مسابقة لذيذة جدا بس بشرط اللي عندة الضغط مايدخلش

مسابقة لذيذة جداً
هتضحك ناس كتير وهتفرس ناس اكتر
تحذير....
الرجاء عدم دخول اصحاب امراض الضغط والسكر والقلب

نبدأ ....
المسابقة بسيطة جدا بتعتمد على مدي قوة ذكاء وبكرر " ذكاء " اللي هيجاوب
انا هسأل سؤال واللي بعدي هيجاوب ويسأل سؤال زيّة مستفز
السؤال الاول
س / ليه القطر بالكهرباء
ولية الثلاجة بدورين
وليه التليفزيون ملون ؟
مع العلم ان اجابة الثلاثة واحدة
يالا وروني الذكــــــــــــاء

يانهار ابيض
دا مش تفاؤل
ده علشان الاسود خِلص

اية الذكاء المفرط ده
29 واحد يدخلوا ومايعرفوش الاجابة
ياخوانا الاجابة بسيطة
الاجابة هي : بسبب التقدم التكنولوجي

طيب ليه القطار مهم ؟

علشان بيموت ناس كتيرة فى مصر

يا رييييييييتنى ما دخلت

اصلى انا مريضه

وعندى الضغط يا بنى اءءءءءءءءءءءءءءءءءءءءه

الف سلامة عليكم كلكم
بس اجابتك يا وفاء (( غــــلـــط ))
لان الاجابة الصحيحة هي :
القطار مهم علشان تحته خطين

طيب نكمل المهمة القومية بتخفيض عدد السكان
السؤال الجاي هو :
فيه ثلاثة افيال قاعدين على فرع شجرة
الاول وقع
ياترى ليــــــه ؟
وبعدين التاني وقع
ياترى ليـــــــــه ؟
والتالت وقع
برضة ليـــــــــــــه؟

اللي يعرف الاجابة ليه هدية عندي
يلاااااااا

ههههههههههههههههههههههههههههههه
لا بجد مش مستحمله لنا زى الهام تعبت
اء اء اءاء

الحمد لله باقيلي 5 أشخاص تانيين واخد جايزة من وزيرة الصحة والسكان
ويمكن وزير الاقتصاد كمان

لا بجد الف سلامة عليكي يا هيام وانا متشكر جدا على دخولك ومشاركتك
بس كان نفسي تجاوبي ولو حتي غلط علشان تفشي غلك شوية
بدل ماتكتمي في نفسك لاحسن تحصلك حاجة

نفسي ف حد يكون عقلية نادرة ويجاوب

علشان فرع الشجرة انكسر

مصطفى باشا
نورتني والله
بس للأسف المريع
اجابتك
غـــــــــــلـــــــط

والاجابة علشان خاطر عيونك انت وبس هي:
الاول وقع لانه اتزحلق

والتاني وقع لانه برضة اتزحلق
اما التالت بقي وقع
لانه كان فاكرهم بيهزروا فوقع زيهم
الاجابة سهلة وسلسة وبسيطة

يلا على الصدمة...
قصدي السؤال اللي بعده......

السؤال بيقول :

ليه القطر (القطار) بيستنى قدام الصيدلية ؟

اظن سؤال اسهل من كده مفيش
وروني همتكم بقى

عشان يشوف القطره .... قطارات اخر زمن !!!!

السلام عليكم ورحمة الله وبركاته

يااخ محمود إنت جبت الضغط للاعضاء انا بقى هجبلك الضغط

جاوب على الفزورة دي لوحدك بسرعة لما أشوف ذكاءك :

ليه لما يكون فيه مسئول نظيف وأمين ويعمل بضمير في مصر لايستمر وتتم

إقالته ويختفي من الوجود بلا رجعه -- حل ياشاطر

السلام عليكم ورحمه الله وبركاته
هو انا بصراحه ياستاذ خالد مش عارفه الاجابه بس انا معاك زى مجبلنا الضغط انا برضه حجيبهوله ويجوب كمان على السؤال ده
تعرف تقولى خمس فروق بين الفيل والنملة ؟

سؤال صعب ياخالد بيه ..... الظاهر الضغط مش هيجى لمحمود وحده

اما الاخت هيام فسؤالك سهل

خمس فروق بين الفيل و النملة

1 - رجل الفيل ممكن تنمل ، لكن رجل النملة مش ممكن تفيل

2 - المطبخ فيه نملية وما فيهوش فيلية

3 - ينفع تاكل سمك فيليه ، لكن مش ممكن تاكل سمك نمليه

4 - كل واحد له بروفيل ، لكن ماحدش له برونمل

5 ــ معرفش الفرق الخامس بصراحة ياريت تقوليه .

الله يحظكم ضحكتونى !!!!

You can feel, but you can't namla

التخصص يحكم

اجابة سؤال الاستاذ خالد بسبب
1- ؟؟؟
2- ؟؟؟ الخ
السؤال طالمابدانا فى الفروق

الفرق بين البطة والوزة

السلام عليكم ورحمة الله وبركاته
إجابة سؤال أستاذ خالد
ليه لما يكون فيه مسئول نظيف وأمين ويعمل بضمير في مصر لايستمر
وتتم إقالته ويختفي من الوجود بلا رجعه
ممكن نقول يا أستاذ خالد ان دى سياستها
وربنا يسترها معايا وكمل معاكم على خير وما ختفيش

السلام عليكم ورحمة الله وبركاته

منور يا كبييير

رد على سؤالك

ماكانوش قالوا ( يبقى انت اكيد من مصر)

انتم مش ملاحظين حاجه ياجماعه

ان الاستاذ محمود كامل مش موجود

انا خايفه لتكون حصلت له حاجه
ا

السلام عليكم ورحمة الله

اولا احب اسلم على الكبيـــــر اوي
الاستاذ خالد وبجد نورتني يا استاذنا
وانا متهيئلي ان دخولك عندي دا كفاية ومش عايز حاجة م الدنيا تاني
واجابة سؤالك سهلة جدا
ليه لما يكون فية مسئول نظيف وامين ويعمل بضميرلايستمر وتتم اقالته ويختفي من الوجود لان (احنا) عايزين كدة
العيب مش في الحكومة ولا في السياسة
العيب فينا احنا لاننا بنرضى بأي حاجة حتى لو بالاهانة
ومش غريب لما يجي حد عايز ينظف الجراثيم تتراكم علية ومايلاقيش اللي يساندة
ياعني بنسيبة لوحدة وسط المعركة ونقول(( وانا مالي))

ثانيا احب اشكر الاستاذ حازم جدا
لانه انقذني من ورطة كبيرة
ومكيدة شنيعة كادت تحيق بي
وعلى فكرة اجابتك عن الاسئلة دي بتنم عن ذكاء خارق يكاد يصل الي حد العبقرية
اهنيك يابني من كل قلبي
اما بالنسبة للهدية
هديتك اهيه
[ندعوك للتسجيل في المنتدى أو التعريف بنفسك لمعاينة هذه الصورة]

يالا ياعم دي لو قدرت تتصرف فيها هاتجيبلك مش اقل من 3 مليون جنية
وعيـــــــــــــــــــش

واخيرا وليس اخراً تحياتي للاخوات
هيام وهالة والهام
واللي داخلين عليا سخنين معرفش لية وكأني سألت سؤال مستفز مثلا
دي اسئلة سهلة وبسيطة وسلسة
وبتقوي الاعصاب (لانك كلما تحملت ضغط اكتر ومانفجرتش تبقى صحتك كويسة)

وبالنسبة للفرق بين البطة والوزة
الوزة كانت بطه بس الشيطان وزها

على فكرة انا عملت مشاركة جديدة
بعنوان الموضوع ده للبنات وبس
ادخلوا عليه
هاتستفيدوا جداااااااً

المهم

جاوبوا على السؤال ده

معايا عجلة (دراجة) عايزها تمشي بنفس سرعة القطار
اعمل ايــــــــة ؟

وكالعادة.....
سؤال سهل وسلس وبسيط

السلام عليكم ورحمة الله وبركاته

أشكر أخي وحبيبي حازم أبو إسراء والغالية إلهام وأخواتي الأعزاء شيماء

وهالة جمال وهيام هاشم وكل عام وأنتم جميعا بألف خير وسلام

وتحياتي لأخي الفاضل المحترم محمود كامل أحمد وشكرا على كلامك الطيب

وبالنسبة لإجابتك عن سؤالي برافو عليك والله هي دي الحقيقة التي يغفلها

الجميع سواء بقصد أوبدون قصد وربنا يهدي الجميع ويصلح الحال

وأتمنى أن تتواصل معنا دائما في هذا المنتدى وهذا شرف لي شخصيا

* بالنسبة للعجلة والقطار أعتقد إن القطار يهدي السرعة بتاعته أونربط

الدراجة بالقطار وربنا يستر

يا أستاذ خالد الشرف ليا انا والله
وبعدين كفاية اتعرف علي ناس حلوين وروحهم جميلة في المنتدى هنا

اما بالنسبة للإجابة
فهي فكرة برضة اننا نربط العجلة في القطار زي اللي ربط المعزة في القطار علشان مايقطعلهاش تذكرة
ولما وصل لقاها فاتحه بقها قلها: بتضحي كمان؟ طبعا مانتي راكبه ببلاش

الاجابة الصحيحة
نحط العجلة فوق القطار
مش بقولكم
الاجابة سهلة وسلسة وبسيطة

السؤال اللي جاي ده مدرج ضمن اسئلة اختبار الذكاء
وانتوا عارفين معني كلامي اية
السؤال بيقول :
انت في سباق للجري
وكان وانت بتجري تخطيت صاحب المركز التاني
ياترى مركزك اصبح الكـــام ؟؟

هاااااه مين اللي هايسبق ويجاوب

السؤال اللي فات للاذكياء
وعلشان نرضي كافة الاذواق لازم نحط سؤال للــعــبــاقــرة
والسؤال بيقول :
عندنا فيلين عايزين نحطهم في قزازة سفن اب
من غير مايلمسوا بعض
ازاااااي ؟

خدوا بالكم
لازم قزازاة (سفن اب) مش (سبرايت)

السلام عليكم ورحمة الله وبركاته

تسمحلى يامحمود أحل سؤال العباقرة ،

الأجابة : نحط بينهم فيل تالت ،

وبالنسبة لسؤال الذكاء مركزى هيكون التانى .

وربنا يستر

يا سلاااااااام
اخيرا صادفت عبقري جديد

تحياتي ليك يا اخ احمد
بص يابني انا بتنبألك بمستقبل باااااهر

بس خارج مصر للاسف

لان المناخ السائد لا يشجع امثالناويساندهم

خدوا السؤال الجديد

حاجة صفراء وبتعوم فوق المية
واولها (( خ ))

ياترى هية اية؟

اه نسيت
سؤال سهل وسلس وبسيط

لو ماعرفتوش الاجابة للسؤال اللي فات ممكن تجاوبوا على السؤال ده

هو ليه الهرم حاطين فوقه حديدة
السؤال دة موجة للجميع
وخاصة للاستاذ خالد (ردا على السؤال اللي سألهولي قبل كدة )

يالا جاوب وبسرعـــــــــــــــة
انا مستني
24 ساعة ف المنتدى

وبعدين ياخوانا اللي مايعرفش الاجابة يقول
عادي يعني مايتكسفش

وعلشان تحضروا
السؤال اللي جاي هايكون عن الفيل
يالا ذاكروا وحضروا كل معلوماتكم عن الفيلة

السلام عليكم ورحمة الله وبركاته

الأصفروبيعوم على الميه على ماأعتقد { الخشب }

أما ليه الهرم حطين فوقه حديده سؤال سهل جداً وأي حد في الدنيا

يعرفه وممكن يجاوب عليه بمنتهى السهولة -- ماعدا أنا مش عارف

يمكن علشان يطير بيها العصافير

هههههههههههههههههههههههههههه

فعلا الاصفر اللي بيعوم على المية هو الخشب

طيب تقدر تقولي حاجة صفرا وبتعوم فوق المية وأولها (( ح ))

اما سؤال الهرم
انا هاسيب لك محاوله اخري
حاول دي سهلة جداااااااااا
المهم تبعد عن الاجابات التقليدية
ابتكر سبب ، سبب بروفيشيونال

طيب تقدر تقولي حاجة صفرا وبتعوم فوق المية وأولها (( ح ))

أعتقد ممكن تكون حوت -- أما الهرم علشان يتعكز عليها

اولا ماسمعش عن حوت اصفر
ولو كان فية .....انا ماعرفهوش
الحاجة الصفرا اللي بتعوم فوق المية واولها ح
(( حـــــتة خشبة ))

اما الهرم فوقة حديدة
علشان يرفعوه منها لما يحبوا ينظفوا تحته
اجابة منطقية جدا
ولا ايـــــــــــه؟
سؤال سهل وسلس وبسيط
.
يعجبني فيك يا استاذ خالد انك مثابر
تحياتي ليــــــــك

يالا علشان اشوف الناس اللي حضرت الدرس وذاكروا
قلتلكم ان السؤال الجاي عن الفيل
.
السؤال بيقول
ليه الفيل بينزل البحر بالمايوة الاحمر؟
.
سؤال سهل وسلس وبسيــــــــــــط

ليه الفيل بينزل البحر بالمايوة الاحمر؟

علشان المايوه التانى مبلول .

صح والا ؟؟؟؟؟؟؟؟؟؟؟؟ .

صح جدااااااااااااااااااا
الفيل بينزل البحر بالمايوة الاحمر علشان المايوه الازرق مش نظيف (ماهو كده كده يايتبل!!!)
شوف ياحمد
انت الوحيـــــــــد اللي رافع معنوياتي
بس فينك من بدري؟
مخليين الضغط كله على الاستاذ خالد ، وانتوا عارفين ان دي اسئلة بتدمر الاعصاب
الراجل كتَّر خيرة بصراحة
المهم انك نورتني بإشراقتك

سؤالنا النهاردة بيقول:
.
حاجة حمراء ومدورة وبتتاكل
هي ايـــــــــه؟؟
وكالعادة سؤال سهل وسلس وبسيــــــــــــــــــــــــــــــــــــــــــــــــــــــــط Evil or Very Mad

والله مشرفنا ياابوسلامه

أما حاجة حمراء ومدورة وبتتاكل هي ايـــــــــه؟؟

* ممكن تكون الطماطم

* هو أحمد سلامه راح فين ياحبيبي لما الراجل ده ينزل السؤال إنت جاوب

على طول ماتدلهوش فرصة ياأبوسلامة إحنا ضحينا بيك علشان الأعضاء

يعيشوا ههههههههههههه هزار عرفك لتشمت {محمود كامل } فينا ياأحمد

السلام عليكم ورحمة الله وبركاته

الله يخليك ياكبير ، من بعض ماعندكم .

والله أنا مش عاوز أقطع علي محمود كامل ، خايف

ينقرنى عين يجيبنى الأرض ،

أنا فداك ياكبير وفدا الأعضاء ، وربنا يستر

حاسس انى انا اللى هيجينى الضغط هههههههه ،

مش عارف حد مسلطه علينا والا ايه ، المصيبة

عمال أحل ومفيش جوايز ، أما أشوف آخرتها ايه

يامحمود .

أمرى لله أحل السؤال وربنا يستر :

التفاحة .

ايـــــــــــــــــــــــــــــــــــــــــــــه ده؟
طماطم وتفاح !!
احمدك يارب ... فاضل نوع تاني وهانفتح ((شادر)) ياخوانا
يا استاذ خالد - كيلو الطماطم بقى بـــ 10 جنيــــه
ياعني مش للأكل. وانا بقول حاجة بتتاكل

اما احمد سلامــــــــــــــــــــــــــــــــــة

فلو جات على انك تـتـنـقـر عين وتجيبك الارض تبقى هيِّنة
دانا ناويلك على نيِّـة ......
خد بالك من نفسك يابني
الكبــــيــــر صَدَّرك في وش المدفع .... وخلع!!
وانت صدقته وعملت دور الفدائي
طيب اشرب........
اولا: اجابتك غلط
ثانيا : بعد ماتجاوب على السؤال ده (وآدي دقني لو عرفت)
تجاوب على السؤال دة :
حاجه سودة وبتطير ، وبتنونو . ايه هي ؟؟
ولازم تجاوب على الاتنين ، وماتقوليش قلبي ،و عيني بتزغلل ،ومش قادر اتحرك
وان شاالله تشاور بعينك على الاجابة ، المهم تجاوب
في موعد اقصاه منتصف ليل غدا ،الساعة الثانية عشر
وانا لله وانا اليه راجعون
وحدوووووووووووووووووه

السلام عليكم ورحمة الله وبركاته
والله ياأستاذ محمود موضوع وفكرة رائعة وأسئلة جميلة وردود الأعضاء أجمل وأجمل وياريت تستمر لأنى ضحكت واتبسطت من الأسئلة والتخمينات
ولكنى اكتفى بموقف المتفرج لأن الصراحة التفكير بيتعب أعصابى والدكتور منعنى منه وشدوا حيلكم وربنا معاكم
وطبعا هنيئا لأطباء الضغط والسكر والملح
والسلام ختام

وبالنسبة للسؤال الأخير أنا حاولت جاهدة التفكير فى الحل وآخر ماتوصلت إليه هو إنه ممكن تكون قطة سودا رماها الأستاذ محمود كامل من فوق سطح بيتهم
وتقبلوا تحياتى

وبالنسبة للسؤال الأخير فأنا حاولت جاهدة التفكيرفى الحل وآخر ماتوصلت إليه إنه ممكن تكون قطة سودا رماها الأستاذ محمود كامل من فوق سطح بيتهم

بطل تمثيل يا حودة ، آخرك معايا انى احل

السؤال مرة واحدة وياصابت ياخابت ، لكن انى

احله مرة تانية حتى لو عارف الاجابة انسى مش

هانولك اللى فبالك ، ولعلمك انا مش من النوع

اللى بيجيلهم الضغط بسهولة ، ولا قلبى ،

ولاعينى ، ولا الكلام الفاضى دة ، لتكون صدقت

الهزار اللى قلته لأستاذ خالد ، وبلاش انت

ياحودة .

ابعد عنى يابنى علشان أنا طريقى كله

مطباااات .

أنا هاحل التانى :

حاجه سودة وبتطير ، وبتنونو . ايه هي ؟؟

غراب بس بيستهبل .

هااااااااااااا فيه حاجه .......

اولا
احب اشكر الاخت العزيزة الزهراء على مناصرتها للحملة القومية التي اقودها والمعنية بتخفيض عدد السكان عن طريق طرق مبتكرة وغير تقليدية على طريقة (( ياتْحِل ياتْفِل ))
المشكلة ان فية اتنين مزرجنين معايا.... بس هايروحوا فيــــــــن مسيرهم هايوقعوا

اما الاخ احمد سلامة
فاتفاقنا كان على اجابة السؤالين
وإجابتك عن سؤال واحد وتركك للآخر ؛ بحجة انك مابتحاولش اكتر من مرة فدي طريقة لزيزة للهروب من المجهــــــــول اللي كان بينتظرك على يدي

وانت كدة بترمي الكرة في ملعب الاستاذ خالد
وانت عارف انه كان متِّـكل عليك في الموضوع دة
وانته كده هاترجعة لنقطة الصفر مرة تانية
ولسه هايدور على ضحية تانية
بس هاتروح مني فين يا احمد يا سلامة
وراك وراك

بس والله فرَّحتني
لان الاستاذ خالد رجعلي تاني
يالا يا استاذ خالد جاوب على السؤال الاول لان اجابة التاني
(( للأسف الشديد)) صـــــــــــــــــــــحيـــــــحــــــة

حاجة حمرة ومدورة وبتتاكل هي ايــــــــه؟؟؟

اقتباس :: والله ياأستاذ محمود موضوع وفكرة رائعة وأسئلة جميلة وردود الأعضاء أجمل وأجمل وياريت تستمر لأنى ضحكت واتبسطت من الأسئلة والتخمينات
ولكنى اكتفى بموقف المتفرج لأن الصراحة التفكير بيتعب أعصابى والدكتور منعنى منه وشدوا حيلكم وربنا معاكم
وطبعا هنيئا لأطباء الضغط والسكر والملح
والسلام ختام

يا الزهراء احنا في الموضوع ده بنهدي النفوس
وننمي التفكير الابداعي
بس انا مابرميش القطط من الشباك ولا حاجة
دانا قلبي ابيض من ورق العنب
بس ياريت تحاولي تفكري في حل محدش يقدر يجيبة غيرك انتي
زي احمد سلامة اللي وصل لدرجة انا بـــــحـــــــســــــده (سامع يلا) بحسده عليها
الحاجة السودة اللي بتطير وبتنونو هي
غراب بيستهبل
هو ده التفكير اللي انا عايزة
شدوا حيلكم شوية المشوار لسة طويــــــــــــل
وماتنسوش تدعوا للاستاذ خالد اللي مش عارف اية اللي مصبره عليا
لو واحد غيرة كان دور عليا وكتب على بيتنا ( هنا مقر تنظيم القاعدة)

» معلومات لذيذة......
» حديقة البيض ..بسيطة و لذيذة
» برنامج فك الضغط او ضغط الملفات
» اسئلة ترفع الضغط!!!
» من أين يأتي الضغط والسكر للمدرس؟؟؟