مسابقة لذيذة جدا بس بشرط اللي عندة الضغط مايدخلش

خالد السيد كتب:: أرجو أنا أكون إستطعت أن أوضح بعض الشيء وأتمنى منك المشاركة الإيجابية بما تستطيع
أن تفيد به الناس واقسام المنتدى كثيرة ومتنوعة أدخل القسم الذي يناسبك وتفاعل معه
وماترى عدم مناسبته لك إتركه ولاتدخله ولك الحرية ولكن أرجو عدم السُخرية من أحد

وضحت توضيح عشرة على عشرة وعفارم عليك لكن الظاهر انك فاكر ان الناس كلها زي حضرتك اطمن يااخى انا طالبة فى الدبلومة العامة السابقة وياريت متمسحشى اى كلمة فى كلامى انا عندى منه نسخ ولو مسحته هنزله تانى وثالث وكمل نقاشى واقنعنى والا هراسل ال admin على الخاص عشان النكت والالغاز والمهازل والتعارف ال بيحصل فى موقع مكتوب باسمه وقال ايه كل واحد حاطط صورته وايميله اهى عند دى يامستر خالد بتمسح من غير ما تجاوب تقدر تقولى ليه منزلين صوركم وايميلاتكم واكتر من مرة تنزل رقم موبايلك تقدر تقولى ليه ؟

خالد السيد كتب:: * مع العلم أن الغرض الأصلي من هذا المنتدى لم يفهمه الأعضاء حتى الآن وهو حُلم
الدكتور ياسر / أن ندرس المواد العلمية بطرق إسلامية مثل مدرس العلوم يدخل ويشرح
درس علوم مستشهداً ببعض الآيات القرآنية والأحاديث النبوية الشريفة وهكذا باقي المواد
والمحاضرات وغيرها وهذا هوإسم المنتدى {التأصيل الإسلامي للمعرفة }

الحمد لله انك عرفت ان المنتدى محققشى غرضه الاصلى واتجه اتجاه اخر عشان كده بطالب الدكتور ياسر انه يحذف اسمه من الموقع لان الدكتور ياسر اكبر من كده بكتير واكبر من انه يكون صاحب موقع فيه قسم للنكت والفضفضة والالغاز والتعارف ياريت بلاش الحذف بدون اذن
عشان كده وحش

شوف أوشوفي بالنسبة لوضع الصور أو البيانات الشخصية للرجل لاأعتقد إن
فيها أي شيء وأدخلي المواقع الدينية الخاصة بأكبر العلماء موجود صورته وإيميله وتليفوناته ولكن أنا غير موافق إن أي أخت تفعل ذلك خوفاً عليها من أصحاب القلوب المريضة - أما تليفوني فهو موجود في قسم التعارف مع كل شيء عني حتى لاأكون إنسان نكره لايعرف
من يتعامل معي هل أن ذكر أم أنثى كبعض الأعضاء الذين لانعرف هل نقول لهم ياأخ أو
ياأخت كما أن تليفوني هذا بفضل الله وبواسطته تم تقديم خدمات كثيرة لأخوة وأخوات في المنتدى وكان كل تعاملي معهم لم يخرج عن حدود الأدب والأخلاق وأتحدى أي إنسان يأتي ويقسم بالله أنني تعاملت مع أي أحد عكس ذلك وأنا الحمد لله متزوج من سيده فاضله تقوم الليل وتصوم النهار وتعلم عني كل شيء وهي عضو في هذا المنتدى ومعظم الأساتذة الأفاضل بكلية التربية وغيرها تتلمذواعلى يد والدها دينياً -- بإختصار مش محتاج لأي تعارف مع الجنس الآخرإلا في حدود الأدب والأخلاق ومايرضي الله عزوجل وغير ذلك لايلزمني ولاأريده
أما عن الدكتور ياسر فهو يعرف كل مايدور في المنتدى وتم إلغاء عضوية أكثر من عضو لخروجهم عن حدود الأدب أما أن يحذف الدكتورياسر إسمه من الموقع يبقى من الأفضل أن يحذف الموقع نهائياً وأعتقد أن مكتبه مفتوح للجميع وممكن تذهب أو تذهبي لمكتبه وتقولي رأيك في منتهى الشجاعة -----
أما نبرة التهديد بمراسلة الadmin لو تم حذف مشاركتك والله لو كانت المشاركة خارج
حدود الأدب فسوف أحذفها وأفعل مالا تتخيلينه وأنا الحمد لله لااخاف إلا من الله وحده وعملي في المنتدى عمل تطوعي لوجه الله وعلاقتي مع الدكتور ياسرفهو أخ ومن أحب خلق الله إلى قلبي وليس لهذه الأخوة والصداقة والمحبة أي علاقة بالمنتدى ونصيحتي مرة أخري إذا لم
يعجبك المنتدى ممكن نرد لك تبرعاتك المالية وإذهب لأي منتدى آخر أوإعمل منتدى خاص بك وده سهل جداً ومجاناً ولكن هذا المنتدى سيتواصل إن شاء الله كما هو ولن يستطيع أي حاقد أو حاسد أوجاحد أن يهبط من عزيمتنا وإن شاء الله سوف نتواصل لتقديم العون لإخواننا الملتحقين في الدبلومات في الأعوام القادمة ويكفي شرفاً وفخراً لهذا المنتدى الوليد في شهرأبريل 2010م أن يقدم كل هذه الخدمات في هذه الفترة الوجيزة ويحقق لأبناء الدبلومة 2010 من خدمات مالم يحققه أي منتدى على مدارسنوات بشهادة الجميع والحمد لله رب العالمين ---
{ وهذا آخر رد مني أنا شخصياً وهذا آخر كلام }

يا استاذ خالد
انا عايز اعرف انت تاعب نفسك لية؟
الموضوع بتاعي لاصحاب الاعصاب الشديدة
وانا عملت تحذير لمن لا تتحمل اعصابة بعدم الدخول
الاخ \ او\ الاخت اعصابة \ او \ اعصابها ماستحملتش
ياعني كلها يوم او سنتين وهايهدى
،
،
اللي خلاني انتصرت على ... احمد سلامــــــــه ... والكل عارف مين هو
وخليته جاوب على السؤال بتاعي مرتيــــــــــــن
ودا كان بيعتبرة من المستحيلات الاربع واسألوه
مش هايخلي (اعصاب) عضو جديد تفلت
،
،

بس ليا رجاء بسيط من الاخ az
هذا الموضوع لتنمية الذكاء فقط
ولنشر روح التعاون والتنافس
وليس للتراشق او العند ( والعند يوَّلِّد الـــ) ولا اريد ان اكمل

م الاخر
انا صاحب الموضوع
ومش عايز مشاكل في موضوعي
واللي عايز يتشاكل ... لو سمحت مش هنا
،

[color=cyan]نصيحة لينا كلنا
طالما انك شايف انك على حق
وليك وجهة نظر....
ممكن تعمل موضوع جديد باسمك وتقول اللي يعجبك
ومن خلاله هاتعرف مين مساندك وتوضح وجهة نظرك بصورة افضل ليك ولغيرك وتتيح لك الرد على الجميع . ويرد الجميع عليك ’’’’ فالاسلام بني على الحوار وصاحب الحجة هو من يفرض (يقبل) الجميع رأيه ، ولا يفرض - هو - رأيه على الجميع.
اظن انها فكرة جيدة
ولك علىَّ ان اكون من الاوائل الذين يدخلون على موضوعك
بصفتي اخ اولا واخيرا فانا خوك شئت ام ابت ، رضيت ام لم ترضى طالما اننا مسلمون.
العصبية لن تفيد ,,, قد يكون الحوار الهادي افضل بكثييييييير واسالني انا
[color]
,
وأخيرا
الاخ انتقد الاستاذ خالد في ان المنتدى ماحققش الهدف منه!!
طيب يا سيدي انا مدرس لغة عربيه وهاقوم بإنزال مشاركة فيها شرح للدروس للصف الثالث الابتدائي بطريقتي الخاصة موضحا كيفية غرس الروح الاسلامية في الاطفال من خلال الدروس الموجوده في الكتاب المدرسي ، وهي محاوله بسيطه مني وارجو ان يستفيد منها الغير - مع العلم ان هناك من هو افضل مني بكثـــــــــــير ويستطيع القيام بما هو اعظم من عملي المتواضع - ولكن كما قلت هي محاوله تحتمل الصواب كما تحتمل الخطأ
واتمنى من الزملاء عمل المِثل
وارجو من الاستاذ خالد - مشكورا - ان يدلنا على مكان وضع هذه الموضوعات

أحمد سلامه كتب:: وبعدين فين الهدية ياحودة ، وهتحتاج صورة

كاملة ليه ، انت ناوى تعمل ايه فالصورة ، مش

مرتاحلك يابن الحاج كامل ، ههههههه .

.
ياعم ماتخافش انا كنت ناوي اعملك مفاجأة لزيزة
وسارة والله
وبعدين يا ابو سلامة انت عارف
انت حبيب قلبي والله ,,,,هو انا اقدر اعمل حاجة في صورة اخويا برضة Twisted Evil

ههههههههههههههه

انا ناوي اعملكم موضوع جـــــديــــد
/\
/\
/\
/\
/\
/\
/\
/\
/\
/\
سامع ناس بتقول يوووووووووووووووووووووووووووووه
,
استنوا بس
دا موضوع عن الهرم الاكبر
وهاجيب فيه معلومات (انا نفسي) اول مرة اعرفها
معلومات خطيييييييرة
وانا متأكد ان كتييييييييييير مايعرفهاش
كونوا مستعدين
الموضوع شيق
وممتع
وانتظروه قرييييييييـــباً

ولان الموضوع الجديد عن الهرم.........
،
لازم السؤال الجديد يكون عن الهرم
.
والسؤال بيقول
,,,,,,,,,,,,,,, كم يبلغ ارتفاع الهرم الاكبر بدايه من الحجر الخامس
وكالعادة سؤال سهل وسلس وبسيــــــــط

ايـــــــــــــــــــه يا خوانا
هو السؤال اللي قلته صعب للدرجة دي ولا ايه؟
،
كم يبلغ ارتفاع الهرم الاكبر بداية من الحجر الخامس؟

انا عملتلكوا كل اللي قلت عليه ماعدا حاجة واحدة
هدية احمد سلامة علشان مابعتش الصورة اللي قلت له عليها
يالا حد يغش الاجابة من الموضوع التاني
اديني بسهلكوا الموضوع مالكوش حجة

انا هاحاول اجاوب بنفس الطريقة اللي انت شرحتها
ولو اجابتي كانت صحيحة يبقى انا حطيت رجلي على اول درجات المجد قصدي العبقرية
ههههههههههههههههه
طول الهرم الاكبر ابتداءا من الحجر الخامس = ارتفاع الهرم الاكبر - اول خمس احجار
وربنا يستر

,
ايه الجمال ده يابني
عرفتها ازاي ؟؟؟
مع ان السؤال ده جديد جداااااااااااااااااا ً
,
فعلا اجابتك صح
مبرووووووووووووووووووووووووووك

.
[ندعوك للتسجيل في المنتدى أو التعريف بنفسك لمعاينة هذه الصورة]

نعود للسؤال الجديد
السؤال بيقول :
شيئ يشبهك ،، ولكنه ليس انت!!
يقف نفس وقوفك ، ويمشي نفس مشيتك ، ويفعل كل ماتفعله انت بالضبط .
تُرى من هو؟
ياترى مين اللي هايسبق ويجاوب؟؟؟؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ورحمة الله وبركاته

حبيب قلبى ، ازيك يابن الحاج كامل واحشنى أوى ، ايه الراجل دة هيفضل ماشى

كدة على طول ، ايه مبيتعبشى ، ربنا يتوب عليه .

السؤال بيقول :

شيئ يشبهك ،، ولكنه ليس انت!!

يقف نفس وقوفك ، ويمشي نفس مشيتك ، ويفعل كل ماتفعله انت بالضبط .

تُرى من هو؟

الاجابــــــــــــــــــــــة :

( الظــــــــــــــــل ) .

ههههههههههههه
ابو سلامـــــــــــــــــــــــــــه
غيبتك طالت ياغالي ، والله قطعت بينا يابني
وبعدين مش الراجل اللي بيمشي ده وحده اللي تعبان
كل اللي حوليا تعبانين معايا
هههههههههه
المهم
اجابتك
/\
/\
/\
/\
/\
/\
/\
صـــــــــــــــــــــــــــــــــــــــــــــح

.
وخد دوله وماتديهمش لحد غيرك.
.
[ندعوك للتسجيل في المنتدى أو التعريف بنفسك لمعاينة هذه الصورة]

ربنا يخليك يا حودة ، تسلملى ويسلم لسانك الحلو ، معلش مرحلة وعدت ،

وأدينا رجعنا للملاعب تانى ، ومازال التمرد والصمود موجودا ،

أنا ماقصدكشى انت طبعا بالتمرد والصمود .

تسلملى وتسلم صورك ، ايه مش ناوى تغير الصور ، ربنا يتوب عليك منها ،

أنا قلت شايللى حاجة جامدة ،

طيب حتى أجندة ، قلم رصاص ، كيس جوافة ،

على العموم ياسيدى مش هاكسفك ، صور ، مفاتيح ، كله مـــــــــــاشى ،

واطمن مش هاديهم لحد ، بس وحياتك ياريت تكمل جميلك وتجيبلهم ماديلية بالمرة .

إتمرد ياأبوسلامه على كيفك بس لما تعوذ هدية تطلبها مني أنا وبس
إختار الميدالية إلي إنت عاوزها إتفضل

[ندعوك للتسجيل في المنتدى أو التعريف بنفسك لمعاينة هذه الصورة]

السؤال الجديد
هو لغز بصراحة
واللي عمله اينشتاين، وقال ان من يستطيع حله على وجه الارض نسبتهم 2% فقط!!
نبدأ بالحقائق..........
1- هناك خمسة بيوت لكل منها لون معين
2- يسكن في كل بيت رجل ذو جنسية معينة
3- لكل واحد من السكان مشروبه المفضل ونوع تبغة المفضل ويقتني حيوانا اليفا مختلفا
4- لا يتششابه المشروب ولا نوع السجائر او الحيوان الاليف لأي من السكان مع باقي سكان البيوت

الـــمــعــطيات....
1- يسكن البريطاني البيت الاحمر
2- يقتني السويدي كلبا اليفا
3- يفضل الدنماركي شرب الشاي
4-يقع البيت الاخضر على يسار البيت الابيض
5- صاحب البيت الاخضر يشرب القهوة
5- يقتني من يدخن (بول مول -يعني الكليوباترا-) الطيور
7- يدخن صاحب البيت الاصفر تبغ (دانهال -يعني سوبر -)
8- ساكن البيت الذي يقع في المنتصف يشرب الحليب
9- يسكن النرويجي البيت الاول
10- يسكن من يدخن تبغ (بليندا يعني مارلوبورو) الى جوار من يربي القطط
11- يسكن من يقتني جوادا الى جوار من يدخن (دانهال يعني سوبر)
12- الذي يدخن تبغ (بلو ماستر يعني بوكس) يشرب العصير
13- الالماني يدخن تبغ (برنس يعني توشكى)
14- يسكن النرويجي البيت المجاور للبيت الازرق
15- من يدخن تبغ (بليندا يعني مارلوبورو) له جار يشرب الماء
.
السؤال
من الساكن الذي يربي السمك
.
اللي هايعرف الاجابه ليه كرتونه دواء ضدد الضغط
يالا سؤال سهل وسلس وبســـــــــيط

معلش انا كنت بظبط في اللغز الجديد
وبعدين ياابو سلامه دي مش اي مفاتيح
دي مفاتيح قلبي
وانت عشان حبيبي انا استأمنتك عليهم
.
واسمع كلامي انا
وماتسمعش كلام الاستاذ خالد
واسمع كلام جدو
وماتسمعش كلام اللي يستفذك

حاضر يا " كبير " ، دائما تحرجنى بزوقك الجميل ، هاخدهم كلهم ومش هاكسفك ، أهم ينفعوا

محدش عارف يمكن تحصل أزمة ميداليات فى البلد ، بس أنا عاتب عليك أتعديت من حوده

والا ايه صور برضة ، مااااااااااشى ياكبير كله مقبول منك .

بالنسبة ل " حوده " فأنا باحييه ، وباحييى اينشتاين على اللغز الجامد دة ،

وحل اللغز :

الألمانى هو الذى يربى السمك .

أما تفاصيل الحل كما يلى :

نرويجى - - - دنماركى - - - بريطانى - - - سويدى - - - ألمانى

أصفر - - - - - أزرق - - - - أحمر - - - - أبيض - - - - أخضر

ماء - - - - - - شاى - - - - حليب - - - عصير - - - - قهوة

قطط - - - - - - خيل - - - عصفور - - - - كلب - - - - سمك

دانهال - - - - - بليندا - - - بول مول - - بلو ماستر - - - برنس

وتسلملى ياحبيبى على اهدائك لى مفاتيح قلبك الغالى ، واطمن معايا فى الحفظ والصون ،

وبالنسبة لكلام الكبير دة محدش ييجى جنبه ، سامحنى ياصاحبى ،

وبالنسبة لكلام جدو الله يرحمه قطع بالجميع ، واتولدت من غير ماشوفة - سبحان الله - لا من

ناحية الأب ولا الأم ولله الحمد .

ومن الطبيعى ان اللى هيستفذنى هو اللى هيسمع منى الكلام ، مش أنا اللى هاسمع منه ، والا

ايه يا صـــــــــــــــاحبى .

[ندعوك للتسجيل في المنتدى أو التعريف بنفسك لمعاينة هذه الصورة]
.

لالالالا
ايه الحلاوة دي
شوف الصورة علشان ماتقولش بحسدك
ههههههههههه
يابني.........
انا كل يوم بشوف فيك موهبة جديدة
انت ابهرتني بصراحة
ايه ده يابني ، تكونش كنت قاعد مع اينشتاين وهو بيكتبها؟
ربنا يبارك فيك
.
بس نفسي تدخل على موضوع
(( جربت تعمل كدة قبل كده))
هاموت وأشوف تعليقك عليه، مع الموقف طبعاً

الـــســــؤال الجديــــــد
بيقـــــــول:
اية الاختلاف بين
الليمــــون ...&... الزيتـــون
اهوه سؤال
سـهـل
وســلــس
وبــسـيــط
مستني اجاباتكوا

بس كدة يا بن الحاج كامل انت تؤمر .

الاختلاف بين الليمون والزيتون ف 3 حاجات :

1 - فيه لمونادة وما فيش زيتونادة .

2 - تقدر تقول الناس لاموني لكن ما تقدرش تقول الناس زاتوني .

3 - فيه حي اسمه الزيتون لكن مفيش حي اسمه الليمون .

وكل سنة وانت طيب بمناسبة عيد الأضحى المبارك ، وربنا يعيد علينا وعليك هذه الأيام

المباركة بالخير واليمن والبركات .

[ندعوك للتسجيل في المنتدى أو التعريف بنفسك لمعاينة هذه الصورة]
.
ايه الحلاوة والجمال ده يابني
بسم الله ماشاء الله ، معلوماتك دايما حاضرة يابوسلامة
وانت وكل الاعضاء والامه الاسلامية بكل خير وسلام
.
السؤال الجديد
.
واحد ماشي في الغابة في حاله وبعدين مــــات...
ياترى ليه؟؟؟؟؟
مممممم
سؤال سهل
وسلس
وبسيط

السؤال كان بيقول
واحد ماشي في الغابة في حاله ، وبعدين مــــات!!
ليـــــــــه؟؟؟؟
السؤال سهل
بس انتوا فكروا شوية
فين العباقرة؟؟؟؟؟؟؟؟؟

عشان الحاله قامت عليه ههههههههههه

ههههههههه
لا يا فتاه الاسلام
،
بس انا هاغششك جزء من الاجابه
ارجعي للمشاركات اللي فاتت
واعصري على نفسك ليمونة , واقري اللي تقدري علية .... وهاتلاقي الاجابة بتاعة سؤال النهاردة ، تكمله لاجابه سؤال طويل محدش عرف يجاوب علية
انا عملت اللي عليا !!!

ياعني ماحدش جاوب ع السؤال!!!!
امري لله اجاوب انا بقى...
لو انتوا فاكرين من زماااان سألت عن :
3 افيال قاعدين على فرع شجرة ووقعوا واحد بعد التاني ، ويومها سألنا لية
النهاردة الاجابه
الراجل كان ماشي في الغابة ومات ...
لان الفيل الاول وقع عليه
والتاني كمل عليه
والتالت
خلَّص على اي امل ممكن يكون قاعد فيه...
ايـــــه صعبه؟
.
السؤال الجديد.....
،
فلوس ماتتعدِّش....
.........وورق مايتْطَبَّقش..
...............عيش مايتَّاكلش..
يا ترى ايه ده / دول
وروني الشطارة :D

السلام عليكم ورحمة الله وبركاته
اول حاجة نقدر نقول ان الفلوس اللي ماتتعدش هي ... النجوم

تانى حاجة نقدر نقول ان الورق اللى ميتطبقش هو....السماء
تالت حاجة العيش اللي مايتكلش هو....الشمس
اية الظروف الاجابة اية اخبارها؟؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]
.
يا سلام عليك يا عادل
اجابتك
.
.
.
صـــــــح
بس عرفتها ازاي دي؟

يالا بسرعـــــة على
السؤال الجديد
اللي بيقول:
مابيمشيش إلا على دماغة
ميـــــن هو؟؟؟

سلم لي على عادل الطاهر يامحمود -- بس فكره حلوه

ألا إنت تعرف عبدالرحيم الفرشوطي هههههههههههههه سلام يامحمود

ايه يا سيادة (النائب) افهم من السلام ده انك بترمي الكرة في ملعب عادل ولا ايه؟؟؟
ههههههههههههه
عبد الرحيم ,,عبد الرحيم،،،عبد الرحيم....
انا من دشنا
المشكله ان الذاكرة عندي تحت الصفر ,,, ياعني الراجل دة ممكن يكون زميل دراسة وانا مش فاكر البلد
لان كان معايا زميل اسمة عبد الرحيم بي من ابو تشت

[ندعوك للتسجيل في المنتدى أو التعريف بنفسك لمعاينة هذه الصورة]
ازيكم
يجماعه انا شايف محمود لو شويه هتاجروا اتنين يضربوه هو للدرجه دي مغلبكم يااااااااااه طيب ياريت تاجروا اربعه بقا الحدق بقا يفهم ..........
جيبلكم لغز سهل كتمهيد يعني مش اكتر وبالمره نفكر في اي حاجه غير السياسيه والكوره. ................

عم محمد البقال اخر اليوم بيعد الفلوس
اللي كسبها النهارده فلاحظ حاجه

انه لما بيعد الفلوس اتنين اتنين بيتبقاله باقي جنيه
و لما بيعدهم تلاته تلاته بيتبقاله برضه الباقي جنيه
ولما بيعدهم خمسه خمسه برضه بيتبقاله الجنيه

لكن لما عدهم سبعه سبعه مش اتبقاله حاجه

ياتري عم محمد معاه كام ؟

اها يارب تكونو عرفتوه

samy كتب:

[ندعوك للتسجيل في المنتدى أو التعريف بنفسك لمعاينة هذه الصورة]
اها يارب تكونو عرفتوه

مين؟
عم محمد البقال ولا المبلغ؟
ههههههههههه
بس انا مابشتريش من عم محمد .......انا باشتري من عمو عثمان
.
.
احم
ايه الاحراج دا يا عم سامي
احنا اتفقنا ان اللي عندة الضغط مايدخولش.............مش اللي يجيبلي الضغط
ماشي ماشي......... سيبلي الموضوع ده شوية (واللي فيه الخير يقدمة ربنا)
احـــــــمـــــــــــــــد يـــا ســــــلامـــــــــــــــــــــــــــــــة..................

ياه
اخيرا....................
ياخوانا محدش يجيبلي مسائل رياضية
انا -وبلا فخر - جايب 24.5 من 50 درجة في الرياضيات في الثانوي
المهم يا اخ سامي
الحل
هـــــــــــــــو.....
91
البرهان
من طبيعي -لانه عدد فردي- هايتبقى 1 لما نقسمة اتنين اتنين
اما التلاتة>>> 3X30=90 ياعني هايتبقى 1
والخمسة بقي >>>5X19=90 متهايألي برضه هايفضل 1
ما السبعة .........انا هاسيبكم تحسبوها لاحسن انا تعبت
منور اخي العزيز سامي
الظاهر مش هما وحدهم اللي هايأجروا حد.......هههههههههه

خد انت بقى اللغز ده
واحد متجوز ثلاث نساء
ومخلِّي كل واحدة في عمارة لوحدها
وكل عمارة عليها بواب
وكل بواب مابيسيبش حد يدخل إلا لما ياخد منه جنية ولا ينزل إلا لما ياخد منه جنية((ياعني زي المنشار طالع واكل نازل واكل)
هو بقى ........راح يزور التلاتة
دخل على العمارة الاولانية وكان معاه مبلغ في جيبة
البواب اخد منه جنية وهو طالع...دخل الشقة..... مراته( اعطت له مبلغ قد اللي معاه) ياعني مـــــثلا-كان معاه جنية هي اعطت له جنية تاني-
وهو نازل البواب اخد منه جنية
راح للتانية دخل العمارة البواب اخد منه جنية...... ركب فوق عند مراته اعطت له قد اللي معاه ....نزل .....البواب اخد منه جنية
راح للتالته البواب اخد منه جنية ركب فوق عند الزوجة اعطتله قد اللي معاه ...نزل >>
اعطى للبواب جنية
ودا كان اخر جنية باقي معاهالمــــــــطـــــــــلـــــــــــــــــوب
كان مع الراجل المسكين ده كام في الاول
.
ياريت اخوانا اللي في المنتدى يساعدوا الراجل ده يا خوانا ....

استني يعم مش لما نحل مشكله عم محمد الاول نبقي ندور علي حد تاني
وبعدين 91 جنيه ف اليوم بيبيع ايه عم محمد لوكان زي مبتقول كنت كتبت محمد بيه الجزار مش البقال عفوا الاجابة ممكن تكون بس ليه 91 جنيه متشفلي شغله عنده الراجل ده

لية ان شاء الله
الحسبة بتاعتي صح
اثبت العكس ونتحاسب بعد كدة

يعم هاتلي الخوارزمي نفسه يقلي انه ممكن عم محمد يحسب الحسبه دي ليه نروح بعيد 14جنبه مالها اقلها علشان الضرايب[b]

samy كتب:: [ندعوك للتسجيل في المنتدى أو التعريف بنفسك لمعاينة هذه الصورة]انه لما بيعد الفلوس اتنين اتنين بيتبقاله باقي جنيه

خوارزمي مين
وانت معاك المحمودزمي..............
اموت واعرف هاتقسمها ازاي الـــ14 على اتنين وهايتبقى واحد؟؟؟؟

الموضوع ان عم محمد مبيعرفش يعد . مانا قلتلك بلاش علشان الضغط

ههههههههههههههههههههههههههههه
لا حلوة يا عم سامي
معلش
راحت من بالي دي
اردهالك في الافراح
هههههههه

انا هاعيد السؤال مرة تانيــــــــــــــــة

.
واحد متجوز ثلاث نساء
ومخلِّي كل واحدة في عمارة لوحدها
وكل عمارة عليها بواب
وكل بواب مابيسيبش حد يدخل إلا لما ياخد منه جنية ولا ينزل إلا لما ياخد منه جنية((ياعني زي المنشار طالع واكل نازل واكل)
هو بقى ........راح يزور التلاتة
دخل على العمارة الاولانية وكان معاه مبلغ في جيبة
البواب اخد منه جنية وهو طالع...دخل الشقة..... مراته( اعطت له مبلغ قد اللي معاه) ياعني مـــــثلا-كان معاه جنية هي اعطت له جنية تاني-
وهو نازل البواب اخد منه جنية
راح للتانية دخل العمارة البواب اخد منه جنية...... ركب فوق عند مراته اعطت له قد اللي معاه ....نزل .....البواب اخد منه جنية
راح للتالته البواب اخد منه جنية ركب فوق عند الزوجة اعطتله قد اللي معاه ...نزل >>
اعطى للبواب جنية
ودا كان اخر جنية باقي معاهالمــــــــطـــــــــلـــــــــــــــــوب
كان مع الراجل المسكين ده كام في الاول
مع العـــــلـــــم ان اللي هايجاوب على السؤال ده هم العباقرة وبــــــــس

حوده حبيبي الموضوع مش في الراجل المشكله في البواب بفكر امسك في العماره الرابعه اللي جنبهم الحل يا فرند
الراجل كان معاه 2.75 ج ازاي بقا
اول عمارة اخد منه جنيه اتبقي 1.75 طلع للاولي بقا معاه 3.5 ج نزل المعلم اخد من بقا 2.5ج العماره التانيه البواب طبعا طلع للوليه 1.5 اخد منها زيهم بقم 3ج نزل بقم 2ج بعد ما دفع الائتاوه لبواب العماره التانية العماره التالته اداله جنية بقا معاه جنية اخد زيه من مراته التلتة وبقا معاه 2جنيه نزل ادي جنيه منهم للبيه البواب وبقي 1جنيه فقط لاغير معاه
وهو المطلوب اثباته......

حل اخر : زي بتوع الثانويه
الراجل كان معاه 262.5 قرشا
احسبها براحتك

لا شديد يابني
.
الراجل كان معاه
2جنية و62 قرش ونص
انا لما جاني اللغز ده اخدت فية 6 ساعات الكلام ده من 8 سنين
ياعني انت المفروض تحله في 6 دقايق ولا ايه
ههههههههههه

يالا كده..........
الكل ياخد ساتر ...ويستخبى بسرعة!!
علشان انا جبت سؤال جديد
.
والسؤال بيقــــــــــــــــــــــــــــــــول :
.
ما هي التي تأكل و لا تشبع؟؟
.
ومش الاء على فكرة

ايه يا جماعة هو السؤال صعب ولا ايه؟

أنا طبعا بشكركم كلكم على المجهود الهايل ده بس والله كان نفسى أجاوب على الأسئلة دى بس للأسف أعصابى ما تسمحليش لأنى حاسس انى اتنقط من لأسئله السلسة وتحياتى للجميع .

أنا قررت إنى أبقى ذكى وحاول أجاوب على سؤال زيكم
والاجابه هى النار .

[ندعوك للتسجيل في المنتدى أو التعريف بنفسك لمعاينة هذه الصورة]
.
احسنت اجابتك صحيحة يا أيمن
بزمتك يا شيخ .. وانا راضي زمتك
مش اسئله (( ســـهـــله .. وســـلـــســة .. و بــســيــطــة)

مممممممممممممم
انا شايف ان لسه فيه ناس فيها الروح
طيب
خدوا السؤال ده بقى
.

من هو الشخص الذي قتل ربع سكان العالم بمفرده وفي يوم واحد وساعة واحدة
.
اهوه سؤال سهل ... وسلس .. وبسيــــــط ,,, وخالي من التعقيد

» معلومات لذيذة......
» حديقة البيض ..بسيطة و لذيذة
» برنامج فك الضغط او ضغط الملفات
» اسئلة ترفع الضغط!!!
» من أين يأتي الضغط والسكر للمدرس؟؟؟