنا مش قادر أتخلص من الفجوة اللى حصلت عندى
ويالا بقى ورونى شطارتكم وخلصونى من المشكلة دى
والله ولى التوفيق
وصلى اللهم على سيدنا محمد وعلى آله وصحبه وسلم

السلام عليكم ورحمة الله وبركاته
بصراحة موضوع اكثر من رائع ياسارة ، فعلا احنا محتاجين طرح مشاكلنا

الواقعية وليس الكوبى باست الى شغال فى المنتدى ، وهذه المشكلة اغلبنا

يحس بيها لاختلاف طبيعة الاباء والابناء كما قلت الاخت هبة الله ، وايضا

لان جيل الاباء يختلف فى افكارهم عن جيلنا فالاب يريد من الابن ان

يكون نسخة منه ، وينسى ان الزمن تغير والفكر تغير ، واتمنى من الكل

ان يناقش هذه المشكلة التى طرحتها سارة جزاها الله خيرا.

السلام عليكم ورحمة الله وبركاته
هو موضوع فعلا رائعه وجايز يكون هو سبب من المشاكل الكتير اللى بتحصل للشباب بسبب اباءهم فى حاجه اهم من ان الاب يريد ان يصبح الابن نسخة منه اهم من ده كل هل الاب بيحب ابنائه ؟
هل الاب بيعطف على ابنائه؟
هل فعلا الاب يريد ان الابن يصبح نسخة منه ده بسبب ان الاب يرى انه افضل منه او انه بيخاف على ابنه من الاشياء الموجود فى الزمن ده؟
للاسف الاب حاليا ماهو الا مصدر مالى فقط ونادرا ما يوجد ان الاب يعلم ويربى ابنائه ليس فقط بالمال ولكن ايضا بالقيم والاخلاق وبتعاليم الدين
شكرا

السلام عليكم ورحمة الله وبركاته
اشكر الاخ مصطفى والاخ مازن واختى منى على التفاعل
بس يا اخ مصطفى ليه مش بتحاول طالما المبادره من قبل الوالد وبعدين كما قال الاخ مازن انى الاب بيكون حابب انى ابنه يكون نسخه منه اينعم دا غلط بس ده دليل على الحب
ايوه يا منى دليل على الحب انتى ازاى بتسالى
اكيد مفيش اب مش بيحب ابنائه معقول يكون الحب ده مجرد عطف لا معتقدش
بس فعلا يا منى الاب اليومين دول بقى فى اغلب الاحيان مصدر مالى فقط ومعتقد انى مهمة التربيه للام فقط مع انى بحس كتير انى محتاجه للاب اكتر من الام....؟

السلام عليكم ورحمة الله وبركاته
شكرا على ردك ياسارة بس ايوه للاسف فى اباء مش بيحبوا ابنائهم ولا ايضا بيكرهوا ابنائهم لكن زى ماتقولى كده بيمثل الاب انه بيحب ابنائه وللاسف ده موجود فعلا مش بس اباء وايضا المصيبة الاكبر ان توجد امهات بالشكل ده وهى دى المصيبة ان مصدر الحنان والعطف مش موجود فى حياة الابناء
ياااااااااااااااااااااااارب الهداية للاباء وللامهات المسلمين جميعا قولوا يارب
شكرا

اختي في الله ساره كم يكون الموضوع هاما في حياتنا ....
ولكن لنعرف حدود المشكله ومتي تكون سيطره الوالدين شئ ضروروى ومتى تكون مضره...
نحن نعلم في مراحل الانسان الاولي ضروريه
اما في المراحل الاخري اختي في الله اننا نعلم انه يوجد صراع .. فعلينا الا نزيد الامر سوء
ياخوتي كلنا نعلم ان الانسان الوحيد الذي يريد افضل من ه واباك . ولكن ما يغضبنا هي الطريقه المستخدمه منه .ولا ننسي ايامنا الحاليه وظرفهاا لها تاثير
وبعد شبابنا عن الدين يخوف ابائهم من الانحراف
حاول ان تعرف وتختار الطريقه الافضل والوقت الافضل للحوار

الفجوة اللى حصلت سببها الاباء والابناء احنا مش عارفين نوصل طريقة تفكير جيلنا ليهم ليه بقى لانى احنا اساسا متشعلقين من النص لاحنا رافضين عاداتهم ولا احنا موافقين عليها مبقيناش عارفين احنا عايزين ومقتنعين بايه كل همنا انى احنا نعارضهم وخلاص او انهم لازم يسمعوا كلامنا زى ما احنا بنسمع كلامهم انا عن نفسى الاول كنت بعارض وبحس انى والدى بيجبرنى اعمل كل حاجة انا مش عايزها بس مع الايام لقيت كل كلامه صح وانه كان لازم يعمل كده فبقيت اسمع كلامه وانا مغمضة عنيا وياريتنى كنت غمضت عنيا من الاول وما دخلتش فى الصراع والفجوة دى بس الحمد لله راحت بعد اقتناع وحسيت بندم شديد انى مفهمتش شخصيته من الاول وزعلت على سنين ضاعت كنت فيها بعيدة عنه انا بنصح اى حد انه ما يبعدش اكتر من كده هيجى عليه يوم ويبكى بالدموع لبعاده عن والديه انا بكيت كتير ودعيت ربنا فى صلاتى يقرب المسافات والحمد لله قربت

كل واحد فينا حيتحاسب على معاملة الوالدين اقل حاجة نعملها انى احنا نرضيهم لانى دى مفتاح لدخول الجنة وصدقونى لما واليك يكونوا راضين عنك ومبسوطين بيك دى لوحدها تسوى الدنيا وما فيها
همسة صغيرة فى اذن كل اب ربنا فى القران ذكر اسم الابرار مين هما الابرار بقى " الذين بروا بوالديهم وابنائهم معا " فياريت تقربوا من ولادكم وتسمعوهم وتعرفوا هما عايزين ايه وحاسن بايه صدقونى ده هيخفف كتير وحيحسوا بالامان وهيسمعوا كلامكم
وفى النهاية ربنا يهدى الاباء والابناء

السلام عليكم ورحمة الله وبركاته
اذيك يا الهام عامله ايه
شكرا ليكى يا منى بس انا مش عارفه الصراحه ازاى ممكن يكون فى اباء وامهات مش بيحبوا اولادهم انا كنت فاكره انى الحب ده غريزه يعنى موجود فى الجميع زى ما قالت هبه
شكرا للاستاذ احمد بس ازاى يا استاذ احمد لا نزيد الامر سوء هو فعلا الوالدين عايزين اننا نكون افضل منهم بس انا للاسف شايفه انهم بيعملوا كدا بالقهر والاواملر يعنى المناقشه اصبحت نادره فى هذه الايام مع انى شايفه انها انسب الاشياء مع هذا الجيل
لان هذا الجيل بالرغم كل الاشياء المتوفره كالنت والتلفيزيون وخلافه الا ان الحجات اصبحت نقمه وليس نعمه فيجب ان نرأف بحال هذا الجيل
الذى يجد الفتن من كل النواحى وصعوبة الحياه من ناحيه اخرى حتى اصبح من الصعب ان يعيش

وشكرا لامانى والحمد لله ان المسافه قربت بس صدفينى انتى الحمد لله كان والدك على حق فى احيان اخرى يكون سبب فى تعاسة اولاده
وبارك اللله فيكى يا هبه كلامك جميل

واسال الله ان يثبتنا على الاسلام وعلى سنة المصطفى فهم المخرج من الفتن وان يحسن خاتمتنا يارب العالمين وان يغفر لوالدينا

وعلى فكره يا الهام رايك صحيح بس الرقابه دى لازم تكون بطريقه صحيح علشان متجيبش نتيجه عكسيه
وربنا يعين الاباء والامهات الصراحه بقى اصعب حاجه دلوقتى الوصول لطريقه صحيحه فى معاملة ابناء هذا الجيل فالعذر للاباء وللابناء

موضوع فى غاية الروعة ياسارة ربنا يباركلك ....

بس بيتهيالى ان لو الاباء عودوا ابناءهم من الاول على انهم يكونوا قريبين

منهم ويحكولهم كل حاجة بتحصلهم ماكنتش الفجوة حصلت ...

الموضوع رائع بوجودك يا حنين
وطبعا كلامك صحيح بس ده بيتوقف على ثقافة الاب والام ومستوى تعليمهم وتفقهم فى دينهم

بارك الله فيكى ياسارة ...

كلامك صح برده ... بس يكفى ان الابناء يحسوا بالحنان والامن والاستقرا

ر الاسرى اكيد ده هيكون ليه تاثير كبير على تصرفاتهم وشخصيتهم عامة

ازيك ياسارة المشكلة فى مجتمعنا مش صعوبة التفاهم بن الابناء والاباء دا اساسا مفيش تفاهم في الاصل اهم شى الاب يوفر الاحتياجات المادية حتى مش مهم يشوف
ابناءة لان معظم الاباء يعملون فالخارج ولا يرون ابنائهم كل خمس سنوات وتتحمل الام كالحمل وحدها ويكون الاب عبارة عن بنك وهذة المشكلة منتشرة فى مجتمعنا

طبعا يا حنين اهم حاجه انهم يحسوا بالحنان والاستقرار لدرجة انى فى بعض الاباء الاميين بيكونوا انجح فى تربيتهم ومعاملتهم عن غيرهم من المتعلمين بس طبعا ده مش دايما

اهلا بيكى يا فاطمه
ايه يا بنتى النظره الغامقه دى انتى طبعا محقه انى الموضوع ده انتشر جامد وهو اساس المشكله انى الاب بيعتبر نفسه مجرد مصدر مالى مش اكثر وده طبعا بسبب ظروف البلد وقلة الدخل
وغيره

اللهم انى لا اسئلك رد القضاء ولكنى اسئلك اللطف فيه

السلام عليكم ورحمة الله وبركاته
الاخت فاطمة انتى بتلومى الاب انه بيحاول يوفر دخل مناسب لاسرته

انتى عايزاه يفضل بجاور ابنه وياصحبه ويتفاهم معاه ، بس ابئى قابلينى

لو عرفه يدخله جامعة او يصرف عليه ، ليه بتشبهو الاب بانه بنك فقط

وان الام هى الى بتتحمل المسؤلية فى التربية لوحدها .

مين يحب باباااااااااا هههههههههه
اخوة في الله لابد ان نفرق بين معامل الوالدين للبنات والاولاد حتي تتضح لنا الرؤيه
لا نقول انا لافرق مين يقول ذلك في راي منافق لانه لابد من وجود فرق في الطريقه والمعامله
الاولد تكون المعامل بعد التخرج تختلف كليااااااا بسبب انه اصبح فرد في المجتمع يحاسب علي كل شئ والاباء تريد ان تتفاخر بهم
البنات / عدم الزوج ,, كلام الناس /معاملتها مع الناس وغيرها من المشكلات التى تسبب كثير من المشاكل

السلام عليكم ورحمة الله وبركاته
استاذ ماذن فعلا الاب عليه ضغط فى توفير طلبات اولاده بس احنا بنقول انه ياريت ميخليش الموضوع ده هو مهمته فقط وانه يحاول يعرف انى اولاده محتاجين اله ماديا ومعنويا وليس ماديا فقط طبعا حضرتك فاهم قصدنا

استاذ احمد بالطبع تربية الولد تختلف عن البنت بس الفجوه مبتكونش هنا ولكن بتكون فى التفريق فى المعامله بين البنت والولد
طبعا حضرتك عارف نظرة الصعيد بانى الولد افضل
وبتذيد النظره دى فى بعض الاسر لدرجه بتاثر على البنت واحساسها انها غير مرغوب فيها ودوت اللى بيؤدى الى انطواء الولد او البنت على نفسه وحبه لاصحابه اكثر من والديه ومحاولته اثبات انه مش محتاجلهم وانه شخص مرغوب من قبل الاخرين وده طبعا بيحصل لما يكون ولد واحد والباقى بنات او العكس فبيكون فى تقرقه وده شى خطير جداوالله

ياختاه اوافقك الراي في هذه النظره ولكن هذه مشكله ننظر اليها ولا نتحرك علي الفتاه ان تجعل من نفسهاااا جوهره الكل ينصت اليها ما مكانه الفتاه في المنزل النشيطه المرحه المتدينه الرحيمه بوالديها واخواتهااااااا والفتاه العكس ذلك ؟
انظري الي كلاهما عند الزواج الاول يحزن علي فرافها اهل البيت ويتمني لها السعادة ...... الثانيه معلش في التعبيير بكسره وراه _( قله ) يارب ما ترجع؟
نحن البشر ميزنا الله بالعقل والتدبر

السلام عليكم ورحمة الله وبركاته
هو فعلا الاب هو مصدر مالى فقط وده للاسف هى دى المشكلة لانه بيتعمق فى الشغل وينشغل بيه وينسى ابنائه فى زحمة الحياة
لكن فى الزمن ده تساوى المرأة بالرجل فى هذا المصدر المالى واصبحوا الابناء هم الضحايا

السلام عليكم ورحمة الله وبركاته
ايوه يا استاذ احمد بس ازاى البنت ممكن تعمل ده وهى حاسه انها مضطهده من اللى حواليها
هى طبعا ممكن تحبب الاسره فيهابس لما تيجى الدنيا وتحس انهم بيحبوها

ومنى شكرا لمشاركتك وكلامك مظبوط طبعا بعد ما حصل والام اصبحت برا البيت معظم وقتها دى جعل الاسره متفككه وكل واحد على حاله
ونسال الله اللطف بنا

انا اؤمن انى لنا عقول وهبهاااااااااااااا لنا الله
ياختاه لا احد يكره ابنه وتقولين اضطهد ليه بس
انا كانت في الدنيا اضطهاد فلا ننسي لنا رباااااااااا ندعوه اليه

ونعم بالله يا اخى انا مقلتش حاجه
ايوه مفيش حد بيكره اولاده بس صدقنى الحكايه دى بتحصل
وانا مش بتكلم عن نفسى والله انا اصلا ممعيش اخوات بنات ومفيش اضطهاد ولا حاجه الحمد لله بس
الحجات دى بنسمع عنها من تفرقه فى المعامله او تفضيل البنات من قبل الاب والاولاد من قبل الام وغيرها من الحجات اللى بتحصل فى الدنيا
ونسال الله الهدايه وان يصلح حال الجميع

اللهم نور السموات الارض فاجعل من نورك ضياء للعقول فالاولاد والبنات كلهم عبادك
التفرقه في المعامله تعتبرها اختبار من الله وتقول الحمد لله وتحاول تري حل لتحسين الرؤيه اليها كما ذكرت سابقااااااااا
اللهم صلي علي نبينا محمد صلي الله عليه سلم

السلام عليكم ورحمة الله وبركاته
انا متفقة معاكى ياساره وده فعلا بيحصل وده للاسف بس المشكلة عند الاب لو الاب عطف على اولاده وحسسهم دايما بالعطف والحنان كانوا الابناء ايضا يبادلوه نفس الاحساس
شكرا

بارك الله فيك استاذ احمد
وشكرا ليكى يا منى وكلامك مظبوط بس الام والاب طبعا وجزاك الله خير
وصلى اللهم على سيدنا محمد وعلى اله وصحبه وسلم