مهم جدا لمن يريد استخراج شهادة الدبلومة العامة

السلام عليكم ورحمة الله وبركاته

وددت أن أنبهكم لأمور هامه اخوانى وأخواتى الاعزاء بخصوص استخراج شهادة الدبلومة العامه

، لكيلا تتعرضوا للمتاهات التى تعرضت لها اليوم أنا وغيرى .

أولا : الالتزام بالأيام التى أخبرنا بها الأخ الأكبر أستاذنا خالد السيد ، وأنا الحمد لله التزمت

بيومى ، ولكن غيرى رجع آسفا لعدم حضورة فى موعده .

ثانيا : احضار دمغات معكم قبل الذهاب للجامعة بقيمة 1 جنية من أى مكتب بريد ، حيث أن

مكتب البريد بالجامعة يوجد به أزمة دمغات من ثلاثة أيام ، وللأسف من المفروض ان المكتب

الذى سنستخرج منه الشهادة يوجد به دمغات و طوابع ، ولكن مكتوب علينا الشحططة حتى

فاستخراج الشهادة ، وياقلــــــ لا تحزن ـــــــــبى .

ثالثا : مكتب استخراج الشهادة : بقاعة مبارك ، ونأخذ منه اذن توريد بقيمة الشهادة 55 جنيها ،

ثم نذهب للخزينة .

رابعا : احضار طوابع من مكتب الطوابع بالجامعة بقيمة 20 جنيها .

خامسا : شراء طلب استخراج شهادة من كافتيريا جامعة

جنوب الوادى ، وملأة بالبيانات المطلوبة .

سادسا : احضار صورة شخصية معكم .

سابعا : والمفاجأه ، اننا ياريت هناخد الشهادة فنفس اليوم ، لا دة فيه يوم تانى هناخد فيه الشهادة

على حسب مايحددوا لكل واحد .

ملحوظة : يرجى الحضور قبل الساعة 12 لضمان وجود الموظفين احتياطا ، وعدم التعرض

لغلق الشباك فى وجة من يأتى متأخرا .

وربنــــــــــــــــــــــــــ يرحمنا ـــــــــــــــــــــــــــا

لله الأمر من قبل ومن بعد

السلام عليكم ورحمة الله وبركاته
لا حول ولا قوة الا بالله
ليه دا كله
والجو حار جدا
دا انا لو رايحه استخرج شهادة وفاتى ارحم
اللهم انى لا اسئلك رد القضاء ولكنى اسئلك اللطف فيه
وبارك الله فيك يا استاذ احمد
كلامك دا حيساعدنا بدل السؤال
جزاك الله خيرا

السلام عليكم ورحمة الله وبركاته
بارك الله فيك أخي أحمد
ما كتبته سيعيننا كثيرا جزاك الله عنا خيرا
وربنا يرحمنا علي ما يفعله فينا
معلش ربنا يجعله كفارة لذنوبنا وفي ميزان حسناتنا إن شاء الله

السلام عليكم ورحمة الله وبركاته

أشكرك على مرورك أخ حسين .

أشكركم على مروركم الكريم والعطر ، وعلى

ردودكم الجميلة أخواتى فى الله ( سارة الملقب -

هبة الله ) شكرا جزيلا .

بعد الشر عليكى ياسارة ، وتفتكرى شهادة

الوفاة بتتعمل بالساهل ، احنا اتكتب علينا

الشحططة طالما اننا من أبناء مصر أم الدنيا

، سلمنا أمرنا ليك ياااااارب .

هنلاقيها منين والا منين ، من الطماطم اللى

زادت النهاردة وبقت ب 10 جنيه ، والأدهى من

كدة ان البرامج اللى المفروض بتحل مشاكل

الناس فالتليفزيون بقت تفطم البائعين بالسعر

الموجود فى القاهرة ، وفورا أول ماسمعوا

البرنامج اللى بيتكلم عن زيادة الأسعار وخاصة

الطماطم اللى بقت ب 10 جنيه فى برنامج

الحياة اليوم ،، مكدبوش خبر وقالوا محدش

أحسن من حد اشمعنى احنا ، نبيعها احنا كمان

ب 10 جنية ، وان شاالله ماحد أكل .

حسبنا الله ونعم الوكيل

السلام عليكم ورحمة الله وبركاته

ألف بعد الشر عليكي ياسارة ويارب نستخرج شهادة وفاة كل المسؤلين عن جامعة
جنوب الخيبة والنكسة والوكسة وكل من يضع كل هذه اللوائح والعراقيل ويعقدوا
أبناء الشعب الغلبان المطحون الله لايبارك فيهم لافي الدنيا ولافي الآخرة
أما أنتم ربنا يسعدكم ويفرحكم بشبابكم ويسعدكم إن شاء الله في الدنيا والآخرة

أما أنت ياأبوسلامه بارك الله فيك فعلى الرغم من العدد الكبير الذي ذهب اليوم
للجامعة في اليوم الأول لسحب الملفات إلا أن أحداً منهم لم يفكر أن يتعب
نفسه ويدخل هذا المنتدى ويحكي لزملائه تجربته وماحدث له اليوم أثناء سحب
الملف لكي يستفيد منه باقي الناس وخاصة البنات التي بتسافر من اسوان وأماكن
بعيدة ولكننا تعودنا على مثل هؤلاء والله الذين لايحبون إلا أنفسهم ودائماً يطلبون
ولكنهم لايقدمون أي شيء وربنا يهدي الجميع ويصلح حال العباد
بارك الله فيك ياأحمد وجعله الله في ميزان حسناتك وسهل الله لك كل عسير

السلام عليكم ورحمة الله وبركاته
بارك الله فيك يا استاذ احمد وجزاك الله خيرا
كتب الاستاذ خالد

اقتباس :: أما أنت ياأبوسلامه بارك الله فيك فعلى الرغم من العدد الكبير الذي ذهب اليوم
للجامعة في اليوم الأول لسحب الملفات إلا أن أحداً منهم لم يفكر أن يتعب
نفسه ويدخل هذا المنتدى ويحكي لزملائه تجربته وماحدث له اليوم أثناء سحب
الملف لكي يستفيد منه باقي الناس وخاصة البنات التي بتسافر من اسوان وأماكن
بعيدة ولكننا تعودنا على مثل هؤلاء والله الذين لايحبون إلا أنفسهم ودائماً يطلبون
ولكنهم لايقدمون أي شيء وربنا يهدي الجميع ويصلح حال العباد

يا استاذ خالد اكيد البقيه ممن ذهبو الى الجامعة اليوم تعبوا جدا وخصوصا اذاكانوا من خارج قنا بس الى حصل فى الجامعة دا الروتين اللى اتعودنا عليه داخل مصر واكيد اننا متوقعين ده واكثر لان العددكثير جدا يعنى المفروض نعذر الموظفين والمفروض مننا نلتزم بالميعاد المحدد

اكرر شكرى للاستاذ احمد سلامه بارك الله فيك

على فكرة ياخيرية أنا لم اقصد الموظف الصغير الذي لاحول له ولاقوة
أنا كلامي كله خاص بالمسؤلين الذين يصدرون الأوامر والقرارات دون
مراعاة لظروف البشر على سبيل المثال بنت تتحامل على نفسها وتسيب
شغلها وتيجي من أسوان وبعد ماتقدم كل هذه الأوراق والدمغات والرسوم
وبعدين يحددوا لها يوم آخر للإستلام طيب أين تذهب ؟ ترجع أسوان تاني
ولاتنام في الشارع ولاتنفصل من شغلها ولاتعمل إيه بس هذا هو ماأقصده

السلام عليكم ورحمة الله وبركاته ...
والله يا أبو سلامة بارك الله فيك وربنا يكرمك ببنت الحلال .. بس بصراحة بعد الكلام

اللي قريته .. مش عايز ملفات ومش كده وبس انا هستني لغاية لما يتحايلوا علي

ان أروح اسحب الملف ...

وفي النهاية تعظيم سلام وازيك يا ريس وازي المدام

وعليكم السلام ورحمة الله وبركاته

بارك الله فيك ولك يا أخى وحبيبى وأستاذى خالد السيد ، وجازاك الله - تعالى - خيرا كثيرا طيبا مباركا فيه على مرورك الكريم العطر وردك الطيب الجميل .

وأما بالنسبة لمن ذهب للجامعة - وهو مقيم فى قنا - ولم يخبر زملائة
بالمنتدى بما حدث معه ، فهذا شئ ليس غريبا فى أيامنا هذه ، التى غلبت فيها المصلحة الشخصية فوق كل شئ ، وبعدين زى ماحضرتك عارف ان ربنا سبحانه وتعالى مش بيقدر أى حد على الخير ، ربنا بيجعل بعض الناس أسباب لقضاء حوائج الناس ، ومنفعتهم ، وأنت خير مثال لذلك يا أستاذنا ، فما نفعله تجاه ماتفعله أنت لا يسوى شيئا ، جعلك الله - تعالى - دائما سببا فى قضاء حوائج الناس ، ووفقك دائما الى مايحبه ويرضاه ، انه سبحانه على كل شئ قدير ونعم المولى ونعم النصير .

إيه ياأبوسلامه إنت نزلت مدح فيا ونسيت أخوك عبدالفتاح ولاإيه
مساء الخير ياعبده والله اخوك أحمد إظاهر كده أخد ضربة شمس
النهاردة في الجامعة بس أكيد هيسلم عليك بعد شوية

اخى الاستاذ خالد

انا مع حضرتك فى ان المفروض المسئولين يقدرو ظروفنا وظروف البنات وخصوصا اللى بتيجى من اسوان بس ده هو اللى احنا اتعودنا عليه الروتين الطبيعى وفى اى مكان مش فى الجامعة وبس وانا لو من اسوان اكيد هبقى عامله حساب ان سحب الملفات مش هتبقى بسهوله وخاصه مع وجود اعدادنا الغفيره .

السلام عليكم ورحمة الله وبركاته

شكرا جزيلا وبارك الله فيك ولك أختى الكريمة خيرية على مرورك الكريم والعطر ، ولا شكر على واجب يا أختى الكريمة .

أما بالنسبة للموظفين فهما قاعدين مرتاحين ، وبعدين فيه كام موظف فى كلية التربية ، مش قادرين يخلوا أكتر من موظف للمهمة دى ، ويبقى فيه ناس تعمل الشهادات بسرعة فنفس اليوم ، والا لازم الناس تتشحطط ، وبعدين ياريتها جاية على كدة وبس دة كمان المطلوب من الدمغات والطوابع مش موجود بالكلية لازم تلفى الجامعة وتروحى مكتب الطوابع ، وتدورى على الدمغات ، وتروحى مكتب البريد اللى على مستوى وخالى من الدمغات من ثلاثة أيام ، ومش قادر موظف من موظفين مكتب البريد يهز طوله ويروح يجيب دمغات ، يعنى تخبطى مشوار تانى لأى مكتب بريد وانتى وحظك ياتلحقى ترجعى تانى وتلاقيهم لو جيتى بدرى شوية ، يااما تيجى فيوم تانى ، للأسف احنا مذلولين فى بلدنا ، دى الحقيقة المرة ، اللى نقدر نقوله حسبنا الله ونعم الوكيل .

خالد السيد كتب:: إيه ياأبوسلامه إنت نزلت مدح فيا ونسيت أخوك عبدالفتاح ولاإيه
مساء الخير ياعبده والله اخوك أحمد إظاهر كده أخد ضربة شمس
النهاردة في الجامعة بس أكيد هيسلم عليك بعد شوية

كيفك يا أستاذ خالد انت والحاج أبو سلامة ولا ممكن تكون زعلان مني ولا ايه طب قولي

أحسن انا بقيت اعمى كتير اليامين دول

برضة دة كلام يا عبدة دة انت الخير والبركة ياحبيبى ، وحشتنى والله أوى ، معلش انت عارف لازم بالدور والله كنت باكتبلك رد والنت فصل .

وبالنسبة لسحب الملف انت عارف هما عارفين ومتأكدين اننا محتاجين للشهادة ولسحب الملف علشان نغور من وشهم ، لكن ازاى لا ميدوهالناش بالساهل ، لازم ندوخ ونلف حوالين نفسنا ، أهم شئ يقبضوا الأول ، وياريتهم بيقبضوا مرة واحدة ويوفروا هما كل المطلوب ازاى ميصحش لازم انت تجيب كل حاجة الدمغات والطوابع ، وهما يلزقوها على الجاهز ، وربنا يخليلنا الريس ومحافظنا العظيم ، ومايحرمنا منهم أبدا . Mad

مش عارف كنت عاوز صورة الراجل اللى بيشد فشعره ، وملقيتهاش . على العموم كأنى حطيتها .

السلام عليكم ورحمة الله وبركاته
الله يخليك يا استاذ خالد
وجزاك الله خيرا استاذ احمد
بس حضرتك مفهمتنيش استاذ احمد
انا مش حتعب الحمد لله لما استخرج شهادة وفاتى
لانى اكيد مش انا اللى حستخرجها انا حكون
وقتها الحمد لله رحمت من هذه الدنيا
وطبعا معك حق يا استاذنا فى ناس اكيد راحت
النهارد ومفكروش ينصحوا غيرهم كما فعل الاستاذ احمد
وربنا يصلح الحال ان شاء الله

السلام عليكم ورحمة الله وبركاته

ارك الله فيكم استاذ خالد واستاذ احمد

احنا كنا بالفعل انا واصحابى بنتفق على الذهاب الى قنا لسحب الشهادة
بعدين عرفتونا بارك الله فيكم فيه ايام لكل قسم واحنا اقسام مختلفة وطبعا لاننا من اسوان وصعب الواحدة فينا تروح قنا لوحدها
وبعدين رحلة العذاب اللى مر بيها الاستاذ احمد

[ندعوك للتسجيل في المنتدى أو التعريف بنفسك لمعاينة هذه الصورة]

وادى الراجل اللى بيشد فى شعره يا استاذ احمد

قرارنا الاخير ان احنا حنعمل زى الاستاذ عبد الفتاح ونستنى لما يتحيلوا علينا علشان نسحب الشهادة
والله المستعان

السلام عليكم ورحمة الله وبركاته

أنا فهمتك والله ياسارة ، وخطرت فبالى الفكرة دى
، بس حاولت انى ماتكلمشى فيها ، طيب ازاى هاقولك بعد الشر عليكى ، وبعد كدة أقولك هى الحاجة الوحيدة اللى مش هتتعبى فيها ، فعلا الحاجة الوحيدة اللى مش هنتعب فيها استخراج شهادة وفاتنا ، وكان الله فى عون ورثتنا ، دة لو هيبقى فيه ورث فاضل مع دولتنا المصون ، وشكله هيبقى موت وخراب ديار .

مش عارف أشكرك ازاى يا نفيسة على وضعك لصورة الراجل اللى بيشد فشعره ، هو فعلا الرجل المناسب فالمكان المناسب ، المصيبة كل مايشدهم يطلعوله تانى ، باين عليهم اتعودوا على كدة ، وبقوا مؤهلين للشد بسهولة ،

وبعدين ليه بتزعلينى وتقولى مش هاخد الشهادة الا لما يتحايلوا علينا ، فكرك هما هيتحايلوا علينا واقفة علينا يعنى ، اللهم صلى على النبى الخميرة تمام و100 100 ، ومجاتشى على 55 جنيه الى هتدفعيهم فالخزينة أو ال 20 جنيه طوابع ، دة كل يوم فيه أضعاف أضعاف أضعاف اللى هتدفعيه فالشهادة بيدخل للكلية ، الله أنا عاوز مخك يكون أكبر من كدة ، هما عارفين اننا هنيجى زى الشطار ونقولهم بعد اذنكم لو تكرمتوا علينا ادونا الشهادة ، وهما يفكروا بعد كدة يدوهالنا والا لا ، أصل هما عارفين اننا محتاجين للشهادة ، وربنا يخلي الوزير اللى طلع قرار أخذ الدبلومة التربوية لمن هو غير تربوى ، الغريبة اننا كانوا سايبينا شغالين من البداية ، واول ماعملوا العقد قالك اعملى كذا وكذا ، طيب ازاى خليتونا ندرس من الاول ، لما هى مهمة للدرجة دى ، كله أونطة فأونطة ، المهم الغرض الأساسى تطفيش الشعب المصرى ، وتمويته بالبطئ ، وكل عام وأنتم بخير .

لا شكر على واجب اى صورة احنا فى الخدمة

وبعدين من نفسنا يعنى نعمل حاجة نحس مش مجبرين عليها

طب انا عاملة دبلومة مهنية بعد مااتخرجت مباشرة لانه لما رحت اقدم للدبلومة قالولى انى ماليش غير المهنية اللى ممكن اعملها فى تربية
عملت المهنية
بعد التعاقد كنت فاكرة انه خلاص عاملة دبلومة فى تربية قالوا لا لازم العامة
عملت العامة
وربنا يستر

الله يكون فعونك يا نفيسة ، مهنية وعامة ، ولسه عايشه ،

حكمتك يارب ، دة لو أنا كانت جاتلى نقطة بدرى ههههههههه ( بعد الشر عليكى أنا بهزر طبعا ) ،

طول ماحنا فمصر اللى كل يوم بنشرب من نيلها المعكر بالكلور ، ومعرفشى ايه تانى ، ياما هنشوف

، عظيمة يامصر يا أرض المحن .

السلام عليكم ورحمة الله وبركاته
طيب يا استاذ احمد كويس ان حضرتك فهمتنى
وبعدين الورثه ان شاء الله حيلاقو ورث
وحيعملو الشهاده بنفس ومش حيتعبو
بس حضرتك قول يارب
وقول يا رب كمان يهدى ناس ولا حول ولا قوة الا بالله
وكان الله فى عونك حبيبتى نفيسه
يوفقنا جميعا لما يحب ويرضى

السلام عليكم ورحمة الله وبركاته

دبلومة خاصة ايه اللى عاوزة تشوفينى فيها ، دة لما اكون اتجننت ومخى ضرب ممكن فى الحالة دى أقدم فالخاصة ، دة أنا باحمد ربنا انى لسه عايش بعد اللى شفته فالعامة ، كمان خاصة ، دة انتى ناوية على أذيتى بقى ، ربنا معاكى انتى ، وجميع من معك ، وأتمنى متشوفوش اللى شفناه فالعامة ، ويكون الوضع أحسن من كدة بكتير ، مع انى شاكك فده ، وربنا يخيب ظنى .

وعليكم السلام ورحمة الله وبركاته
ياااارب يلاقوا ورث ، هو أنا أكره ياسارة ، وبعدين احنا بنسبق الأحداث ليه مش يمكن ميبقاش فية ورثة ، ونرتاح ونريح الناس .

السلام عليكم ورحمة الله وبركاته

بصوا ياجماعه

انا باقترح عليكم اقتراح لاجل ابناء اسوان

الكرااااااااااااااااااااااااااااااااام

كل الاعضاء الى فى المنتدى يتحاططوا مع بعض

ويلموا لنا فلوس التذاكر

واحنا علينا باقى المصاريف

وبارك الله فيكم وحسنه قليله تمنع بلاوى كتيييييييييييييييييييييييييييير

السلام عليكم ورحمة الله وبركاته
ايه اللى بتقوليه دا يا الهام
دا كلام برضو دا احنا علشان اهل اسوان
نخلص كل حاجه ونجيبلكم قطر مخصوص
دا انتى تؤمرى
وربنا ييسرلكم الامر حبيبتى

وليه بس يا استاذ احمد هو انا نقلتلك التشاؤم ولا ايه ان شاء الله الورثه حيعملوا معانا الواجب وزياده
وربنا يكرمك ويكرم جميع الاخوه والاخوات بالذريه الصالحه ويحسن ختامنا جميعا باذن الله

اناباشكرك يااخ احمد وياريت توضح ليا كم عدد الدمغات اللى هى ام 1جنيه وطلب استخراج الشهادة بكام علشان اعمل حسابى

يا اخ احمد ممكن ترسل لى تقديرات المواد
الأسم/صابر عبد المجيد عامر
الشعبة /تجارة
رقم الجلوس/245
نظام العام الواحد

السلام عليكم ورحمة الله وبركاته

أخى الكريم صابر بالنسبة للدمغات انت تروح مكتب البريد وتقولهم عاوز دمغة بجنية ، الأغلب ممكن يدولك واحدة ب 90 قرش ، والثانية ب 10 قروش .

بالنسبة للتقديرات دلوقتى صعب ، لأن فيه ناس الى الآن مش عارفين نتيجتهم ومش عارف ازاى صبروا على كدة ، دلوقتى مش عارفين يجيبوا نتيجتهم منين ، لأنه محدش فاضى فالشئون ، مابالك بالتقديرات دى مستحيل تعرفها دلوقتى .

ذ/ احمد
السلام عليكم ورحمة الله وركاته
ممكن تعرفنى متى سيتم سحب الملفات الخاصة باوراق التقديم التى قدمناها فى الدبلومة العامة حيث اننى سحبت الشهادة فقط والملف لم يتم الاسحب

وعليكم السلام ورحمة الله وبركاته

أخى الكريم أستاذ صابر ، والله علمى علمك ماعرفشى امتى سيتم سحب الملفات ،

لأنى مستنى شوية لحد ما الجو يهدى ، وبعد كدة اروح اشوف متقلقشى ، يعنى

هى الملفات هتروح فين موجودة ،

أوعدك ان شاء الله لما اروح الجامعة هاسأل وأقولك .

» بخصوص شهادة الدبلومة
» الدبلومة العامة
» دبلومة عامة تربوية
» امتحانات الدبلومة السابقة للدكتور ياسر عبدالله
» من طلبة الدبلومة العامة