هنا إجميع الإستفسارات العامة عن الدبلومة والآراء المختلفة

ما هو الحد الفسيولوجي
الحد العملي
الحد المــــــــــادي

أسباب فى حدوث هضبه التعلم >>>> بيئه التعلم
منها مايكون في نهاية المنحني وهي :
1- الحد المادى :- ثبات قدرات المفحوص بسبب العوامل الماديه في البيئه
2- الحد الدافعى(العملى ): فقدان الحماس إتجاه صوت المعلم
3- الحد الفسيولوجى ثبات قدرات أداء المفحوص بسب ثبات قدرات المفحوص
أي خدمه

يا جماعة لو اى حد معاه امتحان لطرق تدريس قسم فرنسى ارجوكم انشروه على المنتدى
لان الواحد تايه فى المادة دى ولا عارفين اولها من اخرها وكمان لو فى اى محاضرات يبقى جزاكم الله خير

بسم الله الرحمن الرحيم
الدكتور حسين طه حدد بعض اشكال الأسئله فى الإمتحان وستكون أن شاء الله كالتالى:
السؤال الأول عن المبادئ العامه والمبادئ النفسيه وهذا السؤال فى الفصل الأول
السؤال الثانى مقارنه بين بعض عناصر طرق التعلم الثلاثه هذا السؤال يشمل الفصل الثانى والثالث والخامس
السؤال الثالث عن تعريف التقويم وأنماطه
السؤال الرابع عن التعريف اللغوى والعلمى للقواعد
السؤال الخامس عن كيف نعلم القواعد وهذا السؤال من خارج المذكره ولكن الدكتور شرحه على محاضرتين
السؤال السادس عن النتائج المترتبه على دراسه القواعد
هذا وبالله التوفيق وأرجو أن أكون قد وفقت فى الإجابه عن سؤالك

ايوه بالضبط يا اختي هو دا اللي طلبه الدكتور السنه دي بس والله انا كمان بدور علي امتحانات السنين السابقه زيك ولو ربنا وفقني ووصلت هنزلهم في المنتدي علي طول

كل الشكر للاخ مصطفى وارجوا افادتنا دائما بكل جديد
وارجوا من الله التوفيق لنا جميعا

اولا اشكرك جدااااااااااااااا يااستاذ خالد على تلخيص ماده التربيه والتعليم لان حضرتك قدمتهلنا بطريقه مبسطه جدا مما سهل علينا كتييييييييييير فى مذاكرتها
بس لى رجاء عند حضرتك لو عندك تلخيص لتاريخ التعليم وهو الجزء الثانى من الكتاب وخصوصا الجزء الخاص (بمحمد عبده) وشكراااااااااا كتير لحضرتك

بارك الله فيكِ وهذه التلخيصات

لأخوة أفاضل في دبلومة 2010

وإن شاء الله الجزء الثاني موجود

سوف يتم تنزيله غداً في الموضوع الخاص بالماده

يا جماعة عاوزة اسآل هية مادة اصول تربية ملهاش محاضرات ولا ايه
انا شايفة الكل مهتم وبيسال على كل المواد الا المادة دى
ارجوووووا الافادة

جزاك وجزاهم الله كل خير ؛ وشكرا لحضرتك على اهتمامك؛ واحنا فى انتظار الجزء الثانى باذن الله

كنت عاوزة اعرف الطرق اللى هنذاكرها هى الطريقه التقليديه والمباشرة والسمع بصريه بس ولا فى طرق تانى ويا ترى هنذاكر الطريقه كلها ولا هنذاكر فيها حاجات محدده قالها الدكتور يا ريت حد يقولى ويبقى جزاه الله خيرا

لو سمحتوا هل محاضرة الدكتور ياسر ومحسوب كانت يوم 5/5 الاخيرة وهل الدكاترة حددوا موعد امتحان العملى ؟
ياريت بالله عليكم افيدونا لاننا من اسوان ومش عارفين أى أخبار
ولو سمحتوا تنزلوا المحاضرات الاخيرة لكل الدكاترة
وباقى المقرر والمحذوف لكل المواد

اليوم كانت محاضرة الدكتور محسوب الاخيرة وقال انه غدا سيعلق جدول امتحان العملى للثلاث مواد (فروق فردية - علم نفس تعليمى - قياس وتقويم) وقال الدكتور انه لن يكون قبل 18 -5 وسيكون اسئلته موضوعية وليست مقالية

السلام عليكم ورحمه الله وبركاته معلش فى السؤال معنى اسئلة موضوعية يعنى اسئلة غير محددة ولكنها عن المنهج كله هل هذا الفهم صحيح ولا غلط ومعنى مقالية يعنى يقول لنا اجب عن كذا وكذا يكون عن موضوع معين ونكتب العناصر ثم بعد ذلك العنصر وشرحة ولا يوجد معنى اخر لهذه الكلمة ومعلش اطلبوا من الدكاترة مواعيد امتحانات باقى المواد علشان بس لاتطيع منا 30 درجة حرام ويكونوا على ايام متتالية علشان تبقى بالمرة ناجى مش نفضل رايحين جليين ونحن من اسوان ومش معنى اننا نطلب يبقى مذاكرين لا والله ولكن بس علشان نخلص ونحن لا نامركم ولكن نطلب ومعلش ردوا علينا ولا تطنشونا وشكرا للذى قال ذلك الخبر ويارب يكون صحيح يعنى من فم الدكتور محسوب وياريت تكتبوا لنا المهم والمحذوف الذى قاله فى هذه المحاضرة ولا تملوا منى علشان اللاطالة ولكن انتم لا تردوا عليا اول باول وفقكم الله

أسئلة موضوعيه ياإنتصار يعني لاتحتمل التأليف

ياأبيض ياأسود

مثل علل وصح وخطأ وإخطار من بين القوصين وأكمل

العبارة الناقصه يعني نقاط وليست مثل موضوع التعبير

بكره ان شاء الله حيتعلق جدول امتحان العملى لمواد علم نفس تعليمى , الفروق الفرديه , قياس وتقويم الثلاث مواد فى نفس الوقت
والامتحان حيكون ان شاء الله ثلاث ورقات لكل ماده ورقه بها عشر عبارت والاجابه فى نفس الورقه والامتحانات حتكون مختلفه يعنى اللى جنبك غير اللى معاك وامتحان النهارده غير بكره لان اشعب حتتقسم على ثلاثه ايام تقريبا هذا ما قاله الدكتور محسوب اليوم والامتحان مش حيكون قبل يوم 18 /5

والله المستعان

بخصوص اخر محاضرة للقياس والتقويم هل هى يوم الاربعاء ام الثلاثاء...واذا كانت الثلاثاء حتكون كده فى نفس ميعاد محاضرة المناهج ..فما الحل.....وفى حاجة تانية ياريت حد ينزل امتحانات للدكتور محسوب باجابتها لانه لايوجد له على المنتدى الاامتحان واحد او اثتين فقط تقريبا ولكم جزيل الشكر

أختي عبير محاضرة القياس والتقويم يوم الأربعاء بإذن الله سيبدأ الدكتور / عبدالمنعم الدردير من الساعة الواحدة ظهرا ، وأيضا الدكتور / محمود شبيب ميعاد محاضرته الرابعة وقال أنه سيأتي بدري لا أعلم الميعاد بالضبط المهم ان نذهب مبكرين ..........
أما محاضرة المناهج الثلاثاء من الساعة الثانية ظهرا إن شاء الله.........

انا اسمى مروة فوزى ومعايا محاضرات اصول تربيه

السلام عليكم ورحمة الله وبركاته
اختى مروة ممكن بعد اذنك تنزلى المحاضرات على المنتدى لانى من اسوان وصعب انى احضر وان شاء الله ربنا يجازيكى عنا خير

لو سمحتوا لو فى حد حضر محاضرة الدكتور محسوب امبارح وكتبها وراء الدكتور ينزلها فى المنتدى لانى محضرتش المحاضرة الاخيرة ومحتجاها ضرورى.

فعلا كلامكوا صح هيكون الامتحان عباره عن اكمل

الى اهالى اسوان او الطلاب الذى معنا فى الدبلومة سوف يتم تسليم الشيت المناهج يوم الثلاثاء

المصدر :اسلام السمان

الله الموفق والمستعان

لقد قرر الدكتور محسوب عقد امتحان العملى يوم 19 - 20 - 21 من الشهر الحالى والامتحان ثلاثة ورقات (تعليمى - فروق - قياس )
وبالنسبة لللقياس الدكتور محسوب قال كام سوال كدة للقياس اة الاسئلة يا جماعة حتكون (اكمل)
والاسئلة للقياس هى (الاسئلة الوضوعية -الاسئلة المقالية مكوناتهم ياجماعة )
والمحكات ايضا واستخدمها والامتحان حيكون صباحا اما الميعاد المجموعات فتتحدد غدا نظرا لعدم وجود العميد يعنى غدا حيظهر اسم انت فى ايى يوم من التواريخ دى (السبت19 - الاحد 20 - الاثنيين 21)

والله الموفق والمستعان

اخى مؤمن هذا ما قاله لى الدكتور سيد السايح بالتليفون مع العلم ان الدكتور سيد بيحاضر المجموعه 1,2
ولا اعلم ماذا عن باقى الشعب

ياريت تاكدولنا لو فى امتحانات يوم الثلاثاء ولا هيبقى تسليم شيتات ومواد ايه

الثلاثاء ان شاء الله محاضرات لمادة المناهج الدكتور محمد عوض
والدكتور سيد السايح
وتسليم الشيت بتاع المادة

الثلاثاء مناهج ماشى ولكن رايت فى المنتدى انه محاضرة قياس الثلاثاء ايضا كيف انا معلوماتى الاربعاء!

لااقصد شى اسلام فاهم بس حبيت اوضح انى هذه المعلومات ليست من عندى عشان الاستفسارات اللى بعد كدة يعنى

السلام عليكم ورحمة الله وبركاته
يوم الثلاثاء الساعة الثانية ظهراً ان شاء الله محاضرة مناهج
يوم الاربعاء ان شاء الله بدءاً من الساعة الواحده ظهراً محاضرة قياس وتقويم د/عبد المنعم ويليها د/ محمود شبيب ثم محاضرة وسائل د/ حسن التهامي
والله الموفق والمستعان....

طيب لو سمحتوا مجموعة 4 "اجتماع" امتي تسليم شيت المناهج

مش معقولة حيكون 1- 2 فقط خصوصا انة علينا محاضرة ايضا لدكتور محمد عوض يعنى ان شاء الله يوم الثلاثاء الكل

والله الموفق والمستعان

الاستاذة /
انتصارمحمدعبدالصبور
الزملاء والزميلات جميعاً بيكتبوا كل حاجه في المنتدي
و90% من المحاضرات موجوده ومثبته عندما تدخلين
علي قسم العلوم التربوية وتضغطي علي الدبلومة العامة التربوية
وتفضلي وسوف تجدي كل شيء يخص الدبلومة من محاضرات والمحذوف
والمقرر والجدول وده احسن لك بدل من ما تضيعين وقتك
وعلفكره اختي الفاضلة / انتصار
كل دكتور من الدكاتره الافاضل عارف بيعمل ايه بالضبط
بمعني انه في دكتور بيعمل امتحان اعمال سنه ويضع الدرجه
وفي دكتور بيكلفنا ببحث وايضا يضع الدرجه
وفي البعض منهم لا يكلفنا بشيء ويضع الدرجه
يعني ان شاء الله درجاتك ودرجات باقي الزملاء
ال30 درجة متروحش هباءا وان شاء الله ح نعدي السنه دي علي خير
وبلاش لو سمحتي التوتر لانه بعد كده ح يتنتقل هذا التوتر للجميع والموضوع ابسط
من كده بكتيير لان زي ما انت عارفه الهدوء افضل شئ علشان تستوعبي جميع المواد
وايضاً المفتاح الرئيسي في الاجابة علي اي امتحان .
(( وشكراً لك علي حرصك وربنا يوفقكِ ويوفق الجميع >> آآآآآآآمين)
والله المستعان

السلام علبكم ورحمة الله وبركاته
تعودنا من سيادتكم فعل الخير ومساعدة كل محتاج مما شجعنى ان اطلب المزيد من المساعدة طمعا فى كرمكم وطلبى هو اننى لا استطيع معاينة اسئلة الامتحانات السابقة مع العلم اننى انتظر حتى تتم عملية التحميل وارجوا من حضرتك لو ممكن تنزل الامتحانات كل امتحان فى المادة التابع لها الامتحان
ولى طلب اخر ارجو من حضرتك نشر تلخيص تاريخ التعليم كما وعدتنا من قبل ونحن فى الانتظار
"اسفة على الاطالة"

لو سمحتم ممكن الميعاد الساعة كام طب والدكتور مبروك هيستلم برضوا الشيت ولا مقالش لسه

اختى منال هذا ماعهدناه من الاستاذ خالد وهو لايبخل علينا بشئ ابدا
ولكن معلش ممكن تحاولى مرة اخرى فى انتظار التحميل واذا لم يكن فبلغينى وححاول احللك الموضوع
وربنا يكرم الاستاذ خالد ويبارك له فى الحسن والحسين

اختى الفاضلة دعاء اشكرك على الاهتمام والرد بس انا مطلبتش المساعة الا بعد عدة محاولات والله كل يوم بحاول وبفشل بس لو مفيش حل مفيش مشكلة وجزاكم الله خير الجزاء على كل المساعدات

شكراً يادعاء بارك الله فيكِ

خلاص يازينب بالنسبة لتلخيص تاريخ التعليم موجود

وسوف أحاول رفع كل إمتحان في المادة المخصصه له

استاذنا الفاضل والله عاجزة عن الشكر بارك الله فيك وجعله فى ميزان حسناتك وجمعنا واياك فى الفردوس الاعلى
"امييييييييييييييييييييييييييييييييين"

شكرا لاستاذنا الفاضل :- الاستاذ خالد

السلام عليكم ورحمه الله وبركاته شاكرين أفضالكم أخى مؤمن وأخى اسلام ولكم جزيل الشكر على مجهودكم الأخت التى تستفسرعن ميعاد شيت مناهج غدا بمشيئه الله 8-5 الساعه من 2الى 4المصدر الأخ الكريم مؤمن جزاه الله كل الخيرووفقنا الله جميعا الى مايحبه ويرضاه

يااستاذ اسلام السمان اولا بارك الله فيك على مجهودك وثانيا معلش فى السؤال هل ينفع نسلم شيتات الدكتور محمد عوض اليوم الذى ان شاء الله سناتى فيه لامتحان اعمال السنة سواء يوم 19او20او21 بدل غدا الثلاثاء 8\5 لاننا من اسوان ومينفعش ناتى مخصوص من اسوان علشان بس نسلم الشيتات ثم نرجع ومن يعرف الجواب النهائى اللاكيد المفيد من فم الدكتور محمد عوض الذى يعطى شعبة اجتماع المجموعة4 وهكذا شيتات علم النفس التعليمى والفروق الفردية يعنى برضة نسلمهم لما ناتى ان شاء الله يوم امتحان اعمال السنة ولا مينفعش لان العملية متتحملش ضياع هداكم ووفقكم الله جميعا

ياريت لو حد من اخوتنا الافاضل يساعدنا نحل الشيت يبقى له جزيل الشكر
وبعدين ياجماعه انا ملاحظه ان ماشاء الله عدد التصفحون حالياا يجى اكتر من 80 الهم لاحسد ويارب موفقين جميعا باذن الله

السلام عليكم ورحمة الله وبركاته
نأسف يا اختي لعدم مقدرتنا علي مساعدتك
لان للأسف لم نجد له حل اسئلة كثيرة وفي مادة تخصصك
ولأننا لو وجدنا حل له لكنا نزلناه علي المنتدي بدون شك
عموما حلي اللي تعرفيه وربنا يسهل كلنا حنعمل كده وخير ان شاء الله

شكررااااااااااااااا استاذ خالد .

تم رفع تلخيص تاريخ التعليم وتم تثبيته مع تاريخ التربيه

بالنسبة لرفع صور الأسئلة صعب شوية لإن النِت ضعيف

وسوف أحاول إن شاء الله

اليوم تحدثت الى الدكتور سيد السايح والحمد الله اعطانا فرصه لتسليم الشيت الى ايام الامتحان العملى وغداً ان شاء الله سوف يبلغ الجميع بذلك فى المحاضره وان شاء حتكون آخر محاضره

والله المستعان

بعد اذنك ياروضه هى محاضرة قياس وتقويم يوم الاربعاء ولا يوم الثلاثاء علشان انتى كنت كتبه انها يوم الثلاثاء والنهرضه لقيتها يوم الاربعاء

ان شاء الله بكره محاضره مناهج ومحاضره القياس والوسائل يوم الاربعاء

الف شكر يااسلام انا كنت بكره رايحه على اساس انها محاضرة قياس وتقويم زى ما روضه قالت شكرا جدا يااسلام

» الدبلومة العامة
» دبلومة عامة تربوية
» امتحان الدبلومة العامة
» من طلبة الدبلومة العامة
» الدبلومة العامة التربوية