مقارنة بين الاولاد والبنات لكن من نوع تانى خالص

السلام عليكم ورحمة الله وبركاته


النهاردة جبت ليكم مقارنة بين البنات و الولاد بس من نوع تانى نبدا

المقارنة الاولى
1- بالنسبة للفتاه لو مر من ادامها ولد و كانت معجبه بيه تلقى عليه نظرة من تحت لتحت علشان امرها ميتفضحش
2-اما بالنسبة للولد يالطيف يلف 360 درجة علشان يبص على البنت و تلاقى كل الناس عرفت امره من بصته

المقارنة التانية
حين نجد وجود قط غير مرغوب به داخل المنزل
1- بالنسبة للبنت فانها تقرب منه و تمسكه برفق و تطعمه و بعد ان ينتهى تتوجه الى الباب و تحطه بره و تغنيلوا اغنية اصاله اسفة و تعده انها هتدخله بكرة الصبح
2- الولد بقى ميصدقس نفسه لما يلاقى قط فى البيت فى اللحظة دى يتخيل نفسه زين الدين زيدان يسدد ضربة حرة فتلاقى القط المسكين بقى فى الحيطة

المقارنة التالتة
حين نجد بطل افلام الرعب للبنات صرصار
1- لما البنت تلاقى صرصار بالليل تسمع صراااااااااخ كانها سيمفونية بيتهوفين و تجمع شجاعتها و تجيد البيف باف و ترش عليه و تجرى و راه فى كل حتة و تقول هموتك يعنى هموتك و الصرصار قاعد بيضحك عليها
2- الولاد بقى لما بيشوفوا صرصار بيحسوا نفسهم هتلر و يمسك الصرصار و يعزبه و يقطع رجليه و يخليه عبرة للصراصير التانية

المقارنة الرابعة و الاخيرة
خناقة بين اتنين من البنات
1- بالنسبة لبنتين بيتخانقوا فانت مش هتسمع غير انت حمارة
لاانتى اللى حمارة و اللى ستين حمارة
لا انتى اللى ستمية و ستين حمارة
لغاية مايوصلوا ل 6666666666666666666666666666 حمارة
2- اما الولاد بقى و ده الصراع بين الجبابرة الرجالة يعنى
فكل الكلام تحت الحزام و هاتك ياشتايم
وبعد الخصام يحلى السلام .

بس مش كل البنات كدا فى بنات ياساتر عليها عاملة زى رية وسكينة

وفى بنات زى النسمة .

هههههههههههههههههههههههههههههههههههههههههههههههههه

جميلة يا مازن وخااااااااااااااااااااااااااااااصة

اقتباس :

1- بالنسبة للفتاه لو مر من ادامها ولد و كانت معجبه بيه تلقى عليه نظرة من تحت لتحت علشان امرها ميتفضحش
2-اما بالنسبة للولد يالطيف يلف 360 درجة علشان يبص على البنت و تلاقى كل الناس عرفت امره من بصته

جمييييييل جدا

ربنا ما يحرمناش من مواضيعك الجميله ديه

السلام عليكم ورحمة الله وبركاته

انا شاكك انك بتعمل كدا ياعبدالفتاح وبتلف 360 درجة ههههههه بهزر معاك طبعا

والهام بتعملى زيدن الدين زيدان مع القط هههههه اشك ، اكيد بتهربى وتجرى

وحيا الله الاخ سيد صاحب المواضيع الممتازة.

السلام عليكم ورحمة اللة وبركاتة
احيك يااستاذ ماذن على موضوعك الجميل بالنسبة ليا شوف يا سيدى
""انا حتى لو معجبة بولد مش هبص علية عشان ميفرحش
اما الصرصار دة ضيف قاعد معاك غصب عنك فندعى علية احسن ربنا ياخدة
اما القطة انا شايفة انها احن من الكلب "

ربنا يشيل عنا البلاء

بارك الله فيك يااخ مازن ... موضوع جميل جدا

هو فعلا الصرصار بطل افلام الرعب عند البنات ... الى جانب ابطال تانية كتير

طبعا .... اما عن القطط فانا بطبيعتى بحبهم بس مابحبش خيانتهم ...

والعكس مع الكلب مابحبوش لكن بحب اخلاصه ووفاؤه ...

واكيد انا مع الهام فى اننا النسمة ، مش ريا وسكينة

بصراحه موضوع جميل وضحكت جدا
الصرصار هوفعلا بطل افلام الرعب
وبالنسبه ليا انا كمان بترعب جدا من القطط

ههههههههههههههههههههههههههههههههههههه

لا بجد موضوع جميل يامازن وعلى فكرة مش الصرصار بس اللى بطل افلام الرعب ده فى حاجات كتييييييييييرة
مشكور على المواضيع الجميلة

والله كلامك يامازن ده ينطبقى على البنات اللى كانوا من ايام الثمانينات والتسعيتنات لكن دلوقتى العكس اجارك الله البنت تلف راسها 360 درجة ويمكن اكتر وبالنسبة للصرصار كان زمان الخوف بتاعهم دلوقتى بيعبوا اجوازهم فى كيس بعد التقطيع المريح على خمسين حته وبالنسبة للقطة ما اعتقدش انه هتغنى اسفة اعتقد انها هتغنى اكلك منين يا بطه قصدى ياقطة
وفى الخناقات بقى لا مبقاش حمارة خالص دبقى حمارة وبنت وبنت وبنت وانتى ياللى وهكذا الى ما لا تتوقعه ويتحول ذلك الى تشابك ايدى اقصد تشابك شعر بايدى
الله يرحم الانوثة دى كانت زمان معلش ياجماعه رية وسكينه رجعوا تانى

محمد صلاح هههههههههههههههههههههههههه

بس انت كدا ظلمت كل البنات ، لسه فى بنات زى النسمة بس قليلين .