{ لعبة *** الاعترافات}

{ السلام عليكم ورحمه الله وبركاته}

انا انهرده جبتلكم لعبة عجبتنى فكرتها واللى هى

كل واحد فينا يدخل ويقول موقف حصله انهرده سواء كان {فرحه * احزنه* ضحكه* احرجه *الخ الخ}

وبتمنى انكم تعترفوا وتفرحونى ومش تكسفونى اوك


واحنا كده بنستفيد من اللعبه دى

1- ان كل واحد هيدخل ويقول حاجه مش قالها لحد تانى وهيبقى فى ثقة اكبر بيننا

2-ان هيبقى فى ترابط اكبر بين الاعضاء وتكوين صداقات

3 - هنستفيد من المواقف سواء كانت مضحكة ام محزنه ونقول ايه استفدنا منها


{ ودمتم سالميييييييييييييييييييييييين }

وانا هبدأ اوك بس مش تضحكواا اوك

امبارح باليل ع الساعه 2ونص كده انا بسهر ع طول واما بنسجم فى حاجه مش بحس ع اى حاجه خااااااااااالص فكنت قاعده ع الكومبيوتر وحاطه الهاند فرى بسمع سورة يوسف وانا بحب اهدى النور بتاع الاوضه شويه فأخويا ربنا يسامحوا راح جى من ورايا ومسكنى وصرخ انا لحظتها مش حسيت غير ان جسمى كلوووووووا اتكهرب ومش حسيت بنفسى غير وانا بره الاوضه واخويا طبعا وقع ع الارض من الضحك

وانا اللى استفدته انك مستحيل توثق فى اخواتك الاولاد ابدااااااااااااااااااااااااااا


يلا مستنيه مشاركتكم اوك

انا هقولى موقف ضحكنى :

امبارح بصلى المغرب فبنت اخويا الله يسامحها هى بصى زى الظل بتاعى بتقلدنى فى كل حاجه انا بقولها انتى عامله زى خيالى المهم بصلى ومنسجمه جات وقعدت على رجلى وتكلمنى انا طبعا مش برد عليها شويه وضربتنى حته قلم من الخضه ضحكت هى طبعا جرت بس الحمد لله كملت الصلاه وهى طبعا مقدرش اكلمها لانها روحى وبتقولى على فكره يا ماما

طبعا فالبدايه حمدا لله على سلامتك استاذى العزيز نورت بيتك ومطرحك
ثانيا بصراحه الواحد مش عارف يزعل ولا يفرح بس افرح لانك جيت ولفيت فغرف البيت حته حته اى نعم فى غرف غير مرتبه ولكن لما يرجع الاب ويزعق زعقتين الكل هيبقى تمام

ايمان الشريف كتب:

انا هقولى موقف ضحكنى :

امبارح بصلى المغرب فبنت اخويا الله يسامحها هى بصى زى الظل بتاعى بتقلدنى فى كل حاجه انا بقولها انتى عامله زى خيالى المهم بصلى ومنسجمه جات وقعدت على رجلى وتكلمنى انا طبعا مش برد عليها شويه وضربتنى حته قلم من الخضه ضحكت هى طبعا جرت بس الحمد لله كملت الصلاه وهى طبعا مقدرش اكلمها لانها روحى وبتقولى على فكره يا ماما

ههههههههههههه الموقف ده حصل معايا انا بردو بس الفرق ان اولاد اختى (انس واحمد ) هما اللى عملوا كده بس انا للاسف مش مسكت نفسى ع العموم تعيشى وتاخدى غيرها يا ايمان ههههههههه

خالد السيد كتب:

أنا بقى ياآلاء موقف وحش بالأمس ومزعلني خالص

أنا منذ أن سكنت في قنا منذ زواجي من 13 سنة

وإحنا متعودين كل يوم جمعة بعد الصلاة نذهب جميعاً

عند حماتي مثل يوم العيد غداء وعشاء وحكاوي القهاوي


بالأمس بعد صلاة الجمعة قولت قبل مانخرج أدخل المنتدى

لإنه وحشني خالص ودخلت وصدمت عندما رأيت أقسام مهملة

وكثير من المشرفين لم يدخل من أكثر من شهر والله حزنت جداً

وإرتفعت الحالة العصبية عندي وأقسمت ألا أخرج من البيت

وطلبت منهم الخروج كلهم وإلا يومهم هيبقى منيل عليهم فخافوا

وراحوا بيت حماتي وجلست على المنتدى من بعد صلاة الجمعة

حتى فجريوم السبت يأتي وقت الصلاة أصلي مكاني وأجلس تاني

ونسيت الأكل والشرب إلا أن شعرت بهبوط صباح هذا اليوم


مش عارف الموقف ده ياآلاء يضحك ولايبكي

إحكمي إنتي وجميع الأعضاء

طيب الاسبوع الجاى انا اجى مع حضرتك عند حماتك بس تعملولى فراخ مشوى وكباب وكفته وشوربه وتجيبولى كل انوااااع الاكل اوك هههههههه مش تضايق نفسك استاذ خالد ان شاء الله كله هيرجع زى الاول واكتر كمان وقول الاء قالت وانا مع استاذ طه بس مش لازم زعيق احنا عاوزين قتل اوك انا بهدى النفوس ع فكرة اوعوا تفهمونى صح ههههههه

شرفتنى بمرورك استاذ خالد وان شاء الله الموقف اللى جاى يكون فيه قتل بجد قصدى موقف حلو بجد هههههه

دعاء عبد العزيز كتب:

لا حول ولا قوة الا بالله العلى العظيم
كنت سوف اقول على موقف حصل معى بالامس
لكن بصراحة لما قرات اعتراف الاستاذ خالد احزننى
وتوقفت
فتحول موقفى
من فرح لحزن
فرحت برجوع الاستاذ خالد الى المنتدى بالسلامة
وحزنت لما حدث معه
وعجزت عن الكلام
وحمدا لله على سلامتك يااستاذ خالد

اكيد يا دعاء كلنا فرحنا برجوع الاستاذ خالد وان شاء الله كل حاجه هترجع زى الاول بس انتى تفائلى اوك

وبعدييييييييييييييييين فين الموقف

خالد السيد كتب:

الله يسلمك يادعاء

والله فعلاً محتاج أي حد يضحكني

ويطلعني من الجو إلي أنا فيه

معلش يا استاذ خالد وانا من الوقتى بعلن حمله اللى هيضحك استاذ خالد هياخد فانوس هدييييييييييييييييه بس يا ريت تجيبوا الفلوس الاول اوك ههههههههههههههههههه

طه حسين محمد احمد كتب:

طبعا فالبدايه حمدا لله على سلامتك استاذى العزيز نورت بيتك ومطرحك
ثانيا بصراحه الواحد مش عارف يزعل ولا يفرح بس افرح لانك جيت ولفيت فغرف البيت حته حته اى نعم فى غرف غير مرتبه ولكن لما يرجع الاب ويزعق زعقتين الكل هيبقى تمام

تمام كده هو كده صح بس عايزيييييييييييين قتتتتتتتتتتل مش زعيييييييييييييق وبرضو هو حضرتك فييييييييييييييييييييييييييييين الموقف

ايون ايون ايون هو ده الكلام ولا بلاش تعرفى حاجه يا دعاء انا بموت فيكى هههههههههههه بس احنا مش طماعين صح ؟؟؟؟؟؟؟؟؟ احنا بس عاوزين نزور استاذ خالد ونطمن عليه صح ههههههههههههه

ياااااااااااااااااااااااا دعاااااااااااااااااااااااااء فين المووووووووووووووقف

خالد السيد كتب:

هههههههههههههههههههه كل ده يعتبر مواقف ياآلاء

بس بلاش تزروني أصل هيبقى موقف يعلم بيه ربنا

وأنا بروح لحماتي كل يوم جمعه والجمعة القادمة أول رمضان

وأنا بحب الفول والمخلل بس في رمضان ممكن تشرفونا على كده

ألف شكر للأخ طه حسين والحمد لله المنتدى بخير ولكنني

كان زعلي فقط من بعض المشرفين وليس الكُل

وكل سنة وإنتم طيبين

فول ومخلل لالالالالالالالالا مين قال اننا عاوزين نيجى حد قال يا جماعه مستحيل

(يا دعاء يلا نفلسع قبل ما يخلونا نروح صح ) هههههههههه

لا والله انا بجد اتشرف انى اجى عند حضرتك حتى لو ميه بس جبها فرخايه ع الخفيف كده هههههههه

شامم ريحة فوول ومخلل

ايه يا حج خالد

هو السنادي في افطار جمااااعي هنا ولا ايه الحيااة ههههههههههههههههههههه

طه محمد عبد الحميد كتب:

شامم ريحة فوول ومخلل

ايه يا حج خالد

هو السنادي في افطار جمااااعي هنا ولا ايه الحيااة ههههههههههههههههههههه

انا والله ع حالى الوقتى لو جبولى ايه اكله انا بجد جعاااااانه بس مش عارفه اعمل ايه واما دخلت المطبخ اللى حصل مستحيل يحصل تانى هههههههههههه


امممممممممممم فين الموقف استاذ طه

لا يا حج خاااالد انت والحج احمد ان شاء اله عندي ان شاء الله بمناسبة الخروج من الجيش ولو كان فيه خطوبه كماان ايه راي حضرتك

ههههههههههههههههههههههههه

لا تقلق يا حج خالد

الكل هنا تحت اوامركم هههههههههههههههههه

خالد السيد كتب:

إنت ماصدقت ياطه والله أنا ميت من الجوع

ومش عارف أتصرف لإنني وزعت أهل البيت إمبارح

وإنت عارف الشهرده بقى البركة في الحاج أحمد المسيدي

ومائدة القوات المسلحة هي فيه في قنا موائد تانية

أنا أفلسع وأسافر عند أمي في دمنهور وخلاص

احم احم وانا والله قاعده لوحدى فى البيت واما دخلت احضر اكل اتلسعت والزيت ادلق ع والكوبيات اتكسرت سبتهم وحلفت ما اكل هههههههههه وياريت تاخدنى مع حضرتك هههههههههه

حنين الى الاسلام كتب:

فكرة جميلة جدا ياآلاء ..

****************

الف سلامة على حضرتك ياأستاذ خالد ، وفعلا عند حضرتك حق فى كلامك ..

لكن ان شاء الله هيكون خير فى الأيام القادمة ..

*******************

ان شاء الله يا حنين وبما اننا قاعدين ان شاء الله هنطلعوا من المود ده مش كده ولا ايييييه


وبعدين بما ان الفكرة عجبتك فين الموقف انا بعد شويه همسك عصايه واجرى وراكوا ههههههههه

يا جماعة تعرفوا والله انا حاسه من يوم ما جيه الاستاذ خالد والمواضيع بقيت تتجدد والردود ع طول والاعضاء بقت تدخل ع طول بقى فى روح حلوة كده زى زمان صح ولا انا بس اللى حاسه كده ؟؟؟؟؟؟؟؟؟؟

هي دي روح المنتدى الحقيقية ياآلاء عقبال رجوع شيماء27

وصافي 2000 أوأم صافي أسلاك التليفونات مسروقة عندهم

اه والله احنا ممكن نفتح التوبيك دردشه لحد الان مش فيه غير موقفين ههههههههههه

بس مش مهم المهم ان احنا مبسوطين مش كده ولا ايه ؟؟؟؟؟؟؟؟ وان شاء الله الباقيين يرجعولنا والمنتدى يرجع زى الاول واكتر كمان يااااارب

ااااااااااااااااااااااااها اكتئاب انتى والاستاذ خالد حرااااااااااااااااااااام سيبك سيبك ايه رايك ندبس الاستاذ خالد فى عزومة ده رايح عند مامته يعنى انسى الفول والمخلل ههههههههههه بس اوعى تقولى الكلام ده لحد ها ههههههههههه

ماااااااااااااشى ماااااااااااااشى هجبلك جردل مخلل لوحدك ههههههه اوك يلا بقى يعنى اما استاذ خالد يطلع من المود انتى تدخلى فيه ايه هى عدوى ربنا يستر ع هههههههههه

دعاء عبد العزيز كتب:

نحن معاك يااستاذ خالد مابين متروح معاك
ولا ايه ياالاء مخلل فول مش مشكلة
وطالما حضرتك عند الحاجة يبقى الحمد لله ضمنا
المحشى والحمام
انا معاكى يالاء لازم ندبس الاستاذ خالد
احنا مصمصمين ولن نتنازل
ههههههههههه

اوك يا دعاء موافقه بس الكلام ده فى الخباسه ها هههههههههههه بس تعرفى خايفه من ايييييييييييه اننا بعد اما نروح يجيبولنا فول ومخلل بس هتبقى ليله حلووووووووووووووووة ههههههههههه وانا معاكى بس لازم نتاكد الاول انهم شالوا الفول والمخلل من قنا خااااااااااااااااااااالص هههههههههههه